गलातियां 6:15 - बिलासपुरी नौआं नियम

¹⁵ काँह्भई नांत खतने रा कोई महत्व हाया कने नां बगैर खतने रा, जे महत्व हाया तां सै नौंईयां सृष्टिया रा।

गलातियां 6:15 Referans Kwoze

2 कुरिन्थियों 5:17

इस खातर जे कोई मसीह पर विश्वास कराँ, तां हुण सै नया माहणु आ; पुराणा जीवन गुजरिग्या; कने नया जीवन शुरु हुईग्या।

इफिसियां 4:24

कने तुहौं नया स्वाभाव धारण करना चाहिन्दा, तिसजो जे परमेशरे अपणे बराबर हुणे खातर बणाईरा। तुहांरा स्वभाव सही मायने च धर्मी कने पवित्र हूणा चाहिन्दा।

इफिसियां 2:10

काँह्भई परमेशर अहांरा बनाणे औल़ा, तिने मसीह यीशु च अहांरी सृष्टि इस खातर कित्ती भई अहें भले काम्म करो, तिन्हांजो जे परमेशरे पैहले ते अहांरे खातर त्यार कित्तिरा।

गलातियां 5:6

जे तुहें मसीह यीशुये रे चेले हो, तां चाये तुहें खतना या बगैर खतने औल़े हो इसरा कोई फर्क नीं पौन्दा, पर मसीह पर विश्वास करना इ मायना रखां सै जे परमेशर कने दुज्यां लोकां रे परति प्यारा रे जरिये दिखां।

1 कुरिन्थियों 7:19

नांत खतना कराणे औल़े रा कोई महत्व हाया कने नांई बगैर खतने औल़े रा, पर परमेशरा रे हुक्मा रा पालन करना इ सब किछ आ।

रोमियो 2:28

तू हकीकत च सच्चा यहूदी नींआ, काँह्भई तेरा यहूदी परिवारा ते जन्म हुईरा या तेरा खतना हुईरा।

रोमियो 8:1

इस खातर हुण सै जे मसीह यीशु पर विश्वास कराँ ए, तिन्हां पर सजा रा कोई हुक्म निआं।

प्रकाशितवाक्य 21:5

सै जे संघासणा पर बैट्ठया था, तिने बोल्या, “हऊँ सब किछ नया करी देआं।” फेरी तिने बोल्या, “लिखी लै, काँह्भई ये वचन विश्वास करने लायक कने सच्चा।”

रोमियो 2:26

इस खातर जे बिणा खतने ते माहणु व्यवस्था रे नियमां जो मन्नां, तां क्या तिसरी बगैर खतने री ये दशा खतने रे बराबर नीं गिणी जाणी?

रोमियो 6:4

ताहली जे अहें बपतिस्मा लेआ था, तां अहें मसीह ने सौगी मारे गये थे कने गड्डे गये थे ताकि अहें इक नई जिन्दगी जी सक्को, तियां जे मसीह पिता परमेशरा रिया महिमा रे जरिये मूईरयां चते जिऊंदा हुया था।

इफिसियां 2:15

व्यवस्था रे बौहत नियम थे, पर मसीहे अपणिया मौती रे जरिये सारे यहूदी नियमां जो मटाया, तिसते जे यहूदी कने अन्यजातियां जो मसीह अप्पूँ सौगी मेल कराईने इक नया समूह बणाए। इस तरिके ने तिने तिन्हांरे बिच मेल-मलाप कित्या।

फिलिप्पियां 3:3

काँह्भई सच्चे खतने औल़े माहणु त अहें सै जे परमेशरा रिया आत्मा री अगवाईया ते अराधना कराँ ये कने मसीह यीशुये पर गर्व कराँ ये, कने अपणिया मेहणता पर भरोसा नीं रखदे।