इब्रानियों 13:7 - बिलासपुरी नौआं नियम

⁷ सै जे तुहांरे अगुवे, कने तिन्हे जे तुहांजो परमेशरा रा वचन सुणाई रा, तिन्हांजो याद रखा; कने ध्याना ने सोच्चा भई सै किस तरिके रा जीवन जीये कने मरे कने तियां जे तिन्हे विश्वासा कित्या था तिस इ तरिके रा विश्वास तुहें बी दस्सा।

इब्रानियों 13:7 Referans Kwoze

इब्रानियों 13:17

अपणे अगुवेयां रा हुक्म मन्नो कने तिन्हांरे अधीन रौ, काँह्भई ये तिन्हांरा फर्ज आ भई सै तुहांरे प्राणां री पहरेदारी करो, काँह्भई तिन्हांजो तुहांरे बारे च परमेशरा जो हिसाब देणे पौणा। जे तुहें तिन्हांरा हुक्म मनगे तां तिन्हां अपणा काम्म खुशिया ने करना, जे तुहें नीं मनगे तां तिन्हां दुखा ने करना, तां तुहांजो कोई फायदा नीं हूणा।

फिलिप्पियां 3:17

प्यारे साथी विश्वासियो, तुहें सारे मिलीने मेरे साई जीवन जिऊआ, कने तिन्हां लोकां रा बी ध्यान रखा सै जे मेरे व्यवहारा साई व्यवहार कराँ ये कने तिन्हांरा अनुशरण करा।

इब्रानियों 6:12

तां तुहें सुस्त नीं बणने। पर तुहें तिन्हांरा अनुशरण करगे सै जे अपणे विश्वास कने धैर्य रिया वजह ने परमेशरा रे वायदयां रे बारस हुणे।

1 थिस्सलुनीकियां 1:6

तुहें बड़यां दुखां च पवित्र आत्मा ते मिलणे औल़ियां खुशिया ने खुशखबरिया जो ग्रहण कित्या कने अहांरी कने प्रभुरी चाल चलने लगे।

प्रेरितां 14:23

कने पौलुस कने बरनबासे हरेक कलीसियां चते विश्वासी लोकां जो चुणीने तिन्हां खातर प्राचीन बणाये कने उपवास कने प्राथना करीने तिन्हांजो प्रभु यीशुये जो सौंपीत्या, तिस पर जे तिन्हें विश्वास कित्तिरा था।

मत्ती 24:45

“फेरी सोच्चा सै भरोसे रे लायक सेबक कुण आ तिस्सो जे स्वामिये अपणे घरा रे नोकराँ-चाकराँ रे ऊपर सरदार बणाया भई सही बगता पर तिन्हांजो रोटी देयो?

1 तिमुथियुस 3:5

जे कोई अपणे घरा जोई ठीक ढंगा ने चलाणा नीं जाणदा, तां परमेशरा री कलीसिया री रखवाली कियां करगा?

इब्रानियों 13:24

अपणे सब अगुवेयां जो कने सब पवित्र लोकां जो अहांरा नमस्कार बोल्यों। इटली देशा रे विश्वासी तुहांजो नमस्कार बोलां ये।

1 थिस्सलुनीकियां 2:13

कने इस खातर अहें परमेशरा रा धन्यवाद हमेशा करदे रैं, काँह्भई ताहली जे तुहें अहांते वचन सुणया, तां तिस्सो माहणुआं रिया खुशखबरिया रे रुपा च नीं, बल्कि परमेशरा रिया खुशखबरिया रे रुपा च ग्रहण कित्या; कने तियां जे सै सच्च आ, कने तुहां विश्वासियां पर तिसरा असर बी आ।

1 कुरिन्थियों 4:16

इस खातर हऊँ तुहांजो विनती कराँ भई मेरे साई चाल चला।

रोमियो 10:17

इस खातर ताहली जे तुहें सन्देश सुणां ये, तां विश्वास औआं, कने सन्देश यीशु मसीह रा बचन आ।

प्रेरितां 4:31

तां जे सै प्राथना करी चुक्के, तां जगह तित्थी जे सै कट्ठे थे हिल्लीगी, कने सै सब पवित्र आत्मा ते भरीगे, कने परमेशरा रा वचन हिम्मता ने सुणांदे रै।

प्रकाशितवाक्य 6:9

ताहली जे मेमने पंजवीं सील तोड़ी, तां मैं बेदिया रे थल्ले तिन्हांरे प्राणां जो देख्या, सै जे परमेशर रे वचनां रिया वजह ते, कने तिसा गवाहिया रिया वजह ने सै जे तिन्हें दित्ति, मारी दित्ते गये थे।

प्रकाशितवाक्य 20:4

फेरी मैं संघासण देक्खे, कने तिन्हां पर सै जे लोक बैठिरे थे तिन्हांजो न्याय करने रा अधिकार दित्या गया। कने मैं तिन्हांरियां आत्मां जो बी देख्या तिन्हांरे सिर जे यीशुये री गवाही देणे कने परमेशरा रे वचनां रिया वजह ते धड़ा ते लग कित्ते गईरे थे। तिन्हें पशु या मूर्तियां री पूजा नीं कित्ती थी, नांई अपणे मत्थे कने हत्था पर तिसरी छाप लई थी। सै जिऊंदा हुईने मसीह ने सौगी हज़ार साल्लां तक राज करदे रै।

प्रकाशितवाक्य 1:9

हऊँ यूहन्ना, तुहांरा साथी विश्वासी आ कने यीशु मसीह रे दुख, कने राज, कने धीरजा च तुहांरे सौगी आ। हऊँ पतमुस नौआं रे टापुये च परमेशरा रे वचना कने यीशुये री गवाही देणे रिया वजह ते कैदी था।

2 थिस्सलुनीकियां 3:9

अहें कड़ी मेहणत कित्ती इस खातर नीं भई अहांजो तुहांते मदद पाणे रा अधिकार निआं; बल्कि अहें तुहांरे सामणे इक आदर्श रखणा चाँह थे, ताकि तुहें तिसरा पालन करी सक्को।

1 कुरिन्थियों 11:1

तुहें मेरे साई चाल चला, तियां जे हऊँ मसीह रे साई चाल चलां।

लूका 12:42

प्रभुये गलाया; “सै विश्वास लायक कने समझदार भण्डारी कुण हूणा, तिसरा मालक जे तिस्सो नोकराँ-चाकराँ पर मुखिया बणाईने घरा री रखवाल़ी करने कने ठीक बगता पर तिन्हांजो रोटी देणे री जिम्मेवारी सम्भाल़े।

लूका 8:11

“कहाणियां रा मतलब येआ : ब्यूआ त परमेशरा रा बचन आ।

2 थिस्सलुनीकियां 3:7

तुहें खुद इ बौहत अच्छे तरीके ने जाणाँ यें भई तुहांजो तियां इ जीणा चाहिन्दा तियां जे अहें जीआं थे, काँह्भई ताहली जे अहें तुहांरे बिच थे तां अहें आलसी नीं थे पर काम्म करां थे,

1 कुरिन्थियों 10:13

तुहें अज्जा तक किसी येढ़िया परीक्षा च नीं पै, तिसा परीक्षा जो जे लोकें अनुभव नीं कित्या; कने परमेशर बफादार आ। तिस तुहांजो किसी येढ़िया परीक्षा च पौणे देणा सै जे तुहांरे सैहणे ते परे इ, पर परीक्षा ते बाहर निकल़णे खातर तिस तुहांजो ठीक रस्ता दसणा ताकि तिस्सो तुहें सही सक्को।

प्रेरितां 13:46

तां पौलुसे कने बरनबासे निडर हुईने गलाया, “जरूरी था भई परमेशरा रा वचन पैहले तुहांजो सुणाया जान्दा; पर ताहली जे तुहें तिसरा इन्कार कराँ ये, कने अप्पूँजो अनन्त जीवना रे लायक नीं ठहराँदे, तां हुण अहें अन्यजाति लोकां ले जाणा।

लूका 5:1

इक बगत ताहली जे भई लोकां रा दंगल यीशुये जो चऊँ पासयां ते घेरी ने परमेशरा रा बचना सुणीराँ था, कने सै गन्नेसरत नदिया रे कण्डे खढ़िरा था।

1 पतरस 4:11

तिस्सो जे प्रचार करने रा बरदान मिलीरा तिसजो परमेशरा रा सन्देश प्रचार करना चाहिन्दा। जे तुहांजो दुज्यां री सेवा करने रा बरदान मिलीरा, तां परमेशरा ते पाई रिया सारिया शक्तिया ने ये करा। ताकि सारियां गल्लां च यीशु मसीह रे जरिये परमेशरा री महिमा हो। सारी महिमा कने सामर्थ जुगां-जुगां तक तिसरी इ हाई। आमीन।