गलातियां 6:2 - बिलासपुरी नौआं नियम

² तुहांजो इक्की दूये री मदद करनी चाहिन्दी ताहली जे तुहां चते कोई दुखां च हो, इस तरिके ने तुहें मसीह री व्यवस्था जो पूरा करगे।

गलातियां 6:2 Referans Kwoze

रोमियो 15:1

अहें जे विश्वासा च मजबूत ये, तां अहांजो तिन्हांरियां कमजोरियां च मदद करनी चाहिन्दी सै जे विश्वासा च मजबूत नींये, नां भई सिर्फ खुद अप्पूँ जोई खुश रखिये।

1 थिस्सलुनीकियां 5:14

साथी विश्वासियो, अहें तुहांजो विनती कराँ ये भई सै जे विश्वासी आलसी ये तिन्हाजो सावधान करा, कायराँ जो हौंसला देआ, सै जे कमजोर ये तिन्हांरी मदद करा, कने सारयां खा सहनशीलता दस्सा।

यूहन्ना 13:34

“हऊँ तुहांजो इक नया हुक्म देआं भई तुहें इक्की दुज्जे ने प्यार करा; तियां जे मैं तुहांजो प्यार कित्या तियां इ तुहें इक्की दुज्जे ने बी प्यार करा।

1 यूहन्ना 4:21

कने मसीह ते अहांजो ये हुक्म मिलया भई सै जे कोई परमेशरा ने प्यार रक्खां, सै अपणे साथी विश्वासिये ने बी प्यार रक्खां।

याकूब 2:8

तां बी जे तुहें पवित्रशास्त्रा ते मिलणे औल़े वचना रा सच्चमुच पालन कराँ ये, भई “अपणे पड़ेसिये ने अप्पूँ साई प्यार करा” तां तुहें ठीक कराँ ये।

यूहन्ना 15:12

“मेरा हुक्म येआ भई तुहें अप्पूँ चियें प्यार रखा, इयां इ तियां जे मैं तुहांजो प्यार कित्या।

1 पतरस 2:24

सै खुद अहांरे पापां जो अपणे शरीरा पर लेईने क्रूसा पर चढ़ीग्या, ताकि अहें पापां रे खातर मरी सक्को कने धार्मिकता रे खातर जी सक्को; तिसरे जख्मां रे जरिये तुहें चंगे हुईरे।

मत्ती 8:17

ये इस खातर हुया ताकि परमेशरे यशायाह भविष्यवक्ता रे जरिये जो बी किछ गलाया था सै पूरा ओ : “तिने अहां रियां कमजोरियां जो खुद भोग्या कने अहांरे रोगां रा बोझ चक्कया।”

गलातियां 6:5

काँह्भई हर इक माहणु अपणे व्यवहारा खातर खुद जिम्मेवार आ।

1 कुरिन्थियों 9:21

सै लोक जे व्यवस्था रे अधीन नींये तिन्हांजो ल्याणे रे खातर हऊँ तिन्हां साई बणीग्या, हलाँकि हऊँ परमेशरा रिया व्यवस्था ते अजाद निआं, पर मसीह री व्यवस्था रे अधीन आ।

रोमियो 8:2

काँह्भई पवित्र आत्मे अहांजो जीवन देआं सै जे यीशु मसीह ते औआं कने मिन्जो पाप कने मौती ते अजाद करी देआं।

लूका 11:46

यीशुये गलाया, “व्यवस्थापको, तुहांरे खातर बी भयानक सजा हूणी! काँह्भई तुहें कई नियम लागू कराँ ये तिन्हांरा पालन करना जे कठण आ, तुहें लोकां जो तिन्हां पर चलने खातर मजबूर कराँ ये; पर तुहें खुद अपणे नियमां पर नीं चलदे।

याकूब 1:25

पर सै जे परमेशरा रिया तिसा उत्तम व्यवस्था जो नेड़े ते देखां, तिसते जे अजादी मिलां इ कने तिसरा इ पालन बी करदा रैयां कने सुणीने तिस्सो बिणा भुल्ले अपणे व्यवहारा च उतारदा रैआं, सैई अपणयां कम्मां रे खातर आशीषित हूणा।”

याकूब 2:12

इस खातर ताहली जे तुहें किछ बोलां ये या कराँ ये, ये आद रखयां भई तुहांरा इन्साफ तिस नियमा ने हूणा सै जे अहांजो अजाद कराँ।

2 पतरस 2:21

काँह्भई तिन्हांरे खातर ये भला हुन्दा भई तिन्हें भलाईया रे रस्ते जो कदीं जाणया इ नीं हुन्दा, बजाये इसरे तिस्सो जाणने ते बाद सै जे पवित्र हुक्म तिन्हौं सौपे गये थे तिन्हांते मुँह मोड़दे।

2 पतरस 3:2

हऊँ चांह भई तुहें तिन्हां गल्लां जो याद करा तिन्हांजो जे पवित्र भविष्यवक्तयां बौहत पैहले बोल्या था, कने अहांरे प्रभु कने छुटकारा करने औल़े रे तिन्हां हुक्मां जो बी याद करा सै जे तुहांरे प्रेरितां यनि अहांरे जरिये दित्तिरे थे।