गलातियां 4:25 - बिलासपुरी नौआं नियम

²⁵ कने हाजिरा मानो अरब रा सिनै पहाड़ा आ, सै अज्जके यरूशलेम री तरफ ईशारा कराँ इ काँह्भई सै अपणे बच्चयां सौगी दासता रा जीवन भुगती राईं।

गलातियां 4:25 Referans Kwoze

इब्रानियों 12:18

तुहें लोक सिनै पहाड़ा साई असली पहाड़ा ले नीं आये तित्थी जे आग्ग जल़ीरी थी कने काल़ी घटा रैहन्दी थी, तित्थी जे अन्धकार कने आन्धी थी। कने इस्राएल रे लोक परमेशरा ते व्यवस्था पाणे रे खातर येढ़ि जगह च गये।

गलातियां 1:17

कने नांई सै जे माह्ते पैहले प्रेरित थे, तिन्हांने मिलणे खातर हऊँ यरूशलेम नगरा च गया, बल्कि इकदम हऊँ अरब देशा जो गया कने फेरी तित्थी ते मुड़ीने दमिश्क नगरा जो आईग्या।

प्रेरितां 1:11

कने तिन्हांजो गलाया, “गलील प्रदेशा रे लोको, तुहें काँह हल्तियें तक खड़ीने स्वर्गा खौ देख्या रायें? सैई यीशु, तिस्सो जे परमेशर तुहां लाते स्वर्गा जो चक्कीने लेई गरा, जिस तरिके ने तुहें तिस्सो स्वर्गा जो जान्दे देख्या तियां इ तिस फेरी वापस औणा।”

लूका 19:44

तिन्हां यरूशलेम कने नगरा च रैहणे औल़े सारयां लोकां जो पूरे तरिके ने नाश करना, इसा वजह ने तुहांरियां दीवाराँ कने इमारतां नष्ट हुई जाणियां, ये सब इस खातर हूणा काँह्भई ताहली जे परमेशर तुहांजो छुटकारा देणे खातर आया, तां तुहें समझी नीं पाये।”

लूका 13:34

“अरे यरूशलेम रे लोको तुहें सै जे अपणे इ भविष्यवक्तयां रा खून कराँ, कने परमेशरा रा सन्देशा लौणे औल़यां जो तू पत्थर माराँ! जिस तरिके ने कुकड़ी अपणे बच्चयां जो अपणे फंगां हेठ ढक्कीने हिफाज़त कराँ इ, मैं बी कितणी बार चाहया भई तिस इ तरिके ने तेरे बच्चयां जो बी कट्ठा करूँ, पर तैं मिन्जो येढ़ा करने नीं दित्या।

मत्ती 23:37

“यरूशलेम रे लोको! तुहें सैये सै जे भविष्यवक्तयां री हत्या कराँ ये, कने परमेशरा रे भेज्जीरे दूतां जो पत्थर माराँ ये। मैं कितणी बार चाहया भई तियां जे कोई कुकड़ी अपणयां चूजयां जो अपणे फंगा हेठ सम्भाल़ां इ, तियां इ मैं बी तेरे बच्चयां जो सम्भाल़णा चाया, पर तुहें लोकें नीं चाहया।

गलातियां 4:24

हुण इन्हां दुईं जनानां री, परमेशरा रियां दुईं वाचां ने तुलना कित्ती जाई सक्कां इ। तिसरे बच्चे जे दासता च जम्मे सै हाजिरा इ कने हाजिरा सिनै पहाड़ा पर बन्हीरी वाचा रा प्रतीक इ।

गलातियां 4:26

पर स्वर्गा रा यरूशलेम अजाद जनाना सारा साई आ कने तिसरे बच्चे दास नींये। ये यरूशलेम अहां रिया माता साई आ।