गलातियां 3:23 - बिलासपुरी नौआं नियम

²³ मसीह रे औणे ते पैहले, अहां यहूदियां जो बन्दी बणाया गया था कने व्यवस्था अहांरी रखवाल़ी करया राँ थी। परमेशरे मसीह जो अहां पर परगट करने तक व्यवस्थे अहौं बन्दियां साई बणाईने रखया

गलातियां 3:23 Referans Kwoze

गलातियां 5:18

पर जे तुहें पवित्र आत्मा रे मुतावक चलां ये, तां फेरी व्यवस्था रे अधीन नीं रैहन्दे।

गलातियां 3:19

फेरी भला व्यवस्था कजो दित्ति गई थी? लोक कितणे पापी ये, ये दसणे खातर व्यवस्था दित्ति गई थी, पर व्यवस्था तिस वंशा रे औणे तक बणीरी रौ तिसने जे वायदा कित्या गया था। परमेशरे अपणी व्यवस्था स्वर्गदूता रे जरिये मूसा जो दित्ति, सै जे परमेशर कने लोकां रे बिच इक बिचौल़िया था।

रोमियो 11:32

काभई सारयां लोकें परमेशरा रा हुक्म नीं मन्नया इस खातर सै कैदिये साई बणीगरे। पर परमेशरे ये इस खातर कित्या ताकि सै तिन्हां सब्बीं पर दया करी सक्को।

रोमियो 3:19

हुण अहें ये जाणाँ ये भई व्यवस्था सै जे किछ बोलां इ सै तिन्हांने इ बोलां इ, सै जे व्यवस्था रे मुतावक चलां ये; इस खातर भई हर इक मुँह बन्द कित्या जाओ कने सारे संसारा रे लोक परमेशरा री सजा रे लायक ठैहरो;

इब्रानियों 12:2

सै जे अहांजो विश्वासा रिया तरफा लेई जां कने अहांरे विश्वासा जो सिद्ध करने औल़े यीशुये रिया तरफा देखदे रैं। तिने जे तिसा खुशिया खातर सै जे औणे औल़े दिनां च मिलणे औल़ी थी, बेज्जतिया री परवाह नीं करीने क्रूसा री मौत सही ली, कने परमेशरा रे संघासणा रे सज्जे पासे आदरा रिया जगह जाई बैट्ठया।

इब्रानियों 11:13

ये सारे लोक तिन्हेंजे परमेशरा पर विश्वासा कित्या कने परमेशरा रे जरिये वायदा कित्ती रियां चीजां जो बगैर पाये मरीगे। पर सै दूरा तेई देखीने खुश हुये कने ये बी समझीगे भई अहें धरतिया पर परदेशी कने अंजाण ये।

गलातियां 4:21

व्यवस्था रे अधीन रैहणे औल़यां ते हऊँ पुछणा चाँह; क्या तुहें नीं सुणदे भई व्यवस्था क्या बोलां इ?

यूहन्ना 3:34

काँह्भई तिस्सो जे परमेशरे भेज्जीरा, सै परमेशरा रियां इ गल्लां बोलां; काँह्भई ये सैई आ तिसजो जे परमेशरे पवित्र आत्मा पूरे तरिके ने देई दित्तिरा।