इब्रानियों 10:22 - बिलासपुरी नौआं नियम

²² इस खातर औआ, अहें सच्चे दिला ने कने पूरे विश्वासा ने, अन्तरात्मा रे दोषा जो दूर करदे हुये, शुद्ध दिला ने कने अपणे शरीरा जो शुद्ध पाणिये ने धोकर परमेशरा रे सामणे जाईये।

इब्रानियों 10:22 Referans Kwoze

यूहन्ना 3:5

यीशुये तिस्सो जबाब दित्या, “हऊँ तेरने सच्च बोलां, कोई बी परमेशरा रे राज्जा च दाखल नीं हुई सकदा तदुआं तक जे सै पाणिये ते कने आत्मा ते जन्म नीं लौ।

1 पतरस 3:21

ये पाणी बपतिस्मे रा प्रतीक आ सै जे हुण तुहांजो बचां। तिस पाणिये ते जे तुहें बपतिस्मा लेईरा सै पाणी शरीरा रा मैल नीं दूर करदा, पर ये इक निशाण आ भई तुहें साफ अन्तरात्मा ने परमेशरा ते माफी मंगीरी। यीशु मसीह रे मूईरयां चते जिऊंदा हुणे रिया वजह ने तुहांजो माफी मिली सक्कां इ,

इफिसियां 5:26

ताकि सै तिसाजो वचना रे जरिये पाणिये ने नैहलाईने शुद्ध करो कने पवित्र बणाओ,

1 कुरिन्थियों 6:11

कने तुहां चते किछ लोक येढ़े इ थे, पर तुहें प्रभु यीशुये रे नौआं ते कने अहांरे परमेशरा रे आत्मा रे जरिये पापां ते धोये गैईरे कने पवित्र कित्ते गये कने धर्मी घोषित कित्ते गये।

इब्रानियों 7:19

(काँह्भई मूसा री व्यवस्था किसी गल्ला री सिद्धि नीं करी सक्की) पर हुण अहांले इक उत्तम आशा इ तिसरे जरिये अहें परमेशरा रे सामणे औआं ये।

2 कुरिन्थियों 7:1

मेरे प्यारे मित्रो, काँह्भई परमेशरे अहांने ये वायदे कित्तिरे, इस खातर औआ सै जे किछ अहांरे शरीरा कने आत्मा जो अपवित्र कराँ तिसजो धोई देईये, कने परमेशरा रा आदर करदे हुये पूरे तरिके ने पवित्र जीवन जीओ।

इब्रानियों 4:16

इस खातर औआ, अहें हौंसले सौगी परमेशरा रे सामणे चलिये सै जे लोकां पर अनुग्रह कराँ। फेरी अहां पर परमेशरा दया कने अनुग्रह करना कने अहांरी जरूरतां रे वगत तिस अहांरी मदद करनी।

इब्रानियों 12:24

तुहें यीशुये ले आई चुक्कीरे सै जे परमेशर कने लोकां रे बिच्चा रा नईया वाचा रा बिचौल़िया, कने छिड़कावा रे तिस लहूये रे नेड़े आईगरे सै जे हाबिल रे लहूये ते बड्डे वायदे कराँ।

तीतुस 3:5

तां तिने अहांरे पापां रिया सजा ते अहांजो बचाया; कने ये भलयां कम्मां रिया वजह ते नीं, सै जे अहें अप्पूँ कित्ते थे, पर अपणी दया रिया वजह ते। परमेशरे अहांजो नया जीवन दित्या कने तिने अहांरे पापां जो अहांते दूर करीने इक नये तरिके ने बर्ताव करने खातर अहांरी मदद कित्ती; तिने अहांरे अन्दर पवित्र आत्मा जो रखणे रे जरिये ये कित्या।

1 पतरस 1:2

परमेशर पिता बौहत पैहले अपणे लोक हुणे खातर तुहांजो चुणने खातर तैह कित्या कने तुहांजो पवित्र आत्मा रे कम्मा रे जरिये पवित्र बणाया। तिने ये इस खातर कित्या ताकि तुहें यीशु मसीह जो मन्नी सक्को कने तिसरे खून्ना रे जरिये शुद्ध हुई सक्को। हऊँ प्राथना कराँ भई परमेशर तुहांजो बौहत जादा अनुग्रह कने शान्ति देओ।

इफिसियां 3:12

अहें मसीह च विश्वासा कराँ ये इस खातर अहें पूरे भरोसे ने निडर हुईने परमेशरा रे नेड़े जांये।

याकूब 4:8

परमेशरा रे नेड़े औआ, तां तिस बी तुहांरे नेड़े औणा। अरे पापियो! अपणयां पापां जो अपणे जीवना ते दूर करा, कने दोगले माहणुओ, अपणे मना जो पवित्र करा।

इब्रानियों 9:19

काँह्भई ताहली जे मूसे इस्राएली लोकां जो व्यवस्था रा हर इक हुक्म सुणाया था, तां तिने बकरयां कने बछड़यां रे खून्ना जो पाणिये च मिलाया कने जूफा रियां डाल़ियां तिस पर जे लाल ऊन बन्हीरी थी तिस्सो इस्तेमाल करीने व्यवस्था रिया कताबा पर कने सारयां लोकां पर छिड़की दित्या था।

मत्ती 3:11

“हऊँ त तुहांजो तुहांरे मन बदलने खातर पाणिये ते बपतिस्मा देआं, पर तिस जे मेरते बाद प्रचार करने औणा, सै माहते जादा सामर्थी आ; कने हऊँ तिसरे मुकावले किछ बी नींआ, हऊँ इक्की सेवका रा सब्बीं ते छोट्टा काम्म तिस खातर करना चाऊँ, तां तिस बी लायक नींआ। तिस तुहांजो पवित्र आत्मा कने अग्गी ते बपतिस्मा देणा।

याकूब 1:6

पर ताहली जे सै मंग्गो, सै विश्वासा ने मंग्गो कने थोड़ा जेआ बी शक नीं करो काँह्भई तिस्सो जे शक हुआं सै समुद्रा रिया तिसा लैहरा साई आ सै जे हवा ने उट्ठां इ कने कम्बां इ।

इब्रानियों 11:28

विश्वासा रे जरिये इ मूसे इस्राएली लोकां जो फसह रे त्योहारा जो मनणे रा हुक्म दित्या कने दरवाजे रिया चौखटा पर भेड्डा रे बच्चे रा लहू छिड़कणे रा हुक्म दित्या, ताकि नाश करने औल़ा स्वर्गदूत इस्राएल रे पैहलौठयां पुत्राँ जो हाथ नीं लाओ।

इब्रानियों 10:19

इस खातर हे मेरे साथी विश्वासियों, पूरे भरोसे ने अहें यीशुये रे लहूये रे जरिये स्वर्गा री परमपवित्र जगह च प्रवेश करी सक्कां ये।

इब्रानियों 9:10

परमेशरा जो चढ़ाये जाणे औल़ियां चीजां त सिर्फ खाणे-पीणे कने कई तरह रियां शुद्धीकरण रियां विधियां नेई मतलब रखां। ये सिर्फ शारीरिक नियम ये, ये तदुआं तक लागू हुआं ये तदुआं तक जे परमेशर नया नियम नीं बणाई देन्दा।

1 तिमुथियुस 4:2

सै लोक जे ये झुट्ठियां शिक्षां देआं थे सै झूट्ठे लोक ये कने तिन्हांरी अन्तरात्मा मरी चुक्कीरी तियां जे भई गर्म लोहे तिन्हांजो जल़ाई तरा हो,

प्रकाशितवाक्य 1:5

कने यीशु मसीह रिया तरफा ते सै जे बफादार गवाह कने मूईरेयां चते जी उठणे औल़यां च पैहला कने धरतिया रे सारे राजयां रा प्रधान आ, तुहांजो अनुग्रह कने शान्ति मिलदी रौ। सै अहांने प्यार कराँ, कने तिने अपणे खून्ना ने अहांजो पापां ते छडवाईरा।

इफिसियां 6:5

अरे सेबको, तुहौं मना रिया सच्चाईया ने आदर कने डरा ने अपणे संसारिक मालकां रे हुक्मां रा पालन इस तरिके ने करा, तियां जे तुहें मसीह रा कराँ ये।

प्रेरितां 8:21

इसा सेवा च तेरा किछ बी हिस्सा नींआ; काँह्भई तेरा मन परमेशरा रे सामणे सच्चा नींआ।

यूहन्ना 8:9

ताहली जे लोकें येढ़ा सुणया तां तित्थी ते बड्डयां ते लेईने छोटयां तक, हौल़यां-हौल़यां इक-इक करीने खिसकणे लगे, कने यीशु कल्हा रैहीग्या, कने सै जनाना बी ऊत्थी बिच खढ़ी रैई।

लूका 1:1

आदरणीय थियूफिलुस जी! मतयां लोकें तिन्हां गल्लां रा ब्योरा लिखणे री कोशिश किति सै जे अहांरे बिच हुईयां।

प्रेरितां 22:16

हुण देर काँह करया राँ? उट्ठ बपतिस्मा लै, कने यीशु मसीह पर विश्वास कर ताकि परमेशर तेरे पाप माफ करो’।”

इब्रानियों 6:11

अहांरी ये बौहत इच्छा इ भई तुहें तदुआं तक जे जिऊंदा ये अच्छा व्यवहार करदे रौआ, ये पक्का करने रे खातर भई तुहांरी आशा सच्च हूणी।

इब्रानियों 10:1

मूसा री व्यवस्था त औणे औल़ियां गल्लां री सिर्फ परछाई। पर तिसरा असली रुप निआं, इस खातर तिन्हां इक्को जेईयां बल़ियां रे जरिये तिन्हौं जे हर साल लगातार चढ़ाई जाईयां, तिन्हां लोकां जो सै जे परमेशरा ले अराधना करने खातर औआं ये तिन्हांजो कदीं बी सिद्ध नीं करी सकदियां।