इब्रानियों 13:15 - बिलासपुरी नौआं नियम

¹⁵ इस खातर अहें यीशुये रे जरिये लगातार स्तुति रुपी बलिदान परमेशरा जो भेन्ट करिये, यनि ताहली जे अहें अपणे शब्दां रे जरिये अंगीकार कराँ ये भई यीशु अहांरा प्रभु आ।

इब्रानियों 13:15 Referans Kwoze

रोमियो 12:1

इस खातर मेरे साथी विश्वासियो, परमेशरा री महान दया रिया वजह ने हऊँ तुहांजो विनती कराँ, भई अप्पूँजो पवित्र, इक जिऊंदा बलिदान्ना रे रुपा च परमेशरा जो खुश करदे हुये अर्पण करा। परमेशरा री अराधना करने रा येई सही तरीका।

1 पतरस 2:5

तुहें बी जीवित पत्थराँ साई आओ कने आत्मिक घर बनाणे च अप्पूँजो इस्तेमाल करा, तित्थी जे तुहां आत्मिक बलिदान चढ़ाणे खातर पवित्र याजकां साई सेवा करनी, सै जे यीशु मसीह रे जरिये परमेशरा रिया नज़राँ च ग्रहण करने लायक हो।

मत्ती 11:25

तिस इ वगत यीशुये गलाया, “पिता, तू स्वर्गा कने धरतिया रा मालक आ, हऊँ तेरा धन्यवाद कराँ भई तैं इन्हां गल्लां जो ज्ञानियां कने समझदार लोकां ते छुपाई ने रखीरा, कने आम लोकां पर प्रगट कित्या।

1 पतरस 4:11

तिस्सो जे प्रचार करने रा बरदान मिलीरा तिसजो परमेशरा रा सन्देश प्रचार करना चाहिन्दा। जे तुहांजो दुज्यां री सेवा करने रा बरदान मिलीरा, तां परमेशरा ते पाई रिया सारिया शक्तिया ने ये करा। ताकि सारियां गल्लां च यीशु मसीह रे जरिये परमेशरा री महिमा हो। सारी महिमा कने सामर्थ जुगां-जुगां तक तिसरी इ हाई। आमीन।

इफिसियां 2:18

काँह्भई अहें दुईं किस्मा रे लोक इक्की आत्मा रे जरिए पिता गे पुजणे जोगे हुए।

इब्रानियों 7:25

इस खातर सै जे यीशुये रे जरिये परमेशरा ले औयें, सै तिन्हांरा पूरी तरह छुटकारा करी सक्कां, काँह्भई यीशु तिन्हां खातर विनती करने जो हमेशा जीवित आ।

कुलुस्सियां 1:12

तुहें अहांरे पिता परमेशर रा धन्यवाद करदे रौआ, तिने जे तुहांजो स्वर्गा च अपणयां पवित्र लोकां खातर त्यार कित्ती रिया बिरासता जो सांझा करने रे लायक बणाया।

रोमियो 6:19

हऊँ ये उदाहरण इस खातर इस्तेमाल करी रां काँह्भई तुहांरे खातर ये समझणा मुश्किल आ। तियां जे तुहें खुद अप्पूँजो दास्सा साई बुरयां कम्मां रे खातर अपवित्रता कने बुराईया रे खातर सौंपया था, तियां इ हुण तुहें अप्पूँजो परमेशरा रिया सेवा रे खातर सौंपी देआ, ताकि तुहें पूरी तरह तिसरे हुणे।

यूहन्ना 10:9

दरवाजा हऊँ आ; जे कोई मेरे जरिये अन्दर जां, तां परमेशरा तिस्सो छुटकारा देणा, कने अन्दर बाहर औन्दे जान्दे रैहणा कने खाणे जो रोटी पांगा।

यूहन्ना 14:6

यीशुये तिसजो गलाया, “हऊँ इ हाया सै जे लोकां जो अपणे पिता ले लेई जां, हऊँ तिन्हांजो तिसरे बारे च सच्चाई दस्सां, कने हऊँ इ तिन्हांजो अनन्त जीवन देआं, कोई बी मेरे बगैर पिता लौ नीं जाई सकदा।

लूका 10:21

तिस इ घड़ी सै पवित्र आत्मा रिया खुशिया च भरी ने बोलणे लगे, “पिता जी, स्वर्ग कने धरतिया रे मालक हऊँ तेरा धन्यवाद कराँ भई तुहें इन्हां लोकां ते ये असलीयत छुपाई ने रखी, सै जे अपणे आप जो चलाक कने बुद्धिमान समझां ये, कने सै जे बच्चयां साई ये तिन्हां पर ये गल्लां परगट कराँ ये। हाँ, पिता, काँह्भई तैं देख्या भई ये ठीक आ।”

इब्रानियों 12:28

इस खातर अहांजो सै राज जे मिलीरा सै हिलाया नीं जाई सकदा, इसा गल्ला रे खातर अहें परमेशरा रा धन्यवाद कराँ ये। कने ईज्जत कने डरा ने परमेशरा री येढ़ि अराधना कराँ ये, तिसते जे परमेशर खुश हुआं।