इफिसियां 6:17 - बिलासपुरी नौआं नियम

¹⁷ कने छुटकारे रा टोप, कने पवित्र आत्मा री तलवारा जो, सै जे परमेशरा रा वचन आ, लैई लो।

इफिसियां 6:17 Referans Kwoze

इब्रानियों 4:12

काँह्भई परमेशरा रा वचन जिऊंदा, सामर्थी, कने हरेक दोधारी तलवारी ते बी बौहत पैना; सै अहांरे प्राण कने आत्मा जो गहराईया तक बिन्हां, तियां जे इक तेज तलवार अहांरे हरेक जोड़ां जो, कने गुदे-गुदे जो लग करीने आर-पार बिन्ही देईं, कने मनां रियां भावनां कने विचाराँ जो परखी लेआं।

प्रकाशितवाक्य 19:15

जाति-जाति जो मारने खातर तिसरे मुँआं ते तेज धार तलवार निकल़ां इ। तिस तिन्हांरे ऊपर लोहे री रौड़ा ने राज करना। तिस सर्वशक्तिमान परमेशरा रे भयानक गुस्से री जलजलाहटा री मदिरा रे कुण्डा च अंगूरां जो पीहणा।

1 थिस्सलुनीकियां 5:8

पर अहें सै जे दिनां रे, विश्वास कने प्यारा जो रक्षा कवचा साई पैहना तियां जे इक फौजी अपणी रक्षा करने खातर पैहनां, कने अहांरी आशा अहौं टोपा साई बचाओ।

प्रकाशितवाक्य 2:16

इस खातर पापां ते मन फिरा, नैंत मांह तेरले जल्द आईने, अपणे मुँआं रिया तलवारा ने तिन्हां सौगी लड़ना।

प्रकाशितवाक्य 12:11

“तिन्हें मेमने रे खून्ना रिया वजह ते कने अपणिया गवाहिया रे बचना रिया वजह ते तिस पर जीत पाईरी, काँह्भई तिन्हें मरते दम तक अपणिया जानी री परवाह नीं कित्ती।

प्रकाशितवाक्य 1:16

सै अपणे सज्जे हत्था च सात्त तारे लईरे था, कने तिसरे मुँआं ते दोधारी तेज तलवार निकल़ी राँ थी, तिसरा मुँह तियां चमकीरा था, तियां जे सूरज दोपैहरके बगत चमकां।

मत्ती 4:4

यीशुये जबाब दित्या, “ये पवित्रशास्त्रा च लिखिरा, ‘माहणु सिर्फ रोटिया तेई नीं, पर हरेक बचन सै जे परमेशर बोलां तिसरा पालन करने ते जिऊंदा रैहणा।’ ”

मत्ती 4:7

यीशुये तिसजो गलाया, “पवित्रशास्त्रा च ये बी लिखिरा, ‘तू प्रभु अपणे परमेशरा जो ये साबित करने खातर परखणे री कोशिश मत करदा भई सै अपणे वायदयां जो पूरा कराँ या नीं कराँ।’ ”

इफिसियां 5:26

ताकि सै तिसाजो वचना रे जरिये पाणिये ने नैहलाईने शुद्ध करो कने पवित्र बणाओ,

इब्रानियों 6:5

तिन्हें महसूस कित्या था भई परमेशरा रा वचन उत्तम आ कने तिन्हें औणे औल़े युगा री सामर्था जो बी महसूस कित्या था।