गलातियां 4:14 - बिलासपुरी नौआं नियम

¹⁴ हलांकि मेरे शरीरा री कमजोरी तुहांरे खातर समस्या बणी, फेरी बी तुहें मिन्जो छोट्टा नीं समझया कने नांई माहने कोई नफरत कित्ती, बल्कि तुहें परमेशरा रे दूता रे रुपा च मेरा स्वागत कित्या, मन्नो हऊँ खुद मसीह यीशु इ था।

गलातियां 4:14 Referans Kwoze

मत्ती 10:40

“सै जे तुहांजो ग्रहण कराँ, सै मिन्जो ग्रहण कराँ; कने सै जे मिन्जो ग्रहण कराँ, सै मेरे भेजणे औल़े जो ग्रहण कराँ।

1 थिस्सलुनीकियां 2:13

कने इस खातर अहें परमेशरा रा धन्यवाद हमेशा करदे रैं, काँह्भई ताहली जे तुहें अहांते वचन सुणया, तां तिस्सो माहणुआं रिया खुशखबरिया रे रुपा च नीं, बल्कि परमेशरा रिया खुशखबरिया रे रुपा च ग्रहण कित्या; कने तियां जे सै सच्च आ, कने तुहां विश्वासियां पर तिसरा असर बी आ।

इब्रानियों 13:2

अंजाण लोकां रा आदर करना नीं भूल्ला, काँह्भई येढ़ा करने रे जरिये किछ लोकें अनजाणे च स्वर्गदूतां रा आदर कित्तिरा।

2 कुरिन्थियों 5:20

इस खातर अहें मसीह रे राजदूत ये; मानो परमेशर अहांरे जरिये तुहांजो बिनती करी रां। मसीह रिया तरफा ते अहें तुहांजो निवेदन कराँ ये भई परमेशरा ने मेल-मलाप करी लो।

1 थिस्सलुनीकियां 4:8

इस वजह ते सै जे इसा शिक्षा जो बेकार जाणाँ, सै माहणुये जो नीं पर परमेशरा जो बेकार जाणाँ, सै जे अपणा पवित्र आत्मा तुहांजो देआं।

गलातियां 4:13

तुहौं त याद हूणा भई हऊँ अपणे शरीरा री कमजोरिया रिया वजह ने पैहली बार तुहांले आया कने खुशखबरी सुणाई।

1 कुरिन्थियों 4:10

इस संसारा रे लोक सोच्चां ये भई अहें मसीह रे खातर मूर्ख ये, पर तुहें सोच्चां ये भई तुहें मसीह च बुद्धिमान ये; बौहत लोक सोच्चां ये भई अहें निर्बल ये, पर तुहें सोच्चां ये भई तुहें बलवान ये, तुहौं लोक आदर दें, पर सै अहांरा निरादर कराँ ये।

1 कुरिन्थियों 1:28

कने परमेशरे संसारा रे नीच कने त्यागीरे लोकां जो बी चुणील्या तिन्हांजो जे बेकार समझया जां, ताकि सै जे खास समझे जायें तिन्हांजो नाश करो।

यूहन्ना 13:20

हऊँ तुहांजो सच बोलां, भई सै जे मेरे भेज्जीरे जो ग्रहण कराँ, सै मिन्जो ग्रहण कराँ, कने सै जे मिन्जो ग्रहण कराँ, सै मेरे भेजणे औल़े जो ग्रहण कराँ।

लूका 10:16

“सै जे कोई तुहांरी सुणां, सै मेरी बी सुणां, कने सै जे कोई तुहांरा इन्कार कराँ, सै मेरा बी इन्कार कराँ; कने सै जे कोई मेरा इन्कार कराँ, सै मेरे भेजणे औल़े रा इन्कार कराँ।”

मत्ती 25:40

फेरी राजे यनि मांह तिन्हाजो जबाब देणा, हऊँ तुहांजो सच्च बोलीराँ ताहली जे कदीं तुहें मांह पर विश्वास करने औल़े तिन्हांजो जे लोक खास नीं समझदे तिन्हां किसी इक्की खातर बी किछ कित्या हुंगा तां सै तुहें मेरे खातर बी कित्या।

मत्ती 18:5

कने सै जे कोई मेरे नौआं ते इक येढ़े बच्चे जो ग्रहण कराँ सै मिन्जो ग्रहण कराँ।

गलातियां 3:26

यीशु मसीह पर विश्वास करने रे जरिये तुहें सारे परमेशरा री सन्तान ये।

गलातियां 3:28

हुण नां कोई यहूदी रैया कने नां यूनानी, नां कोई दास रैया, नां अजाद, नां मर्द नां जनाना, काँह्भई मसीह यीशुये च तुहें सारे इक ये।

गलातियां 4:15

तिस वगत तुहें बौहत खुश थे! हुण तुहांरिया तिसा खुशिया जो क्या हुया? हऊँ तुहांरे खातर खुद इसा गल्ला रा गवाह भई जे मुमकिन हुन्दा, तां तुहें अपणियां आक्खीं बी नकाल़ीने मिन्जो देई देन्दे।