इब्रानियों 10:26 - बिलासपुरी नौआं नियम

²⁶ काँह्भई सच्चाईया रा ज्ञान पाणे ते बाद बी जे अहें जाणी बुझीने पाप करदे रैं, तां फेरी पापां रे खातर कोई बलिदान बाकी निआं।

इब्रानियों 10:26 Referans Kwoze

यूहन्ना 9:41

यीशुये तिन्हांने गलाया, “जे तुहें अन्हे हुन्दे तां पापी नीं ठहरदे; पर तियां जे तुहें बोल्लां ये भई तुहें देक्खी सक्कां ये, इस खातर तुहांजो माफ नीं कित्या जाणा।”

लूका 12:47

“कने सै दास जे अपणे मालका री इच्छा जाणदा था कने तिस खातर त्यार नीं रेआ कने मालका रिया इच्छा रे मुतावक नीं चलया तां तिस्सो शख्त सजा दित्ति जाणी।

याकूब 4:17

इस खातर सै जे भलाई करना जाणाँ, पर करदा नींआ, तिसरे खातर ये पाप आ।

1 यूहन्ना 5:16

जे कोई अपणे साथी विश्वासिये जो येढ़ा पाप करदे देक्खो, तिसरा नतीजा जे मौत नीं हो, तां अपणे साथी विश्वासिये रे खातर प्राथना करा; कने तिन्हां रिया वजह ने परमेशरा तिस्सो जीवन देणा, तिन्हें जे येढ़ा पाप कित्या, जिसरा नतीजा जे मौत नीं हो। पाप येढ़ा बी हुआं तिसरा नतीजा जे मौत आ: हऊँ इसरे बारे च विनती करने खातर नीं बोलां।

2 थिस्सलुनीकियां 2:10

कने तिस सब तरिके रा बुरा काम्म करना कने तिन्हांजो धोखा देणा सै जे परमेशरा रे जरिये नाश हुणे; तिन्हां नाश हूणा काँह्भई तिन्हें सच्चाईया जो ग्रहण कने प्यार नीं कित्या तिसते जे तिन्हारा छुटकारा हुआं।

यूहन्ना 13:17

हुण तां जे तुहें इन्हां सब गल्लां जो जाणाँ ये, तां तिन्हांरा पालन करा, ताकि तुहांजो आशीष मिलो।

1 तिमुथियुस 1:13

हलाँकि हऊँ त पैहले मसीह री निंध्या करने औल़ा, विश्वासियां जो सताणे औल़ा, कने निर्दयी माहणु था; तां बी मसीह माह पर दया कित्ती, काँह्भई मैं अनजाणे च कने अविश्वावासा रिया वजह ने ये काम्म कित्ते थे।

1 तिमुथियुस 2:4

सै जे ये चांह भई सब्बीं माहणुआं रा छुटकारा हो, कने सै सच्चाईया जो ठीक-ढंगा ने पछयाणी लो।