इफिसियां 5:21 - बिलासपुरी नौआं नियम

²¹ मसीह रे प्रति आदर रखणे रिया वजह ते इक्की दूये रे अधीन रौआ।

इफिसियां 5:21 Referans Kwoze

फिलिप्पियां 2:3

हिरख कने घमण्डा ने किछ बी मता करदे, बल्कि नम्र बणा कने दुज्जेयां जो अप्पूँ ते खरा समझा।

इफिसियां 5:24

तियां जे कलीसिया मसीह रे अधीन इ, तियां इ पत्नियां जो सारियां गल्लां च अपणे-अपणे पतियां रे प्रति समर्पित रैहणा चाहिन्दा।

इफिसियां 5:22

अरे पत्नियो, अपणे-अपणे पतियां रे प्रति इयां समर्पित रौआ, तियां जे तुहें प्रभुये जो समर्पित हुआं इयां।

1 पतरस 5:5

इस तरिके ने नौजबानो, तुहें बी अपणे बजुर्गां रे अधीन रौआ कने तुहें सारे नम्रता ने इक्की दुज्जे रिया सेवा खातर कमर बन्हीने रा त्यार रौआ, काँह्भई, “परमेशर घमण्डियां रा बरोध कराँ, पर नम्र लोकां पर अनुग्रह कराँ।”

इब्रानियों 13:17

अपणे अगुवेयां रा हुक्म मन्नो कने तिन्हांरे अधीन रौ, काँह्भई ये तिन्हांरा फर्ज आ भई सै तुहांरे प्राणां री पहरेदारी करो, काँह्भई तिन्हांजो तुहांरे बारे च परमेशरा जो हिसाब देणे पौणा। जे तुहें तिन्हांरा हुक्म मनगे तां तिन्हां अपणा काम्म खुशिया ने करना, जे तुहें नीं मनगे तां तिन्हां दुखा ने करना, तां तुहांजो कोई फायदा नीं हूणा।

1 पतरस 2:17

सब्बीं लोकां रा आदर करा, अपणे साथी विश्वासियां ने प्यार रखा, परमेशरा ते डरा कने राजे रा आदर करा।

1 तिमुथियुस 3:4

तिस्सो अपणे घरा जो सही ढंगा ने चलाणा चाहिन्दा कने अपणे बाल-बच्चयां जो सारियां गल्लां च आदरा सौगी तिस्सो मनणे खातर सखाणा चाहिन्दा।

गलातियां 5:13

पर मेरे साथी विश्वासियो, परमेशरे तुहांजो अजाद रैहणे रे खातर चुणीरा, पर येढ़ा नीं हो भई ये अजादी पापी स्वभावा जो पूरा जरने रे खातर अवसर बणो, इसरे बदले प्यारा रिया वजह ने अप्पूँ चियें इक्की दुज्जे री सेवा करा।

1 तिमुथियुस 2:11

ताहली जे मर्द तिन्हांजो सखांये, तां सारियां औरतां जो मर्दां रे पूरे अधिकारा जो जाणदे हुये चुपचाप सुणीने सिखणा चाहिन्दा।

1 कुरिन्थियों 16:16

इस खातर साथी विश्वासियो हऊँ तुहांजो विनती कराँ भई येढ़यां अगुवेयां रे अधीन रौआ, सै जे मेहणत कराँ ये कने सही भगतिया ने सेवा कराँ ये।

1 पतरस 2:13

प्रभुये जो आदर देणे रे खातर तुहांजो इस संसारा रे सारे अधिकारियां जो मनणा चाहिन्दा : राजे जो बी सै जे सब्बींते बड्डा अधिकारी आ,

2 कुरिन्थियों 7:1

मेरे प्यारे मित्रो, काँह्भई परमेशरे अहांने ये वायदे कित्तिरे, इस खातर औआ सै जे किछ अहांरे शरीरा कने आत्मा जो अपवित्र कराँ तिसजो धोई देईये, कने परमेशरा रा आदर करदे हुये पूरे तरिके ने पवित्र जीवन जीओ।

2 कुरिन्थियों 5:11

इस खातर प्रभु ते डरदे हुये अहें सच्चाईया पर विश्वास करने रे खातर लोकां ने विनती करदे रै; परमेशर खुद अहौं पूरे तरिके ने जाणा भई अहें केढ़े; कने मेरी आशा येई भई तुहें बी अहांजो ठीक ढंगा ने जाणाँ ये।