इब्रानियों 1:1 - बिलासपुरी नौआं नियम

¹ बौहत पैहले परमेशरे अहांरे पूर्वजां ने कई बार लग-लग तरीकयां ने भविष्यवक्तयां रे जरिये गल्लां कित्तियां,

इब्रानियों 1:1 Referans Kwoze

लूका 24:27

फेरी यीशुये मूसा ते कने सारे भविष्यवक्तयां ते शुरु करीने सारे पवित्रशास्त्रा चते अपणे बारे च लिखी रियां गल्लां रा मतलब, तिन्हांजो समझाईत्या।

प्रेरितां 2:30

सै भविष्यवक्ता था, सै जाणा था भई परमेशरे मेरने वायदा कित्तिरा भई माह तेरे वंशा चते इक्की माहणुये जो तेरे संघासणा पर बठाणा;

लूका 1:55

तेढ़ा जे परमेशरे अहांरे पूर्वजां यनि अब्राहम कने तिसरे कुलबे रे परति सै जे वायदा कित्या था तिस्सो पूरा कित्या।”

प्रेरितां 13:32

अहें तुहांजो तिस वायदे रे बारे च सै जे परमेशरे अहांरे बापदादयां ने कीतिरा, ये खुशखबरी सुणावां ये,

इब्रानियों 2:2

काँह्भई सै जे सन्देश परमेशरे स्वर्गदूतां रे जरिये बोल्या था, सै सच्चा साबित हुया कने हरेक अपराध कने हुक्मां जो नीं मनणे औल़े जो सजा मिली,

लूका 1:72

भई अहांरे पूर्वजां पर दया करीने अपणे पवित्र वायदे जो पूरा करो,

प्रेरितां 28:23

तां यहूदियें तिस खातर इक दिन तैह कित्या, कने मते लोक तिसले कट्ठे हुये, कने सै परमेशरा रे राज्जा री गवाही देन्दा हुआ। कने मूसा री व्यवस्था कने भविष्यवक्तयां री कताबां चते यीशुये रे बारे च समझाई-समझाई ने सवेरे ते संझा तका दसदा रैया।

यूहन्ना 9:29

अहें जाणाँ ये भई परमेशरे मूसे ने गल्ल बात किति; पर इस माहणुये जो नीं जाणदे भई ये कितिते औआं।”

यूहन्ना 7:22

इसा वजह ने मूसे तुहांजो खतने रा हुक्म दित्या (ये नियम मूसे रा नीं था बल्कि तुहांरे पूर्वजां ते चलदा आईराँ), कने तुहें विस्राम रे दिन माहणुये रा खतना कराँ ये।

लूका 24:44

फेरी यीशुये गलाया, “ताहली जे हऊँ तुहांजो इ था, तिस वगत मैं तुहांजो गलाया था भई मूसा री व्यवस्था कने भविष्यवक्तयां रियां कतावां च कने भजन संहिता च मेरे बारे च सै जे लिखिरा, सै सारी गल्लां पूरियां हुणियां।”

यूहन्ना 16:13

पर ताहली जे सच्चाईया रा आत्मा औआं, तिस परमेशरा री हरेक सच्चाईया च तुहांरी अगुवाई करनी तिसरी जे तुहांजो जाणने री जरूरत इ, काँह्भई तिस अपणिया तरफा ते किछ नीं बोलणा, पर जो गल्लां सै परमेशरा ते सुणां तिस तुहांजो दसणियां, इस खातर तिस तुहांजो हुणे औल़ियां गल्लां हुणे ते पैहले दसणियां।

प्रेरितां 3:21

जरूरी आ भई यीशु स्वर्गा च तिस बगता तक रौ तदुआं तका जे सब्बीं गल्लां रा सुधार नीं करी लो, तिसरे बारे च जे पुराणे वगता ते परमेशरे अपणे पवित्र भविष्यवक्तयां रे मुँआं ते दस्सीरा।

इब्रानियों 2:3

तां अहां लोकां जो बी पक्का सजा मिलणी जे अहें बड्डे छुटकारे ते बेफिक्र रैं। प्रभु यीशु मसीह खुद इस छुटकारे रे बारे च पैहले बोल्या था कने तिस्सो सुणने औल़यां चेलयां रे जरिये अहांजो सच्चा साबित हुया।

इब्रानियों 3:5

मूसा त परमेशरा रे लोकां रे खातर सेवका साई बफादार था कने तिने तिसा गल्ला रा वर्णन कित्या सै जे परमेशर भविष्य च बोलणे औल़ा था।

इब्रानियों 4:8

काँह्भई जे यहोशू इस्राएली लोकां जो विस्रामा रिया जगह च प्रवेश कराई लेआं, तां बाद बिच परमेशरे दुज्जे दिनां रे बारे च गल्ल नीं कित्ती हुन्दी।

इब्रानियों 5:5

तियां इ मसीह अप्पूँजो महायाजक बणाईने अपणी बडयाई नीं कित्ती, पर परमेशरे तिस्सो सै आदर दित्या ताहली जे तिने ये बोल्या, “तू मेरा पुत्र आ; आज्ज हऊँ ये घोषित करा भई तू मेरा पुत्र आ”

इब्रानियों 9:19

काँह्भई ताहली जे मूसे इस्राएली लोकां जो व्यवस्था रा हर इक हुक्म सुणाया था, तां तिने बकरयां कने बछड़यां रे खून्ना जो पाणिये च मिलाया कने जूफा रियां डाल़ियां तिस पर जे लाल ऊन बन्हीरी थी तिस्सो इस्तेमाल करीने व्यवस्था रिया कताबा पर कने सारयां लोकां पर छिड़की दित्या था।

इब्रानियों 11:2

अहांरे पूर्वजां रा विश्वास इस तरिके रा था सिर्फ इस वजह ने परमेशर तिन्हांते खुश था।

इब्रानियों 11:18

हलाँकि परमेशरे तिसने बोल्या था, “इसहाका रे जरिये इ तेरा वंश जाणया जाणाँ।”

इब्रानियों 12:25

सावधान रौआ, भई तुहें परमेशरा ते मुँह नीं फेरा सै जे तुहांजो गल्लां कराँ, काँह्भई जे इस्राएल रे लोक सजा ते नीं बचे ताहली जे तिन्हें इसा धरतिया च रैहन्दे हुये मूसा रियां गल्लां ते मुँह फेरील्या था, तां सच्चीजो अहें बी नीं बची सकदे, जे अहें तिस परमेशरा ते मुँह फेरगे सै जे स्वर्गा ते अहांने गल्लां कराँ।