इब्रानियों 11:25 - बिलासपुरी नौआं नियम

²⁵ इस खातर भई तिस्सो पापां च थोड़े इ दिनां रे सुख भोगणे ते परमेशरा रे लोकां सौगी दुख भोगणा जादा खरा लगया।

इब्रानियों 11:25 Referans Kwoze

2 कुरिन्थियों 5:17

इस खातर जे कोई मसीह पर विश्वास कराँ, तां हुण सै नया माहणु आ; पुराणा जीवन गुजरिग्या; कने नया जीवन शुरु हुईग्या।

प्रकाशितवाक्य 18:7

जितणी तिने अपणी बडयाई कित्ती कने सुख-बलास कित्या, तितनी इ तिस्सो पीड़ कने दुख देओ; काँह्भई सै अपणे मनां च बोलां इ, ‘हऊँ राणिया साई बैठीरी कने विधवा नीं; मिन्जो कदीं बी किछ दुख नीं हूणा।’

1 पतरस 2:10

पैहले तुहें परमेशरा रे लोक नीं थे, पर हुण तुहें परमेशरा रे लोक ये। पैहले तुहां पर परमेशरा री दया नीं हुईरी थी, पर हुण हुईरी।

याकूब 5:5

तुहें इसा धरतिया पर अपणी हर इक इच्छा पूरा करने कने विलासिता च अपणी जिन्दगी गवाईती; तुहें खुद अप्पूँजो बध कित्ते जाणे रे दिना रे खातर पाल़ी-पोसीने जानबरा साई मोटा तगड़ा करी लरा।

याकूब 1:20

इस खातर भई जो किछ परमेशरा रिया नज़राँ च ठीक आ सै सब तुहांरे गुस्से च नीं कित्या जाई सकदा।

इब्रानियों 11:37

किछ लोकां जो पत्थर मारे गये; तिन्हौं आरयां ने चीरेने दो फाड़ करित्या गया; किछ लोक तलवारां ने मारे गये; सै जे गरीब थे तिन्हांजो कष्ट दित्ते गये कने तिन्हांने बुरा व्यवहार कित्या गया। सै भेड बकरियां रियां खाल्लां ओडीने इखा-उखा भटकदे रै;

इब्रानियों 10:32

पर तिन्हां शुरु रे दिनां जो याद करा ताहली जे खुशखबरिया पर विश्वास करने ते बाद तुहें बौहत दुख सैया, पर विश्वासा च मजबूत रै।

इब्रानियों 4:9

इस खातर हल्तियें बी इक जगह परमेशरा रे लोकां खातर त्यार इ तित्थी जे सै पूरी तरह आराम करी सक्कां ये। तिन्हां तियां आराम करना तियां जे सत्तवें दिन परमेशरे आराम कित्या था।

2 तिमुथियुस 1:8

इस खातर अहांरे प्रभुये रे बारे च दुज्यां लोकां जो दसणे च शर्मिन्दा नीं हुयां कने नांई इसा गल्ला खातर शर्मिन्दा हुयां भई हऊँ तिसरे खातर कैदी आ, बल्कि परमेशर तिज्जो सै जे सामर्थ देआं तिसरा इस्तेमाल करदे हुये खुशखबरिया खातर मेरे सौगी दुख सै।

कुलुस्सियां 1:24

मिन्जो इसा गल्ला री खुशी भई हुण हऊँ तुहांरे खातर दुख सैई सकूँ, कने तियां जे मसीह दुख सैया, तियां इ हऊँ बी खुशिया ने तिन्हां सारयां दुखां जो कलीसिया रे फायदे रे खातर अपणे शरीरा च सैयां सै जे जरूरी ये, ताकि कलीसिया री मदद करी सकूँ सै जे मसीह रे शरीरा साई आ।

रोमियो 5:3

इतणा इ नीं, बल्कि ताहली जे अहें परेशानियां च हुआं ए तां बी आनन्दित हुई सक्कां ए, काँह्भई अहें जाणाँ ये भई ताहली जे अहें दुख सैआं ए तां बौहत अच्छे तरीके ने धीरज रखणा बी सिक्खां ए,

लूका 16:25

पर अब्राहमे तिसजो गलाया, मेरे पुत्र, याद कर, भई तू अपणी पूरी जिन्दगिया च खरी चिज़ां पाई चुक्कीरा, कने तियां इ लाजरे बुरियां चिज़ां पाईयां: पर हुण सै येत्थी सुखी आ कने तू दुख सही कराँ।

मत्ती 13:21

पर वचन तिन्हांरे दिलां री गहराईया तक नीं जान्दा, सै सिर्फ किछ वगता खातर विश्वास कराँ ये। सै तिन्हां बुटयां साई हुआं ये तिन्हांरियां जड़ां जे डुग्गियां नीं हुन्दियां; ताहली जे कोई दुज्जा तिन्हां सौगी बुरा बर्ताव करो या परमेशरा रे बचना पर विश्चास करने रिया वजह ने तिन्हांजो परेशान करो, तां सै लोक परेशान हुईने इकदम बचना पर विश्वास करना छड्डी दें।

प्रेरितां 7:34

मैं सच-मुच अपणे लोकां री सै जे मिस्र देशा चे बुरी दशा देखीरा; कने तिन्हांरा रोणा सुणीरा; इस खातर तिन्हांजो छडवाणे खातर आईरा। हुण आओ, मांह तिज्जो मिस्र देशा च भेजणा।’