गलातियां 3:21 - बिलासपुरी नौआं नियम

²¹ क्या इसरा ये मतलब आ भई व्यवस्था परमेशरा रे वायदे रे बिरोधा ची? कदीं मनी! काँह्भई जे येढ़ि व्यवस्था दित्तिरी हुन्दी सै जे लोकां च जीवना रा संचार करी सक्कां इ, तां इसरा पालन करने रे जरिये अहें परमेशरा रे सामणे धर्मी हुई जान्दे।

गलातियां 3:21 Referans Kwoze

गलातियां 2:21

हऊँ परमेशरा रे अनुग्रह रा इन्कार नीं करी रां; काँह्भई जे लोक व्यवस्था रा पालन करने रे जरिये धर्मी हुन्दे, तां मसीह रा मरना बेकार हुन्दा।

रोमियो 9:31

पर इस्राएल रे लोक, सै जे येढ़िया व्यवस्था जो टोल़ीराँ थे सै जे तिन्हौं परमेशरा सौगी ठीक रक्खी सक्कां थी, पर तिन्हांजो नीं मिली।

गलातियां 2:19

काँह्भई हऊँ व्यवस्था रे जरिये व्यवस्था रे खातर मरी चुक्कीरा ताकि हऊँ परमेशरा रे खातर जी सक्कूँ।

गलातियां 2:17

पर ताहली जे अहें यीशु मसीह पर विश्वास करीने धर्मी हूणा चाँये, तां जे अहें खुद इ पापी बणी जाओ, तां क्या इसरा मतलब येआ भई मसीह पापां जो बढ़ावा देआं? कदीं मनी!

रोमियो 3:31

तां क्या अहें व्यवस्था जो अहांरे विश्वासा रे जरिये खत्म करी रायें? कदीं मनी! पर अहें त व्यवस्था जो तिसरी सही कीमत देई राँये।

रोमियो 3:4

कदीं मनी! जे हर कोई झूट्ठा बी हुई जांगा, तां बी परमेशर सच्चा इ रैहणा, तियां जे पवित्रशास्त्र परमेशरा रे बारे च बोलां, “जिसते तुहें अपणियां गल्लां च सही साबित हुणे कने अपणा मुकद्दमा तुहां जीतणा।”

रोमियो 3:6

कदी बी नीं! जे परमेशर सही नींआ, तां सै संसारा रा न्याय कदीं नीं करी सकदा।

इब्रानियों 11:7

विश्वासा रे जरिये नूँह जो ताहली जे तिन्हां गल्लां री चेतावनी दित्ति गई सै जे तिने देक्खी तक नीं थिआं, तां तिने परमेशरा रा आदर करदे हुये तिसरे हुक्मा जो मन्नीने अपणे परिवारा जो बचाणे रे खातर इक जहाज बणाया था। अपणे विश्वासा रे जरिये तिने इस संसारा जो दोषी मन्नया कने इस खातर परमेशरे नूँह जो धर्मी घोषित कित्या, काँह्भई तिने परमेशरा पर विश्वासा कित्या।

लूका 20:16

हऊँ दस्सां, तिस आईने तिन्हां करसाणां जो मारीने खत्म करी देणा, कने अंगूरां रा बगीचा किसी होरी करसाणां ले सम्भाल़ी देणा।” येढ़ा सुणीने तिन्हे गलाया, “परमेशर येढ़ा कदीं नीं करो।”

2 कुरिन्थियों 3:7

ताहली जे मूसा री व्यवस्था अखराँ च पत्थरा पर खोदीने दित्ति गई थी, तां परमेशरा री महिमा दिखाई गई, भई इस्राएल रे लोक मूसा रे तिस तेजस्वी मुँआं जो देक्खी नीं सक्के, कने तिसरा सै तेज बाद बिच घटदा गया। जे व्यवस्था सै जे मौत ल्यौआं इ इतणी महिमा सौगी आई,

गलातियां 6:14

पर येढ़ा नीं हो भई हऊँ सिर्फ अहांरे प्रभु यीशु मसीह रे क्रूसा ते इलावा किसी होरी गल्ला पर घमण्ड करूँ। काँह्भई तिस क्रूसा रिया वजह ने हऊँ संसारा रे खातर कने संसार मेरे खातर मरया।

इब्रानियों 7:18

इस तरिके ने मूसा री व्यवस्था निर्बल कने निष्फल हुणे रिया वजह ते परमेशर इस्सो हुण इस्तेमाल नीं करया राँ।

इब्रानियों 7:19

(काँह्भई मूसा री व्यवस्था किसी गल्ला री सिद्धि नीं करी सक्की) पर हुण अहांले इक उत्तम आशा इ तिसरे जरिये अहें परमेशरा रे सामणे औआं ये।