इफिसियां 6:14 - बिलासपुरी नौआं नियम

¹⁴ इस खातर सच्चाईया रिया पेट्टिया ने अपणी कमर कस्सीने, कने धार्मिकता री झिलम पैहनीने,

इफिसियां 6:14 Referans Kwoze

1 थिस्सलुनीकियां 5:8

पर अहें सै जे दिनां रे, विश्वास कने प्यारा जो रक्षा कवचा साई पैहना तियां जे इक फौजी अपणी रक्षा करने खातर पैहनां, कने अहांरी आशा अहौं टोपा साई बचाओ।

लूका 12:35

“परमेशरा री सेवा खातर सदा त्यार रौओ कने चौकन्ने रौओ।

1 पतरस 1:13

इस खातर अपणे मना जो काम्म रे खातर त्यार करा। सचेत रौआ कने अपणी आस पूरी तरह तिस अनुग्रह पर रखा सै जे मसीह यीशुये रे भीं ते औणे रे बगत तुहांजो दित्या जाणा।

2 कुरिन्थियों 6:7

सच्चे बचना ने, कने परमेशरा रिया सामर्था ने, धार्मिकता रे हत्थियार सै जे अपणे सज्जे कने खब्बे हत्थां चे,

इफिसियां 5:9

काँह्भई ज्योति हर किस्मा री भलाई, धार्मिकता कने सच्चाई पैदा कराँ इ।

प्रकाशितवाक्य 9:17

मिन्जो इस दर्शणा च घोड़े कने तिन्हांरे स्वार इयां दिस्से: सै स्वार कवच पैहनीरे थे सै जे भड़कदी आग्ग, निल्ले कने पील़े रंगा रे थे। कने तिन्हां घोड़यां रे सिर शेराँ रे सिराँ साई थे; कने तिन्हांरे मुँआं ते आग्ग, कने धुआँ कने गन्धक निकल़ां था।

प्रकाशितवाक्य 9:9

तिन्हांरे कवच लोहे रे कवचा साई थे, कने तिन्हांरे फंगां री अवाज़ येढ़ि थी तियां जे रथां कने बौहत सारे घोड़यां रा, सै जे लड़ाईया च दौड़ां ये।

रोमियो 13:12

ये येढ़ा भई रात तकरीवन खत्म हुई चुक्कीरी, कने दिन सिरने जोआ; इस खातर अन्धकारा ने जुड़ीरे सारयां कम्मां जो करना बन्द करा कने जोतिया च रैहणे खातर त्यार हुई जावा।

इफिसियां 6:13

इस खातर सिपाईये साई तुहें परमेशरा रे सारे हत्थियाराँ जो कस्सी लौ तिसते जे बुरे वगता च तुहें दुष्टां ने लड़ने लायक हुई सक्को। सब किछ करने ते बाद तुहां पिच्छे नीं हटणा।