गलातियां 1:6 - बिलासपुरी नौआं नियम

⁶ हऊँ तुहांरे बारे च हैरान आ! भई तुहें लोक इतणी जल्दी तिस परमेशरा जो छड्डया राँये तिने जे तुहांजो मसीह रे अनुग्रह रे जरिये सद्दया, कने किसी होर सन्देशा जो सै जे खुशखबरी बोल्या जां तिसजो तुहें ग्रहण करया राँये।

गलातियां 1:6 Referans Kwoze

2 कुरिन्थियों 11:4

जे कोई तुहांले आईने किसी दुज्जे यीशुये रा प्रचार करो तिसरा प्रचार जे अहें नीं कित्या, या कोई होर आत्मा तुहौं मिलो सै जे पैहले नीं मिलया था, या होर कोई खुशखबरी तिस्सो जे तुहें पैहले नीं मन्नया था, इन्हां सारियां शिक्षां जो ग्रहण करने च तुहें गल़त ये।

1 तिमुथियुस 1:3

हऊँ चाँह भई तू इफिसुस नगरा च रौ तियां जे मैं मकिदुनिया प्रदेशा जो जान्दे वगत तेरने विनती कित्ती थी, काँह्भई तित्थी किछ लोक झूट्ठी शिक्षां देई रायें कने तू तिन्हां लोकां जो हुक्म दे भई सै झूट्ठी शिक्षां नीं देओ,

1 कुरिन्थियों 4:15

काँह्भई जे मसीह च तुहांरे सखाणे औल़े दस हजार बी हुंदे, तां बी तुहांरे बौहत पिता नींये; काँह्भई मसीह यीशु च खुशखबरिया रे जरिया हऊँ तुहांरा पिता हुया।

प्रेरितां 15:11

हाँ, अहांरा ये निश्चा जरूर आ भई तियां-तियां ने प्रभु यीशुये रे अनुग्रह ते छुटकारा मिलणा; तियां-तियां इ अहांजो बी मिलणा।”

गलातियां 5:4

तुहां चते जितने बी लोक व्यवस्था रा पालन करने रे जरिये परमेशरा रे सामणे धर्मी हुणे री कोशिश करया राँये, तुहें सारे मसीह ते लग ये कने परमेशरा रे अनुग्रह जो ग्रहण करने ते मना कित्तिरा।

रोमियो 10:3

काँह्भई सै तिसा धार्मिकता जो नीं जाणी पाये सै जे परमेशरा ते मिलां इ, कने तिन्हें अपणी इ धार्मिकता जो बनाणे री कोशिश कित्ती, इस खातर तिन्हे परमेशरा रिया धार्मिकता रे खातर अप्पूँजो नीं सौंपया।

1 तिमुथियुस 1:14

कने अहांरे प्रभुये रा अनुग्रह तिस विश्वास कने प्यारा सौगी सै जे मसीह यीशु चा, बौहत जादा माह पर हुया।

प्रकाशितवाक्य 22:21

प्रभु यीशुये रा अनुग्रह परमेशरा रे लोकां सौगी रौ। आमीन।

2 तिमुथियुस 2:1

इस खातर अरे मेरे पुत्र तिमुथियुस, मसीह यीशुये च मिलणे औल़े अनुग्रह ते मजबूत हुई जा।

2 तिमुथियुस 1:9

तिने इ अहांरा छुटकारा कित्तिरा कने पवित्र जीवना खातर अहांजो सद्दीरा, ये अहांरे भले कम्मां रिया वजह ने नीं, पर तिसरी अपणी योजना कने अनुग्रह रिया वजह नेआ। ये अनुग्रह परमेशरे यीशु मसीह च अहांजो सृष्टिया ते पैहले दित्या,

2 थिस्सलुनीकियां 2:14

तिस खातर जे परमेशरे अहां रिया खुशखबरिया रे खातर तुहांजो सद्दया, ताकि तुहें अहांरे प्रभु यीशु मसीह रिया महिमा च शामिल हुई सक्को।

रोमियो 5:2

अहांरे विश्वासा रिया वजह ते मसीहे अहांजो इस अनुग्रह च लन्दया तित्थी जे हुण अहें पुज्जीरे, अहें इसा गल्ला ते खुश हुआं ए भई अहांजो परमेशरा रिया महिमा च भागी हुणे री आशा इ।

यूहन्ना 9:30

तिने तिन्हाजो जबाब दित्या, “येत हैरानिया री गल्ल इ भई तुहें नीं जाणदे भई ये किति रा, पर तिने मेरी आक्खीं ठीक कित्तियां।

2 पतरस 1:3

परमेशरा री अलौकिक सामर्थे अहांजो सब किछ दित्या, धार्मिक जीवन जीणे री तिसरी जे अहांजो जरूरत इ। ये हुई सक्कां, काँह्भई अहें परमेशरा जो जाणाँ ये, सैई हाया तिने जे अहांजो अपणी महिमा कने अच्छे गुणां च शामिल हुणे खातर सद्दीरा।

1 पतरस 1:15

पर तियां जे तुहांरा सदणे औल़ा परमेशर पवित्र आ, तियां इ तुहें बी अपणे सारे चालचलना च पवित्र बणा।

मरकुस 6:6

कने तिस्सो तिन्हांरे अविश्वासा पर हैरानी हुई। इसते बाद यीशु नेड़े-तेड़े रे गाँवां च गया कने लोकां जो परमेशरा रा सन्देश सखाया।

रोमियो 8:28

अहें जाणाँ ये भई परमेशर तिन्हां सारयां लोकां रे खातर अच्छी चीजां ल्यौआं सै जे तिस्सो प्यार कराँ ये; यनिके तिन्हांरे खातर सै जे तिसरिया मर्जिया रे मुतावक तिस्सो जे तिने चुणीरा।

रोमियो 8:30

फेरी तिन्हांजो जे तिने पैहले ते तैह कित्या, तिन्हाजो बी तिने चुणया, कने सै जे तिने चुणे, सै तिने धर्मी घोषित कित्ते, कने तिन्हाजो जे तिने धर्मी घोषित कित्या, तिन्हां सौगी तिने अपणी महिमा बी बन्डी।

2 कुरिन्थियों 2:17

परमेशरा रे वचना जो अपणे फायदे खातर, तिसच मिलावट करीने बेचणे औल़े मते सारे दुज्जे लोकां साई अहें नींये। पर अहें त परमेशरा रे सामणे परमेशरा रिया तरफा ते भेज्जीरे माहणुआं रे बराबर मसीह च हुईने सच्चाईया ने बोलां ये।

गलातियां 1:7

असल च कोई दुज्जी खुशखबरी त हाई नीं, पर कई लोक येढ़े सै जे तुहांजो भरमाये रायें कने मसीह रिया खुशखबरिया च हेरा-फेरी करने रा जतन करया रायें।

गलातियां 1:11

मेरे साथी विश्वासियो, हऊँ चाँह भई तुहें ये जाणो भई सै खुशखबरी जे मैं सुणाई सै माहणुआं रिया तरफा ते नीं आईरी।

गलातियां 1:15

पर परमेशर तिने जे मेरे जमणे ते पैहले इ मिन्जो चुणया कने तिने अपणे अनुग्रह ने मिन्जो सद्दया।

गलातियां 2:2

हऊँ परमेशरा रे दर्शणा रिया वजह ने ऊत्थी गया था। कने ताहली जे हऊँ तित्थी था, हऊँ कल्हिया जेईया कलीसिया रे अगुवेयां ने मिलया कने हऊँ अन्यजातियां रे बिच जिस खुशखबरिया रा जे प्रचार कराँ, तिसा इ खुशखबरिया रा मैं बखान कित्या। ताकि येढ़ा नीं हो भई सै काम्म जे मैं पिछले दिनां च कित्या था कने लगातार करदा रैहन्गा, सै बेकार नीं हुई जाओ।

गलातियां 2:5

पर अहें इक पल बी तिन्हांरे अधीन नीं हुये, ताकि तुहें लगातार खुशखबरिया रिया सच्चाईया च जी सक्को।

गलातियां 2:7

पर इसरे उलट ताहली जे तिन्हें अगुवेयां देख्या भई तियां जे परमेशरे पतरसा जो खतना कित्ती रयां लोकां जो खुशखबरी सुनाणे रा काम्म सौंपया था, तियां इ परमेशरे गैर-यहूदी लोकां जो खुशखबरी सुनाणे रा काम्म मिन्जो दित्या।

गलातियां 2:14

मैं ताहली जे ये देख्या भई खुशखबरिया रिया सच्चाईया रे मुतावक सै सिधे रस्ते पर नीं चलीरे, तां मैं सारयां रे सामणे कैफा जो गलाया, “तां जे तू यहूदी हुईने बी अन्यजातियां साई जीवन जीआं, तां फेरी अन्यजातियां जो यहूदियां रे रीति-रिवाजा पर चलने जो कजो बोलां?”

गलातियां 5:14

काँह्भई सारी व्यवस्था इसा इक्की हुक्मा च पूरा हुई जाईं, “तू अपणे पड़ेसिये ने तियां प्यार कर, तियां जे तूं खुद अप्पूँ ने प्यार कराँ।”