गलातियां 3:26 - बिलासपुरी नौआं नियम

²⁶ यीशु मसीह पर विश्वास करने रे जरिये तुहें सारे परमेशरा री सन्तान ये।

गलातियां 3:26 Referans Kwoze

इफिसियां 1:5

काँह्भई परमेशरे अहांने प्यार कित्या इसा बजह ने तिने अहांजो यीशु मसीह रे जरिये अपणा पुत्र हुणे रा दर्जा देईने नियुक्त कित्या, येई तिसरी इच्छा कने तिसरी खुशी थी।

2 कुरिन्थियों 6:18

कने हऊँ तुहांरा पिता हूणा, कने तुहें मेरे बेटे कने बेटियां हुणे। ये सर्वशक्तिमान परमेशरा रा वचन आ।”

फिलिप्पियां 2:15

ताकि तुहें निर्दोष कने पवित्र बणी जाओ, कने इस टेढे-मेडे कने अड़ियल लोकां रे बिच परमेशरा रे निर्दोष बच्चे बणी जावा, तिन्हांरे बिच तुहें जीवन देणे औल़ा वचन लेईने संसारा च बल़दे दीपकां साई दिस्या कराँ ये,

प्रकाशितवाक्य 21:7

सै जे जय पाओ सैई तिन्हां चिज़ां रा बारस हूणा; कने मांह तिसरे परमेशर हूणा, कने सै मेरा पुत्र हूणा।

इफिसियां 5:1

तुहें लोक परमेशरा रे प्यारे बच्चे इस खातर तिसरा अनुशरण कराँ।

यूहन्ना 20:17

यीशुये तिसाजो गलाया, मेरयां पैराँ ने लिपटी ने मिन्जो मत रोक, काँह्भई हऊँ अजें तक पिता ले नीं गईरा, तू मेरे भाईयां लौ जा, कने तिन्हांजो दस हऊँ अपणे परम पिता कने तुहांरे परम पिता, अपणे परमेशर कने तुहांरे परमेशरा ले जाया रां।

यूहन्ना 1:7

सै गवाह बणीने आया भई सै लोकां जो ज्योतिया रे बारे च गवाही देई सक्को, ताकि सारे लोक तिसरे जरिये तिस पर विश्वास करी सक्को।

रोमियो 8:1

इस खातर हुण सै जे मसीह यीशु पर विश्वास कराँ ए, तिन्हां पर सजा रा कोई हुक्म निआं।

रोमियो 8:19

काँह्भई ये सृष्टि बड़िया आशा ने तिसा घड़िया रा इन्तजार करी राईं ताहली जे परमेशरा अपणयां बच्चयां जो परगट करना।

2 कुरिन्थियों 1:1

हऊँ पौलुस, परमेशरा रिया इच्छा ते मसीह यीशुये रा प्रेरित आ कने अहांरे साथी विश्वासी तिमुथियुस रिया तरफा ते। ये चिट्ठी हऊँ कुरिन्थुस नगरा च परमेशरा री कलीसिया कने अखाया प्रदेशा च रैहणे औल़े सारे पवित्र लोकां जो लिखिराँ।

गलातियां 3:28

हुण नां कोई यहूदी रैया कने नां यूनानी, नां कोई दास रैया, नां अजाद, नां मर्द नां जनाना, काँह्भई मसीह यीशुये च तुहें सारे इक ये।

गलातियां 4:14

हलांकि मेरे शरीरा री कमजोरी तुहांरे खातर समस्या बणी, फेरी बी तुहें मिन्जो छोट्टा नीं समझया कने नांई माहने कोई नफरत कित्ती, बल्कि तुहें परमेशरा रे दूता रे रुपा च मेरा स्वागत कित्या, मन्नो हऊँ खुद मसीह यीशु इ था।

गलातियां 5:6

जे तुहें मसीह यीशुये रे चेले हो, तां चाये तुहें खतना या बगैर खतने औल़े हो इसरा कोई फर्क नीं पौन्दा, पर मसीह पर विश्वास करना इ मायना रखां सै जे परमेशर कने दुज्यां लोकां रे परति प्यारा रे जरिये दिखां।

गलातियां 5:24

सै जे यीशु मसीह रे लोक ये, तिन्हें अपणे पापी स्वभावा रियां इच्छां कने लालसां जो क्रूसा पर चढ़ाईत्या।

इफिसियां 1:1

हऊँ, पौलुस परमेशरा रिया इच्छा रे जरिये यीशु मसीह रा प्रेरित आ। हऊँ ये चिट्ठी इफिसुस नगरा च रैहणे औल़े पवित्र लोकां कने यीशु मसीह रे सच्चे विश्वासियां जो लिखिराँ।

फिलिप्पियां 1:1

यीशु मसीह रे दास पौलुस कने तिमुथियुस रिया तरफा ते यीशु मसीह च फिलिप्पी नगरा रे रैहणे औल़े सारे पवित्र लोकां जो कने कलीसिया रे अगुवे कने सेवकां जो मलाईने हऊँ ये लिखिराँ,

फिलिप्पियां 1:8

परमेशर जाणाँ भई हऊँ तुहांजो कितना प्यार कराँ कने सै प्यार जे मसीह यीशुये मिन्जो दित्तिरा तिस प्यारा सौगी हऊँ तुहां सारयां ने मिलणे जो तरसी राँ।

कुलुस्सियां 1:4

काँह्भई अहें मसीह यीशुये च तुहांरा विश्वास कने सारे पवित्र लोकां रे प्रति तुहांरे प्यारा रे बारे च सुणीरा;

कुलुस्सियां 2:6

इस खातर तियां जे तुहें यीशुये जो मसीह कने प्रभुये रे रुपा च ग्रहण कित्तिरा, तियां इ हुण लगातार तिसरा अनुशरण करदे रौआ,

फिलेमोन 1:1

हऊँ पौलुस, ये चिट्ठी लिखिराँ, कने हुण हऊँ जेल्ला चा, काँह्भई हऊँ मसीह यीशुये रे बारे च प्रचार कराँ। हऊँ कने अहांरे साथी विश्वासी तिमुथियुस अहांरे प्यारे मित्र कने अहां सौगी काम्म करने औल़े फिलेमोन तिज्जो नमस्कार।