गलातियां 3:17 - बिलासपुरी नौआं नियम

¹⁷ मेरा मतलब येआ भई परमेशरे अब्राहमा ने बाचा बन्ही, व्यवस्था सै जे परमेशरे मूसा जो चार सौ तीह साल्लां ते बाद दित्ति थी ये व्यवस्था बाचा जो तोड़ी नीं सकदी कने तियां इ वायदे जो बेकार नीं बणाई सकदी।

गलातियां 3:17 Referans Kwoze

2 कुरिन्थियों 1:20

काँह्भई परमेशरा रे जितने बी वायदे, सै सारे मसीह च पूरे हुये; इस खातर अहें मसीह रे जरिये बी सै जे “आमीन” बोलां ये, सै परमेशरा री इ महिमा खातर हुआं।

रोमियो 3:3

जे तिन्हां चते किछ धोखेबाज बी हुईगे तां क्या हुया? क्या तिन्हांरे धोखेबाज हुणे ते परमेशरा री सच्चाई बेकार हुई जाणी?

कुलुस्सियां 2:4

येढ़ा हऊँ इस खातर बोलीराँ भई कोई तुहांजो अपणी मिठी-मिठी गल्लां ने धोखा नीं देई दो।

गलातियां 5:4

तुहां चते जितने बी लोक व्यवस्था रा पालन करने रे जरिये परमेशरा रे सामणे धर्मी हुणे री कोशिश करया राँये, तुहें सारे मसीह ते लग ये कने परमेशरा रे अनुग्रह जो ग्रहण करने ते मना कित्तिरा।

गलातियां 3:15

मेरे साथी विश्वासियो, हुण हऊँ तुहांजो हर रोज के जीवना ते इक उदाहरण देई कराँ, देक्खा, ताहली जे दो माहणु इक बसीयत बणां यें कने सै तिस्सो पक्का कराँ ये, तां कोई बी माहणु तिसजो बदली नीं सकदा कने किछ जोड़ी बी नीं सकदा। परमेशरा रा ये वायदा बी येढ़ा इ हाया।

1 कुरिन्थियों 1:17

काँह्भई मसीहे मिन्जो बपतिस्मा देणे जो नीं, पर खुशखबरी सुनाणे जो भेजीरा, कने ये बी माहणुआं रे शब्दां रे ज्ञाना रे मुतावक नीं, येढ़ा नीं हो भई मसीह रा क्रूस बेकार ठैहरो।

यूहन्ना 1:17

अहांजो व्यवस्था देणे औल़ा मूसा था, पर अनुग्रह कने सच्चाई परमेशरे अहांजो यीशु मसीह रे जरिये दस्से।

1 पतरस 1:20

परमेशरे मसीह जो इस संसारा रिया सृष्टिया ते पैहले इ चुणीलरा था, पर तुहां लोकां रिया भलाईया रे खातर तिस्सो इन्हां आखरी दिनां च प्रगट कित्या।

इब्रानियों 11:13

ये सारे लोक तिन्हेंजे परमेशरा पर विश्वासा कित्या कने परमेशरा रे जरिये वायदा कित्ती रियां चीजां जो बगैर पाये मरीगे। पर सै दूरा तेई देखीने खुश हुये कने ये बी समझीगे भई अहें धरतिया पर परदेशी कने अंजाण ये।

इब्रानियों 7:18

इस तरिके ने मूसा री व्यवस्था निर्बल कने निष्फल हुणे रिया वजह ते परमेशर इस्सो हुण इस्तेमाल नीं करया राँ।

इफिसियां 4:17

इस खातर मिन्जो प्रभुये रे दित्ते गये अधिकारा ने हऊँ ये बोलां भई तुहें अविश्वासियां साई जिन्दगी नीं जीआ तिन्हांरी सोच जे बेकार इ।

गलातियां 3:21

क्या इसरा ये मतलब आ भई व्यवस्था परमेशरा रे वायदे रे बिरोधा ची? कदीं मनी! काँह्भई जे येढ़ि व्यवस्था दित्तिरी हुन्दी सै जे लोकां च जीवना रा संचार करी सक्कां इ, तां इसरा पालन करने रे जरिये अहें परमेशरा रे सामणे धर्मी हुई जान्दे।

2 कुरिन्थियों 9:6

इसजो याद रखा, सै जे थोड़ा बाँह, सै थोड़ा इ कटगा; कने सै जे जादा बाँह, सै जादा कट्टां।

1 कुरिन्थियों 10:19

फेरी हऊँ क्या बोलां? क्या येढ़ा भई मूर्तिया पर चढ़ीरा बलिदान किछ हया या मूर्ति किछ इ?

1 कुरिन्थियों 7:29

अरे साथी विश्वासियो, मेरा मतलब येआ भई अहांरा संसारा च रैहणे रा बगत कम आ, इस खातर हुण ते सै जे शादीशुदा सै बी इस तरिके ने रौ भई मन्नो सै शादीशुदा नींआ;

1 कुरिन्थियों 1:12

मेरे कैहणे रा मतलब येआ भई तुहां चते कोई अप्पूँजो, “पौलुसा रा” कोई “अपुल्लोसा रा” कोई “कैफा रा” तां कोई “मसीह रा” बोलां।

रोमियो 3:25

परमेशरे यीशु मसीह जो अहांरे पापां रे खातर बलिदान हुणे जो भेज्या कने मसीहे अपणा खून्न बहाया ताकि तिस पर विश्वास करने रे जरिये अहें परमेशरा ले आई सक्को। परमेशरे ये दसणे खातर येढ़ा कित्या भई पैहले सै सहनशील कने पापियां जो माफ करने च सही था। यह ये बी दस्सां भई परमेशर सही आ ताहली जे सै मसीह पर विश्वास करने औल़यां जो ग्रहण कराँ।

प्रेरितां 7:6

कने परमेशरे ये बी गलाया, ‘तेरे वंशजां पराये देशा च प्रदेशी हुईने रैहणा, कने तिन्हां इन्हांजो दास बनाणा कने चार सौ साल्लां तका तिन्हांने बौहत बुरा बर्ताव करना।’

गलातियां 5:16

पर हऊँ बोलां भई पवित्र आत्मा रे मुतावक जीआ तां तुहें अपणे पापी स्वभावा रियां इच्छां जो पूरा नीं करगे।

इफिसियां 2:12

याद करा तिस बगत तुहें लोक मसीह ते लग थे, तुहें इस्राएल रिया बरादरिया ते बाहर थे, कने तिसरे वायदे रिया वाचां रे हिस्सेदार नीं थे कने इस संसार च बगैर आशा ते कने बगैर परमेशरा ते थे।