इब्रानियों 10:1 - बिलासपुरी नौआं नियम

¹ मूसा री व्यवस्था त औणे औल़ियां गल्लां री सिर्फ परछाई। पर तिसरा असली रुप निआं, इस खातर तिन्हां इक्को जेईयां बल़ियां रे जरिये तिन्हौं जे हर साल लगातार चढ़ाई जाईयां, तिन्हां लोकां जो सै जे परमेशरा ले अराधना करने खातर औआं ये तिन्हांजो कदीं बी सिद्ध नीं करी सकदियां।

इब्रानियों 10:1 Referans Kwoze

इब्रानियों 8:5

ये याजक सै जे काम्म कराँ ये सै सिर्फ स्वर्गा रिया चिज़ां री नकल कने परछाई ये। इस खातर ताहली जे मूसा तम्बू बनाणे जो त्यार था, तां परमेशरे तिस्सो ये चेतावनी दित्ति, “देख, सै जे नमुना तिज्जो पहाड़ा पर दस्या गईरा था, तिसरे मुतावक सब किछ बनाणा।”

इब्रानियों 9:11

पर ताहली जे मसीह अहांरा महायाजका बणीने आया, तां सै खरियां चीजां जो लेईने आया सै जे हुण मौजूद ईं। कने मसीह स्वर्गा च परमेशरा रिया हजूरिया च गया कने सै जगह इक बड़े कने सिद्ध तम्बुये साई सै जे माहणुआं रे हत्थां रा बणाईरा नींआ यनि सृष्टिया रा नींआ।

कुलुस्सियां 2:17

काँह्भई ये सारे नियम औणे औल़ी गल्लां री छाया साई ये, पर मसीह इ सच्च आ।

इब्रानियों 9:23

सै चीजां जे सिर्फ स्वर्गा रियां चीजां री नकल थिआं, जे तिन्हारा शुद्धीकरण इस तरिके रियां विधियां ने हुणे री जरूरत थी, तां खुद स्वर्गा रियां चिज़ां रे खातर इक उत्तम बलिदान्ना री जरूरत इ।

इब्रानियों 9:25

यहूदी महायाजक हर साल जानबराँ रा लहू लेईने परमपवित्र स्थाना च प्रवेश कराँ, पर मसीहे अप्पूँजो बार-बार बलिदान चढ़ाणे खातर स्वर्गा च प्रवेश नीं कित्या,

रोमियो 8:3

काँह्भई सै काम्म जे मूसा री व्यवस्था हमारे पापी स्वभावा रिया वजह ने कमजोर हुईने नीं करी सक्की, तिसजो परमेशरे कित्या, यनिके अपणे इ पुत्रा जो अहां पापियां साई हुणे रे खातर कने अहांरे पापा रा बलिदान हुणे रे खातर भेज्जीने, मसीह रे शरीरा रे जरिये परमेशरे पापा रिया सामर्था जो तोड़या।

इब्रानियों 7:11

ये लेवीय याजका रे अधारा पर व्यवस्था इस्राएली लोकां जो दित्ति गई थी। हुण, जे लेवीय याजकां रा काम्म ठीक था, तां अलग तरह रे याजका रे प्रगट हुणे री जरूरत नीं थी, सै जे मेलिकिसिदक साई आ, पर हारून साई नींआ।

इब्रानियों 10:22

इस खातर औआ, अहें सच्चे दिला ने कने पूरे विश्वासा ने, अन्तरात्मा रे दोषा जो दूर करदे हुये, शुद्ध दिला ने कने अपणे शरीरा जो शुद्ध पाणिये ने धोकर परमेशरा रे सामणे जाईये।