गलातियां 6:12 - बिलासपुरी नौआं नियम

¹² जितने लोक यहूदियां जो खुश करना चांये, सै तुहांजो खतना कराणे रे खातर मजबूर कराँ ये, पर सै येढ़ा सिर्फ इस खातर कराँ ये ताकि तिन्हांजो मसीह रे क्रूसा रिया वजह ने सताव नीं झेलणे पौ।

गलातियां 6:12 Referans Kwoze

गलातियां 5:11

पर मेरे साथी विश्वासियो, जे हऊँ हुण तक खतने रा प्रचार करदा, तां मिन्जो हुण तक सताया नीं जान्दा, जे हुण तक हऊँ मसीह रे क्रूसा ते इलावा खतने रिया जरूरता रा प्रचार करदा हुन्दा, तां हऊँ यहूदियां जो नराज नीं करदा।

कुलुस्सियां 2:23

ये नियम हकीकत च ज्ञाना साई लगां ये, काँह्भई ये लोकां जो परमेशरा ने बौहत प्यार करने रे खातर कने अप्पूँजो नम्र करने, कने अपणे शरीरा जो दुख देणे रे खातर सखां, पर ताहली जे भई लोक इन्हां सारयां नियमां रा पालन कराँ ये फेरी बी अपणियां बुरियां इच्छां जो रोकी नीं सकदे।

2 कुरिन्थियों 11:13

येढ़े लोक झूट्ठे प्रेरित ये कने छल़ा ने काम्म करने औल़े, सै मसीह रे प्रेरित हुणे रा ढोंग कराँ ये।

प्रेरितां 15:1

फेरी किछ यहूदी विश्वासी यहूदिया प्रदेशा ते आईने विश्वासियां जो सखाणे लगे : “जे मूसा री रितिया पर तुहांरा खतना नीं हुईरा हो तां तुहें छुटकारा नीं पाई सकदे।”

गलातियां 2:3

पर तीतुस जो बी सै जे मेरे सौगी था कने सै जे यूनानी था, फेरी भीं तिस्सो खतना करने जो मजबूर नीं कित्या।

लूका 16:15

फेरी यीशुये तिन्हाने गलाया, तुहें लोकां रियां नज़राँ च बड़े धर्मी बणां ये, पर परमेशर तुहांरे कपटी स्वभावा जो जाणाँ। माहणुआं रिया समझा च सै जे खास आ, सै परमेशरा रिया नज़राँ च बेकार आ।

फिलिप्पियां 3:18

काँह्भई बौहत लोक येढ़ि चाल चलां ये तिन्हांरी चर्चा जे मैं तुहांजो बार-बार कित्ती कने हुण बी रोई-रोई ने कराँ भई सै अपणे चाल-चलना ते मसीह रे क्रूसा रे दुश्मण ये।

फिलिप्पियां 2:4

हर इक्की जो सिर्फ ये नीं सोचणा चाहिन्दा भई तिसरे खातर क्या भला, पर हरेक जो ये बी सोचणा चाहिन्दा भई दुज्यां रे खातर क्या भला।

फिलिप्पियां 1:15

ये सच्च आ भई तिन्हां चते किछ लोक हिरख कने बैर-बरोधा रे कारण मसीह रा प्रचार कराँ ये कने कई लोक खरी भावना ते प्रेरित हुईने मसीह रा प्रचार कराँ ये।

गलातियां 6:13

काँह्भई सै खुद बी तिन्हांरा जे खतना हुई चुक्कीरा, व्यवस्था रा पालन नीं करदे, पर फेरी बी सै चाँये भई तुहें खतना कराओ ताकि सै इसा गल्ला पर घमण्ड करी सक्को भई तुहांरा खतना तिन्हां रिया वजह ने हुईरा।

गलातियां 2:14

मैं ताहली जे ये देख्या भई खुशखबरिया रिया सच्चाईया रे मुतावक सै सिधे रस्ते पर नीं चलीरे, तां मैं सारयां रे सामणे कैफा जो गलाया, “तां जे तू यहूदी हुईने बी अन्यजातियां साई जीवन जीआं, तां फेरी अन्यजातियां जो यहूदियां रे रीति-रिवाजा पर चलने जो कजो बोलां?”

2 कुरिन्थियों 10:12

अहें तिन्हां किछ लोकां सौगी अपणी तुलना करने री हिम्मत नीं करदे, सै जे खुद अप्पूँजो बड़ा खास समझां ये; कने अप्पूँजो मापदण्ड समझीने अप्पूँ चियें परखां ये, कने इक दुज्जे ने अपणी तुलना कराँ ये, सै मूर्ख ये।

प्रेरितां 15:5

पर फरीसियां रे दला चते तिन्हें जे विश्वास कित्या था, तिन्हां चते कईयें उट्ठीने गलाया, “होरीं जाति रे लोकां जो खतना कराणे कने मूसा री व्यवस्था जो मनणे रा हुक्म देणा चहिन्दा।”

यूहन्ना 7:18

सै जे अपणिया तरफा ते बोलां, सै अपणी बडयाई करवाणा चाँह; पर सै जे अपणे भेजणे औल़े री बडयाई चांह सैई सच्चा माहणु आ, कने तिसच कोई खोट निआं।

लूका 20:47

सै विधवां रा घर बार खाई जांये, कने दसणे खातर बड़िया देरा तक प्राथना करदे रैं, इस खातर इन्हौं बौहत भयानक सजा भुगतणे पौणी।”

मत्ती 23:28

इयां इ बाहरा ते त तुहें माहणुआं जो धर्मात्मा दिखां ये, पर अन्दरा ते छल कपटा ने कने अधर्मा ने भरीरे।

मत्ती 23:5

सै अपणे सारे काम्म लोकां जो दसणे खातर कराँ ये: सै अपणे जंत्राँ कने चोल़े री झालराँ जो इस खातर बड्डे ते बड्डा करदे रैं ताकि लोक तिन्हांजो धर्मात्मा समझो।

मत्ती 6:16

“ताहली जे तुहें उपवास करो, तां तुहांरे मुँह कपटियां साई उदास नीं हुणे चाहिन्दे, काँह्भई सै अपणा मुँह बणाईने रखां ये, ताकि सै लोकां जो जतलाई सक्को भई अहें उपवास करी रायें। हऊँ तुहांजो सच्च बोलां भई सै अपणा ईनाम पाई बैट्ठे।

मत्ती 6:2

“इस खातर खबरदार ताहली जे तुहें किसी गरीबा जो दान दें, तां इसरा किसी माहणुये जो पता नीं चलो, तियां जे यहूदी सभा घरा च, कने गलियां च कपटी लोक होरीं ते प्रशंसा पाणे रे खातर कराँ ये। हऊँ तुहांजो सच्च बोलां भई तिन्हांजो लोकां ते इसरा पूरा ईनाम प्रशंसा ही मिलया।

मत्ती 6:5

“ताहली जे तुहें प्राथना करो तां कपटियां साई मत करा, काँह्भई सै यहूदी सभा घराँ च कने सड़कां रे मोड़ां पर खड़ीने प्राथना करना चाँये ताकि लोक तिन्हांजो देखीने तिन्हांरी बडयाई करी सक्को। हऊँ तुहांजो सच्च बोलां भई तिन्हांजो इसरा ईनाम सैई बडयाई मिली।

मत्ती 5:10

परमेशर तिन्हां लोकां जो आशीष देआं, सै जे परमेशरा रिया इच्छा रे मुतावक जीणे रिया बजह ने मुशीवत झेल्लां ये, काँह्भई परमेशर तिन्हां पर राज कराँ।”

मत्ती 23:27

“ओ कपटी शास्त्रियो कने फरीसियो परमेशरा तुहांजो बौहत भयानक सजा देणी! तुहें लिपाई-पुताई कित्तिरी कब्राँ साई ये सै जे गासा ते देखणे जो त बांकियां लगां इयां, पर अन्दरा ते मुर्देयां री हड्डियां ने कने हर किस्मा री गन्दगिया ने भरीरी हुआं इयां।