गलातियां 4:8 - बिलासपुरी नौआं नियम

⁸ पैहले तुहें लोक तां जे परमेशरा जो नीं जाणदे थे, तां तिस वगत तुहें येढ़े देबतयां रे दास थे सै जे हकीकत च परमेशर नीं थे।

गलातियां 4:8 Referans Kwoze

1 कुरिन्थियों 8:4

हुण मूर्तियां रे सामणे बल़ि कित्ती रिया चीजां रे खाणे रे बारे च: अहें जाणाँ ये भई संसारा च मूर्तियां रा कोई अस्तित्व नींआ, कने इक्की जो छड्डिने होर कोई परमेशर निआं।

2 थिस्सलुनीकियां 1:8

कने सै जे परमेशरा जो नीं पछयाणदे कने अहांरे प्रभु यीशुये रे खुशखबरिया जो ग्रहण नीं करदे तिन्हाजो तिस सजा देणी।

1 थिस्सलुनीकियां 4:5

कने तुहांजो ये काम्म अन्यजातियां साई बासना रिया इच्छा ते नीं करना चाहिन्दा, सै जे परमेशरा जो नीं जाणदे,

1 थिस्सलुनीकियां 1:9

काँह्भई सै खुद अहांरे बारे च दस्सां ये भई तुहें अहांरा केढ़ा स्वागत कित्या था कने तुहें कियां मूर्तियां ते दूर हुईने परमेशरा खौ फिरे ताकि तुहें जीवित कने सच्चे परमेशरा री सेवा करो।

1 पतरस 4:3

काँह्भई तुहें पैहले अन्यजातियां रे लोकां साई इन्हां बुरियां इच्छां जो पूरा करने च काफी वगत गवाई चुक्कीरे। तियां जे ऐस-प्रस्ती करना, काम्म-वासना च डुव्वीरे रैहणा, पियक्कड़पन, रंगरलियां मनाणा, शराब पीने मौज करनी कने तुहें मूर्तियां री पूजा बी कित्ती तिसते जे परमेशर नफरत कराँ।

1 कुरिन्थियों 1:21

काँह्भई तंजे परमेशरा रे ज्ञाना रे मुतावक संसारे ज्ञाना ते परमेशरा जो नीं जाणया, तां परमेशरा जो ये खरा लगया भई इस प्रचारा रिया मूर्खता रे जरिये विश्वास करने औल़यां जो छुटकारा देओ।

इफिसियां 4:18

सै परमेशरा रे बारे रियां गल्लां जो साफ तौर पर समझी नीं सकदे कने सै परमेशरा ते मिलणे औल़िया जिन्दगिया ते दूर ये, काँह्भई सै परमेशरा जो जाणदे नींये कने तिन्हांरे मन कठोर ये।

1 कुरिन्थियों 12:2

तुहें जाणाँ ये भई ताहली जे तुहें अन्यजाति थे, तां तुहें गुंगियां मूर्तियां रे पिच्छे तियां चलां थे तियां जे तुहांजो चलां थे।

1 यूहन्ना 3:1

बचार करीने देक्खा, भई परमेशर पिता अहांने केढ़ा प्यार कित्या, भई अहें परमेशरा रे बच्चे बणी सक्को, कने सै सच्चमुच अहें हाये बी ये, इसा वजह ने संसारा रे लोक अहांजो नीं जाणदे, काँह्भई तिन्हें परमेशर पिता जो बी नीं जाणया।

रोमियो 1:28

कने काँह्भई तिन्हे परमेशरा जो पछयाणने ते मना करित्या, इस खातर परमेशरे तिन्हौं तिन्हांरे मूर्ख बचाराँ पर छड्डीत्या, कने सै येढ़े बुरे काम्म करने लगे सै जे तिन्हौं नीं करने चाहिन्दे थे।

प्रेरितां 17:23

काँह्भई हऊँ फिरदे-फिरदे तांजे तुहांरियां पुजणे रियां चिज़ां जो देख्यारा था, तां इक येढ़ि वेदी मिली, तिस पर लिखिरा था, ‘अनजाणे ईश्वरा खातर।’ इस खातर तिस्सो जे तुहें बिणा जाणे पुज्जां ये हऊँ तुहांजो तिसरी खबर सुणावां।

प्रेरितां 14:12

तिन्हें बरनबासा जो ज्यूस, कने पौलुसा जो हिरमेस गलाया काँह्भई सै गल्लां करने च माहिर थे।

यूहन्ना 1:10

यनिके सै, सै जे ज्योतिया साई आ संसारा ची था, कने संसार कने तिसरी हरेक चीज़ तिसरी ही बणाईरी, पर लोकें फेरी भीं तिस्सो नीं पछयाणया।

रोमियो 1:23

कने तिन्हें तेजोमय कने अविनाशी परमेशरा री अराधना करने रे बजाय, तिन्हें नाश हुणे औल़े माहणुआं, चिड़ियां, पशुआं कने सर्पां साई मूर्तियां री अराधना कित्ती।

गलातियां 4:3

तियां इ अहें बी, ताहली जे बच्चयां साई थे, तां दास्सां साई संसारा रे बेकार नियमां रा पालन कराँ थे।