इफिसियां 6:10 - बिलासपुरी नौआं नियम

¹⁰ आखिर च, मेरे भाईयो प्रभु च कने तिसरिया शक्तिया रे प्रभावा ने आत्मिकता च मजबूत हुन्दे जावा।

इफिसियां 6:10 Referans Kwoze

फिलिप्पियां 4:13

सै जे मिन्जो सामर्थ देआं, तिसरे जरिये हऊँ सब किछ करी सक्कां।

1 कुरिन्थियों 16:13

जागदे रौआं, विश्वासा च बणीरे रौआ, निडर बणा, विश्वासा च मजबूत रौआ।

1 पतरस 5:10

तुहांजो थोड़िया देरा रे कष्ट सैहणे ते बाद सारे अनुग्रह देणे औल़ा परमेशर तिने जे तुहांजो मसीह च अपणी युगानुयुगा री महिमा रे खातर सद्दीरा, खुद इ तुहांजो सिद्ध, मजबूत, बलवन्त कने स्थिर करी देंगा।

कुलुस्सियां 1:11

हऊँ प्राथना कराँ भई परमेशर तुहांजो अपणी महिमा रिया सामर्था ते लगातार मजबूत करदा जाओ, ताकि तुहें धैर्य ने कने खुशिया ने अपणे दुखां जो सही सकगे।

इफिसियां 1:19

कने हऊँ ये बी प्राथना कराँ भई तुहें समझी सक्को भई अहां विश्वासियां रे खातर परमेशरा री सामर्थ कितणी महान इ, येई महान सामर्थ

इफिसियां 3:16

हऊँ प्राथना कराँ भई सै अपणी बेथाह महिमा रे मुतावक अपणिया पवित्र आत्मा रे जरिये तुहांरिया अन्तरात्मा जो सामर्था ने भरीने मजबूत करो।

2 तिमुथियुस 4:17

पर प्रभुये मेरा साथ दित्या कने मिन्जो सामर्थ दित्ति, ताकि मेरे जरिये साफ तौर पर खुशखबरिया रा प्रचार हुई सक्को कने सब अन्यजातियां रे लोक सुणी सक्को; कने प्रभुये मिन्जो मौती ते बचाया।

2 तिमुथियुस 2:1

इस खातर अरे मेरे पुत्र तिमुथियुस, मसीह यीशुये च मिलणे औल़े अनुग्रह ते मजबूत हुई जा।

फिलिप्पियां 4:8

इस खातर साथी विश्वासियो, तिन्हां गल्लां रा ध्यान करा सै जे सच्चियां इ, कने सै गल्लां जे आदर रे लायक इ, कने सै जे किछ ठीक आ, कने सै जे किछ पवित्र आ, सै जे किछ सुन्दर आ, सै जे किछ सराहना रे लायक आ, यनिके कोई बी होर उत्तम गुण या प्रशंसा री गल्लां ओ तिन्हां पर ध्यान लगाया करा।

2 कुरिन्थियों 13:11

हुण आखिर च मेरे साथी विश्वासियो, हऊँ तुहांते बिदा लेआं। अपणा व्यवहार ठीक रखा; तियां इ करदे रौआ तियां जे मैं करने जो गलाया; इक्को जेआ सोच्चा; शान्तिया ने रौआ; कने परमेशर सै जे शान्ति कने प्यार देआं तुहांजो सौगी रैहणा।

1 पतरस 3:8

आखिर च हऊँ तुहांजो ये बोलणा चांह, तुहां सारयां जो इक मन हूणा चाहिन्दा, इक दूये रे प्रति सहानुभूति रखा कने इक दूये जो इक परिवारा रे सदस्या साई प्यार करा, कने इक दूये रे प्रति दयालु कने नम्र बणा।

फिलिप्पियां 3:1

इस खातर मेरे साथी विश्वासियो, प्रभु च मौज मनान्दे रौआ। तुहांजो भीं बार-बार तिन्हांई गल्लां जो लिखदे रैहणे ते मिन्जो कोई दुख नीं हुन्दा काँह्भई येई गल्लां तुहौं झूट्ठे शिक्षकां ते सुरक्षित रख गियां।

1 पतरस 4:11

तिस्सो जे प्रचार करने रा बरदान मिलीरा तिसजो परमेशरा रा सन्देश प्रचार करना चाहिन्दा। जे तुहांजो दुज्यां री सेवा करने रा बरदान मिलीरा, तां परमेशरा ते पाई रिया सारिया शक्तिया ने ये करा। ताकि सारियां गल्लां च यीशु मसीह रे जरिये परमेशरा री महिमा हो। सारी महिमा कने सामर्थ जुगां-जुगां तक तिसरी इ हाई। आमीन।

1 यूहन्ना 2:14

परिपक्व विश्वासियो, मैं तुहांजो इस खातर लिखिरा, भई सै जे शुरु तेई हाया तिस्सो तुहें जाणी चुक्कीरे। नौजवानो, मैं तुहांजो इस खातर लिखिरा, भई तुहें ताकतवर ये, कने परमेशरा रा वचन तुहां च बास कराँ, कने तुहें तिस शैतान्ना जो हराई तरा।