गलातियां 6:14 - बिलासपुरी नौआं नियम

¹⁴ पर येढ़ा नीं हो भई हऊँ सिर्फ अहांरे प्रभु यीशु मसीह रे क्रूसा ते इलावा किसी होरी गल्ला पर घमण्ड करूँ। काँह्भई तिस क्रूसा रिया वजह ने हऊँ संसारा रे खातर कने संसार मेरे खातर मरया।

गलातियां 6:14 Referans Kwoze

रोमियो 6:6

अहें ये जाणाँ ये भई अहांरी पुराणी जिन्दगी यीशुये सौगी क्रूसा पर चढ़ाई तरी ताकि पापा ने भरीरा अहांरा शरीर खत्म हुई जाओ, कने अहें अग्गे जो पापा रे गुलाम नीं बणीरे रौ।

गलातियां 2:20

हऊँ मसीह सौगी क्रूसा पर चढ़ाया गईरा, हुण हऊँ जिऊंदा निआं, पर मसीह माह च जिऊंदा; कने इस शरीरा च हुण हऊँ सै जिन्दगी जे जी कराँ, सै सिर्फ तिस विश्वासा ने जीवित आ सै जे परमेशरा रे पुत्रा पर आ, तिने जे माहने प्यार कित्या कने खुद अप्पूँजो मेरे खातर अर्पण कित्या।

1 कुरिन्थियों 2:2

काँह्भई मैं ये ठाणी लरा था भई तुहांरे बिच यीशु मसीह यनिके क्रूसा पर चढ़ाईरे मसीहे जो छड्डिने होर किसी गल्लां जो नीं सखाऊं।

फिलिप्पियां 3:3

काँह्भई सच्चे खतने औल़े माहणु त अहें सै जे परमेशरा रिया आत्मा री अगवाईया ते अराधना कराँ ये कने मसीह यीशुये पर गर्व कराँ ये, कने अपणिया मेहणता पर भरोसा नीं रखदे।

रोमियो 1:16

हऊँ यीशु मसीह रिया खुशखबरिया रे बारे च गर्व कराँ, काँह्भई सै हरेक विश्वास करने औल़े जो छुटकारा देणे रे खातर परमेशरा री सामर्थ इ, फेरी चाये पैहले सै यहूदी ओ या फेरी अन्यजातियां रे लोक ओ।

गलातियां 5:24

सै जे यीशु मसीह रे लोक ये, तिन्हें अपणे पापी स्वभावा रियां इच्छां कने लालसां जो क्रूसा पर चढ़ाईत्या।

1 कुरिन्थियों 3:21

इस खातर माहणुआं पर घमण्ड करना छडी दो भई अहांरा अगुवा दुज्जे ते जादा ज्ञानी आ, काँह्भई सब किछ तुहांरा इ हाया।

1 कुरिन्थियों 15:58

इस खातर अरे मेरे प्यारे साथी विश्वासियो, अपणे विश्वासा च मजबूत रौआ कने गल़त शिक्षां ते भरमाये नीं जाओ, कने प्रभुये रे कम्मा च हमेशा बधदे जाओ, काँह्भई तुहें जाणाँ ये भई तुहांरी मेहणत प्रभु च बेकार नीं।

गलातियां 1:4

अहांरे परमेशर कने पिता रिया इच्छा रे मुतावक मसीह यीशुये खुद अप्पूँजो अहांरे पापां रे खातर बलिदान करित्या ताकि सै अहांजो अजकला रे इस बुरे संसारा ते छडवाये।

1 कुरिन्थियों 1:23

पर अहें त तिस क्रूसा पर चढ़ाईरे मसीह रा सन्देश सुणवांये, सै जे यहूदियां रे खातर अपमान आ कने अन्यजातियां रे खातर मूर्खता इ;

रोमियो 6:2

कदी मनी! अहें पापा रे खातर मरी चुक्कीरे इस खातर अहांजो लगातार पाप नीं करना चाहिन्दा।

2 कुरिन्थियों 11:12

पर सै जे हऊँ करी रां तिसजो त माह करदे इ रैहणा, ताकि सै लोक सैई काम्म करने रे बारे च घमण्ड करने च सक्षम नीं हुणे सै जे अहे करी राँये।

लूका 20:16

हऊँ दस्सां, तिस आईने तिन्हां करसाणां जो मारीने खत्म करी देणा, कने अंगूरां रा बगीचा किसी होरी करसाणां ले सम्भाल़ी देणा।” येढ़ा सुणीने तिन्हे गलाया, “परमेशर येढ़ा कदीं नीं करो।”

गलातियां 2:17

पर ताहली जे अहें यीशु मसीह पर विश्वास करीने धर्मी हूणा चाँये, तां जे अहें खुद इ पापी बणी जाओ, तां क्या इसरा मतलब येआ भई मसीह पापां जो बढ़ावा देआं? कदीं मनी!

गलातियां 2:19

काँह्भई हऊँ व्यवस्था रे जरिये व्यवस्था रे खातर मरी चुक्कीरा ताकि हऊँ परमेशरा रे खातर जी सक्कूँ।

गलातियां 3:21

क्या इसरा ये मतलब आ भई व्यवस्था परमेशरा रे वायदे रे बिरोधा ची? कदीं मनी! काँह्भई जे येढ़ि व्यवस्था दित्तिरी हुन्दी सै जे लोकां च जीवना रा संचार करी सक्कां इ, तां इसरा पालन करने रे जरिये अहें परमेशरा रे सामणे धर्मी हुई जान्दे।

फिलिप्पियां 3:18

काँह्भई बौहत लोक येढ़ि चाल चलां ये तिन्हांरी चर्चा जे मैं तुहांजो बार-बार कित्ती कने हुण बी रोई-रोई ने कराँ भई सै अपणे चाल-चलना ते मसीह रे क्रूसा रे दुश्मण ये।

कुलुस्सियां 2:20

काँह्भई तुहें मसीह सौगी मरी चुक्कीरे कने तुहांजो संसारिक आदी शिक्षां ते छुटकारा मिली चुक्कीरा, तां फेरी काँह तुहें संसारा रे नियमां रा लगातार पालन करी राँये? तियां जे भई