इब्रानियों 11:7 - बिलासपुरी नौआं नियम

⁷ विश्वासा रे जरिये नूँह जो ताहली जे तिन्हां गल्लां री चेतावनी दित्ति गई सै जे तिने देक्खी तक नीं थिआं, तां तिने परमेशरा रा आदर करदे हुये तिसरे हुक्मा जो मन्नीने अपणे परिवारा जो बचाणे रे खातर इक जहाज बणाया था। अपणे विश्वासा रे जरिये तिने इस संसारा जो दोषी मन्नया कने इस खातर परमेशरे नूँह जो धर्मी घोषित कित्या, काँह्भई तिने परमेशरा पर विश्वासा कित्या।

इब्रानियों 11:7 Referans Kwoze

1 पतरस 3:20

ये तिन्हां लोकां रियां आत्मां थिआं तिन्हेंजे बौहत पैहले परमेशरा रा हुक्म नीं मन्नया था ताहली जे नूँह जहाज बणाईराँ था, कने परमेशर धीरजा ने इन्तजार करया राँ था भई सै मन फिराई लो। पर येढ़ा नीं हुया कने जलप्रलय ते बाद सिर्फ आट्ठ माहणु इ बची पाये।

रोमियो 4:13

ताहली जे परमेशरे ये वायदा अब्राहम कने तिसरे वंशां ने कित्या था भई तिस तिन्हांजो ये संसार देणा। ये वायदा इस खातर नीं कित्या गया था भई अब्राहमे व्यवस्था रा पालन कित्या था, वल्कि परमेशरा पर तिसरे विश्वासा रिया वजह ने सै धर्मी गिणया गया।

लूका 17:26

ताहली जे माहणुये रे पुत्रा वापस औणा, तां लोकां रा जीवन तेढ़ा इ हूणा तेढ़ा जे अहांरे पूर्वज नूँह रे जमाने च हुया था।

फिलिप्पियां 3:9

कने हऊँ तिस सौगी पूरी तरह ते इक हुई सक्कूं; कने ये इस खातर नींआ भई मैं व्यवस्था रा पालन कित्या तां परमेशर मेरे धर्मी हुणे री घोषणा कराँ, पर ये मसीह च विश्वास करने रिया वजह ते आ, कने सिर्फ मेरे मसीह च विश्वास करने रिया वजह नेई परमेशरे ये घोषणा कित्ती भई हऊँ धर्मी आ।

गलातियां 5:5

पर अहौं पवित्र आत्मा रिया तरफा ते पूरा भरोसा भई परमेशर अहांजो धर्मिये रे रुपा च ग्रहण करगा, काँह्भई अहें यीशु मसीह पर विश्वास कराँ ये।

इब्रानियों 5:7

ताहली जे यीशु इस संसारा च था तां तिसरे जीवन काला च ऊच्चिया अवाज़ा च पुकारदे हुये कने रोन्दे हुये आँसुआं ने परमेशरा रे सामणे प्राथना कने विनती कित्ती सै जे तिस्सो मौती ते बचाई सक्कां था; काँह्भई सै नम्र कने परमेशरा रे प्रति समर्पित था इस खातर परमेशरे तिसरी प्राथना सुणीने तिसजो जबाब दित्या।

रोमियो 3:22

यनिके सारे विश्वासियां खातर यीशु मसीह पर विश्वास करने ते परमेशरा री धार्मिकता बिणा किसी भेदभावा रे परगट हुई;

रोमियो 1:17

काँह्भई खुशखबरी अहांजो ये दस्सां इ भई परमेशर कियां माहणुये जो अपणिया नज़राँ च धर्मी बणाँ; सै शुरु ते लेईने आखिर तक विश्वासा पर टिकिरा; तियां जे भई पवित्रशास्त्रा च लिखिरा, “धर्मी माहणु विश्वासा ते जिऊंदा रैहणा।”

मत्ती 3:7

ताहली जे तिने बौहत सारे फरीसियां कने सदूकियां जो बपतिस्मा लेणे खातर अप्पूँ ले औंदे देख्या, तां यूहन्ने तिन्हाजो गलाया, “जहरीले सर्पा साई बुरे लोको, हऊँ तुहांजो खबरदार कराँ भई हरेक सै जे पाप कराँ तिसजो परमेशरा इक दिन सजा देणी, कने ये नीं सोच्चा भई तुहां इसा सजा ते बची जाणा।

2 पतरस 3:6

कने परमेशरे पुराणे संसारा जो नाश करने खातर इस पाणिये जो बी यनि बाढ़ा रे पाणिये जो इस्तेमाल कित्या।

2 पतरस 2:5

परमेशरे पुराणे जुगा रे लोकां जो बी नीं छड्डया, पर पाणिये रिया बाढ़ा रे जरिये अधर्मियां रे संसारा रा नाश कित्या; पर तिने नूँह जो बचाया तिने जे धार्मिकता रा प्रचार कित्या कने तिस सौगी सात्त दुज्यां माहणुआं जो बी बचाईल्या।

2 पतरस 1:1

हऊँ शमौन पतरस, यीशु मसीह रा सेबक कने प्रेरित आ। हऊँ ये चिट्ठी तुहां सब्बीं जो लिखया राँ तिन्हें जे अहांरे परमेशर कने छुटकारा करने औल़े यीशु मसीह रिया धार्मिकता रे जरिये अहां साई बौहत कीमती विश्वास पाईरा।

इब्रानियों 11:1

जितने लोक परमेशरा पर विश्वास कराँ ये तिन्हांजो ये निश्चा भई तिसा चीज़ा री जे सै आशा करी राँये सै परमेशरा तिन्हांजो देणी, तिन्हांजो निश्चा भई सै चीज जे तिन्हें हल्तियें तक नीं देखी सै हकीकत च मौजूद इ।

रोमियो 10:6

पर विश्वासा ते मिलणे औल़ी धार्मिकता रे बारे च, पवित्रशास्त्र ये बोलां, “तू अप्पूँ ते ये मत पुछदा भई स्वर्गा जो किस जाणा?” (यनिके मसीह जो थल्ले लौणे खातर!)

रोमियो 4:11

तिसरा खतना बाद बिच हुईरा था, कने तिसरा खतना ये दिखाणे रा इक निशाण था भई तिसरे विश्वासा रिया वजह ने परमेशरे तिस्सो धर्मिये रे रुपा च ग्रहण कित्या था जबकि तिसरा खतना नीं हुईरा था। इस खातर परमेशरा पर विश्वास करने औल़े कने तिसरे इ जरिये धर्मिये रे रुपा च ग्रहण कित्तिरे सारयां लोकां रा आत्मिक पिता अब्राहम आ, हलाँकि तिन्हांरा खतना नीं हुईरा।

मत्ती 24:38

काँह्भई तियां इ तियां जे लोक जलजला औणे ते पैहले रे दिनां तक खान्दे-पीन्दे रै, ब्याह करदे रैये, तदुआं तक जे नूँह जहाजा पर नीं चढ़या।

मत्ती 24:25

देक्खा, मैं पैहले तेई ये सब किछ तुहांजो गलाई तरा।

रोमियो 9:30

तां फेरी अहें क्या बोलिये? अहें इस नतीजे पर पुज्जे भई अन्यजातियां रे लोक सै जे धार्मिकता रिया खोज्जा च नीं थे, तिन्हे धार्मिकता पाई ली यनिके सै जे विश्वासा रिया वजह ने धर्मी बणाये गये,

मत्ती 24:15

“इस खातर ताहली जे तुहें तिसा ज्वाड़ने औल़िया गन्दिया चीज़ा जो पवित्र जगह खढ़ी रिया जो देखगे तिसरी चर्चा जे दानिय्येल भविष्यवक्ते रे जरिये किति थी (सै जे पढ़ो, सै समझो)।

मत्ती 2:12

पर परमेशरे सुफने च तिन्हांजो सावधान करित्या, भई तुहें हटिने हेरोदेस राजे ला देक्खां जान्दे, इस खातर सै किसी दुज्जे रस्ते अपणे देशा जो मुड़ीने चलीगे।

इब्रानियों 8:5

ये याजक सै जे काम्म कराँ ये सै सिर्फ स्वर्गा रिया चिज़ां री नकल कने परछाई ये। इस खातर ताहली जे मूसा तम्बू बनाणे जो त्यार था, तां परमेशरे तिस्सो ये चेतावनी दित्ति, “देख, सै जे नमुना तिज्जो पहाड़ा पर दस्या गईरा था, तिसरे मुतावक सब किछ बनाणा।”

इब्रानियों 12:25

सावधान रौआ, भई तुहें परमेशरा ते मुँह नीं फेरा सै जे तुहांजो गल्लां कराँ, काँह्भई जे इस्राएल रे लोक सजा ते नीं बचे ताहली जे तिन्हें इसा धरतिया च रैहन्दे हुये मूसा रियां गल्लां ते मुँह फेरील्या था, तां सच्चीजो अहें बी नीं बची सकदे, जे अहें तिस परमेशरा ते मुँह फेरगे सै जे स्वर्गा ते अहांने गल्लां कराँ।