गलातियां 4:19 - बिलासपुरी नौआं नियम

¹⁹ मेरे प्यारे बच्चो, तियां जे इक औरत बच्चा जणने रे वगत पीड़ा जो अनुभव कराँ इ, तियां इ हऊँ भीं तुहांरे खातर इक बार पीड़ सैईराँ। मांह तिसा पीड़ा च तदुआं तक रैहणा तदुआं तक जे तुहें पूरे तरिके ने मसीह साई नीं बणी जान्दे।

गलातियां 4:19 Referans Kwoze

रोमियो 8:29

काँह्भई तिन्हांजो जे तिने पैहले ते चुणीरा कने तैह कित्या भई सै तिसरे पुत्रा साई बणी जाओ ताकि तिसरा पुत्र कई भाईयां च पैहला हूणा।

इफिसियां 4:13

ये तदुआं तक हुन्दा रैहणा तदुआं तक जे अहें अहांरे विश्वास कने परमेशरा रे पुत्रा रे ज्ञाना रे जरिये इक नीं हुईजो। फेरी अहां तियां परिपक्व हूणा तियां जे मसीह आ, कने अहां पूरे तरिके ने तिस साई हूणा।

रोमियो 13:14

बल्कि प्रभु यीशु मसीह साई जीओ, कने जिस्मा री इच्छां जो पूरा करने री कोशिश नीं करा।

इफिसियां 4:24

कने तुहौं नया स्वाभाव धारण करना चाहिन्दा, तिसजो जे परमेशरे अपणे बराबर हुणे खातर बणाईरा। तुहांरा स्वभाव सही मायने च धर्मी कने पवित्र हूणा चाहिन्दा।

कुलुस्सियां 4:12

इपफ्रास रा बी तुहांजो नमस्कार हो, सै जे तुहांरे नगरा चते इक आ कने यीशु मसीह रा दास आ, कने सदा तुहांरे खातर लगना ने प्राथनां च कोशिश करदा रैयां, ताकि तुहें सिद्ध हुईने पूरे विश्वासा सौगी परमेशरा रिया इच्छा च टिक्कीरे रौओ।

कुलुस्सियां 3:10

कने तुहें नया माहणु बणी चुक्कीरे। तुहें अपणे रचणे औल़े साई जादा ते जादा बणी राँये कने तुहें तिस्सो अच्छे तरिके ने समझगे।

फिलिप्पियां 2:5

तेढ़ा जे यीशु मसीह रा स्वाभाव था तुहांरा स्वाभाव बी तेढ़ा इ हूणा चाहिन्दा;

याकूब 1:18

तिने अपणिया इ इच्छा ते अहांजो सच्चे वचना रे जरिये नया जीवन दित्या, ताकि अहें तिसरी बणाई रियां सारियां चिज़ां च पैहले फल़ा साई ओ।

फिलेमोन 1:10

हऊँ तिज्जो उनेसिमुस री मदद करने खातर विनती कराँ, सै जे मेरे खातर इक बेटे साई आ, काँह्भई ताहली जे हऊँ जेल्ला च था, तां सै मसीह च मेरा बेटा बणया।

कुलुस्सियां 1:27

परमेशरे अपणयां लोकां जो ये परगट करने रा फैसला कित्या भई तिसरी योजना होरीं जातियां रे लोकां खातर सही माईने च कितणी अदभुत इ, कने मसीह तुहां च वास कराँ ताकि तुहें भरोसे सौगी स्वर्गा च परमेशरा री महिमा च भागीदार हुई सक्को।

कुलुस्सियां 2:1

हऊँ चाँह भई तुहें ये जाणी लो भई हऊँ तुहांरे खातर कने तिन्हां सारयां विश्वासियां रे खातर सै जे लौदीकिया नगरा चे कने तिन्हां सब्बीं विश्वासियां खातर सै जे आमतौर पर मांहने कदीं नीं मिले, हऊँ तुहांरी मदद करने रे खातर जो किछ करी सक्कां सै सब किछ करी रां,

फिलिप्पियां 2:17

जे मिन्जो तुहांरे विश्वास रुपी बलिदान्ना कने सेवा सौगी अपणा खून बी बहाणे पौ तां बी मिन्जो खुशी हूणी, कने तुहां सब्बीं सौगी मौज कराँ।

फिलिप्पियां 1:8

परमेशर जाणाँ भई हऊँ तुहांजो कितना प्यार कराँ कने सै प्यार जे मसीह यीशुये मिन्जो दित्तिरा तिस प्यारा सौगी हऊँ तुहां सारयां ने मिलणे जो तरसी राँ।

1 यूहन्ना 5:21

मेरे बच्चो, येढ़ी हर इक चीजा ते दूर रौआ सै जे तुहांरे दिलां च परमेशरा री जगह लेई लैंई।

1 यूहन्ना 2:12

प्यारे बच्चो, हऊँ तुहांजो इस खातर लिखिराँ, काँह्भई यीशु मसीह रिया बजह ने तुहांरे पाप माफ हुईरे।

1 यूहन्ना 2:1

मेरे प्यारे बच्चयो, ये गल्लां हऊँ तुहांजो इस खातर लिखिराँ भई तुहें पाप नीं करो, कने जे कोई पाप करो तां परमेशर पिता ले अहांरा इक सहायक आ यनिके धर्मी यीशु मसीह तिस्सो जे अहें पापां जो माफ करने रे खातर बोल्ली सक्कां ये।

इब्रानियों 5:7

ताहली जे यीशु इस संसारा च था तां तिसरे जीवन काला च ऊच्चिया अवाज़ा च पुकारदे हुये कने रोन्दे हुये आँसुआं ने परमेशरा रे सामणे प्राथना कने विनती कित्ती सै जे तिस्सो मौती ते बचाई सक्कां था; काँह्भई सै नम्र कने परमेशरा रे प्रति समर्पित था इस खातर परमेशरे तिसरी प्राथना सुणीने तिसजो जबाब दित्या।

तीतुस 1:4

तीतुस हऊँ ये चिट्ठी तिज्जो लिखिराँ कने तू मेरे खातर इक पुत्रा साई आ, काँह्भई अहें दोन्नो यीशु मसीह पर विश्वास कराँ ये। हऊँ प्राथना कराँ भई पिता परमेशर, कने मसीह यीशु अहांरा छुटकारा करने औल़े तिज्जो अनुग्रह कने शान्ति देओ।

फिलेमोन 1:19

हऊँ पौलुस अपणे हत्था ते लिखां भई मांह सै कर्जा चुकाई देणा; कने इसरे बोलणे री किछ जरूरत नीं भई मेरा कर्ज सै जे तेरे परा सै तूई हाया, काँह्भई मैं तिज्जो मसीह पर विश्वास करने खातर तेरी मदद कित्तिरी।

1 तिमुथियुस 1:2

तिमुथियुस हऊँ ये चिट्ठी तिज्जो लिखिराँ कने तू मेरे खातर इक पुत्रा साई आ, काँह्भई तू यीशु मसीह पर विश्वास कराँ। हऊँ प्राथना कराँ भई पिता परमेशर, कने मसीह यीशु अहांरे प्रभु तिज्जो अनुग्रह, दया कने शान्ति देओ।

लूका 22:44

यीशु बड़ा बेचैन हुईने प्राथना करने लगया। तिसरिया आत्मा रा दर्द इतणा बधीग्या भई तिसरा परसीन्ना खून्ना रे टेपयां साई धरतिया पर टपकणे लगया।

2 कुरिन्थियों 12:14

देक्खा, तुहांले औणे जो हुण हऊँ तिज्जी बार त्यार आ, कने तुहौं खर्चे ते परेशान करने रा मेरा इरादा नींआ। हऊँ तुहांरी धन-दौलता लेणे री कोशिश नीं करी रां, पर तुहांरी मदद करने जो आया रां, काँह्भई बच्चयां जो अपणे माता-पिता रे खातर कोई बचत करने री जरूरत नीं हुन्दी बल्कि अपणे बच्चयां रे खातर माता-पिता जोई बचत करनी हुआं इ।

1 थिस्सलुनीकियां 2:7

अहें मसीह रे प्रेरितां रे रुपा च अपणा हक जताई सक्कां थे, पर अहें तुहांरे बिच तियां इ नम्रता ने रैये तियां जे इक मौ अपणे बच्चे जो दुध प्याईने तिसरा पालन-पोषण कराँ इ।

3 यूहन्ना 1:4

मिन्जो इसते बधीने होर कोई खुशी नीं, भई हऊँ ये सुणुं, भई सै जे मेरे बच्चयां साई ये सै परमेशरा रिया सच्चाईया पर चलया राँये।