गलातियां 3:11 - बिलासपुरी नौआं नियम

¹¹ पर ये गल्ल साफ हुईगी भई व्यवस्था रे जरिये परमेशरा रे सामणे कोई धर्मी नीं ठैहरदा, काँह्भई पवित्रशास्त्रा रे मुतावक “धर्मी माहणु विश्वासा रे जरिये जिऊंदा रैहणा।”

गलातियां 3:11 Referans Kwoze

रोमियो 1:17

काँह्भई खुशखबरी अहांजो ये दस्सां इ भई परमेशर कियां माहणुये जो अपणिया नज़राँ च धर्मी बणाँ; सै शुरु ते लेईने आखिर तक विश्वासा पर टिकिरा; तियां जे भई पवित्रशास्त्रा च लिखिरा, “धर्मी माहणु विश्वासा ते जिऊंदा रैहणा।”

इब्रानियों 10:38

पर मेरे धर्मी लोकां विश्वासा ते जिऊंदा रैहणां। कने जे कोई पिच्छे हटि जाओ तां मांह तिन्हांते खुश नीं हूणा।”

गलातियां 2:16

फेरी भीं अहें ये जाणाँ ये भई कोई माहणु व्यवस्था रे कम्मां ते नीं, पर सिर्फ यीशु मसीह पर विश्वास करने रिया बजह ने धर्मी बणां, अहें खुद बी इस खातर यीशु मसीह पर विश्वास कित्या भई अहें व्यवस्था रे कम्मां ते नीं, पर मसीह पर विश्वास करने ते धर्मी बणो; काँह्भई व्यवस्था रे कम्मां ते कोई बी माहणु धर्मी नीं हूणा।

प्रकाशितवाक्य 5:9

कने सै ये नया गीत गाणे लगे भई, “तू इसा कताबा जो लेणे, कने इस रियां सीलां खोलणे लायक आ; काँह्भई तैं बध हुईने अपणे खून्ना ने हरेक कुल़, भाषा, लोक कने जातियां चते परमेशरा खातर लोकां जो खरीदी लरा,

याकूब 3:2

अहें सारे बौहत गल़तियां कराँ ये, पर सै माहणु जे अपणिया जुबाना जो बशा च करी सक्कां, सै खरा माहणु आ; कने हरेक हालाता च अप्पूँजो बशा च करी सक्कां।

याकूब 1:27

अहांरे परमेशर कने पिता रे सामणे सच्ची कने शुद्ध भगती सैई तिसच जे अनाथां कने विधवां री तिन्हांरे दुख तकलीफां च मदद करो, कने खुद अप्पूँजो कोई संसारिक कलंक नीं लगणे दित्या हो।