गलातियां 4:21 - बिलासपुरी नौआं नियम

²¹ व्यवस्था रे अधीन रैहणे औल़यां ते हऊँ पुछणा चाँह; क्या तुहें नीं सुणदे भई व्यवस्था क्या बोलां इ?

गलातियां 4:21 Referans Kwoze

गलातियां 3:10

पर सै लोक सै जे व्यवस्था पालन करने पर भरोसा रक्खां ये, सै त शरापा रे बशा चे। पवित्रशास्त्रा च लिखिरा : “येढ़ा हरेक माहणु शापित आ सै जे व्यवस्था रिया कताबा च लिखी रिया हर गल्ला रा हमेशा पालन नीं करदा।”

रोमियो 3:19

हुण अहें ये जाणाँ ये भई व्यवस्था सै जे किछ बोलां इ सै तिन्हांने इ बोलां इ, सै जे व्यवस्था रे मुतावक चलां ये; इस खातर भई हर इक मुँह बन्द कित्या जाओ कने सारे संसारा रे लोक परमेशरा री सजा रे लायक ठैहरो;

गलातियां 4:9

पर हुण परमेशरा सौगी तुहांरा रिश्ता, कने मिन्जो बोलणा चाहिन्दा भई परमेशरे तुहां सौगी रिश्ता बनाणे च पैहल कित्ती, तां तुहें तिन्हां कमजोर कने नकम्मी परम्परा खा जो कजो वापस जाया राँये? क्या तुहें भीं ते तिन्हांरे दास बणने री इच्छा कराँ ये?

रोमियो 6:14

फेरी तुहां पर पापां रा राज नीं हूणा, काँह्भई तुहें व्यवस्था रे सहारे नीं जिऊंदे वल्कि परमेशरा रे अनुग्रह रे सहारे जीआं ए।

यूहन्ना 15:25

पर ये इस खातर हुआ भई सै वचन पूरा ओ सै जे तिन्हां रिया व्यवस्था च लिखिरा, ‘तिन्हें बगैर किसी कारणा ते मेरने बैर रखया।’

यूहन्ना 12:34

इस पर लोकें तिस्सो बोल्या, “अहें पवित्रशास्त्रा री गल्ल सुणिरी भई मसीह सदा जिऊंदा रैहणा, फेरी तू काँह बोलां, भई माहणुये रे पुत्रा जो ऊच्चे पर चढ़ाया जाणा जरूरी आ? ये माहणुये रा पुत्र कुण आ?”

यूहन्ना 10:34

यीशुये तिन्हाजो जबाब दित्या, “क्या तुहांरिया व्यवस्था च लिखिरा निआं, ‘मैं गलाया, “तू ईश्वर आ?” ’

लूका 16:29

पर अब्राहमे तिसजो गलाया, तिन्हाले त मूसा कने भविष्यवक्तयां री कताबां इयां, सै तिन्हारी सुणो कने तिन्हांरा पालन करो।

मरकुस 10:3

यीशुये तिन्हांजो जवाब दित्या, “मूसे तुहांजो क्या हुक्म दित्तिरा?”