इफिसियां 5:18 - बिलासपुरी नौआं नियम

¹⁸ शराब पीणे औल़े रा नशा मत करा, काँह्भई इसते गल़त इच्छा पैदा हुआं इ, पर पवित्र आत्मा ते भरदे जावा।

इफिसियां 5:18 Referans Kwoze

रोमियो 13:13

इस खातर औआ अहें तिन्हां लोकां साई ठीक ढंगा ने व्यवहार करना शुरु करिये सै जे जोतिया च रैं कने अन्धकारा च नीं। कने तुहांजो हरेक किस्मा री नशाखोरी कने दुराचारा च शामिल नीं हूणा चाहिन्दा; कने तुहांजो इक्की दूये ने लड़ाई कने हिरख नीं करना चाहिन्दा।

लूका 1:15

तिस परमेशरा रे खातर खास काम्म करना। तिस कदीं बी अंगूरां रा रस कने कोई नशीली चीज़ नीं पीणी; कने तिस अपणी मौआ रे गर्भा ची पवित्र आत्मा ते भरी जाणा।

1 कुरिन्थियों 5:11

पर मेरे बोलणे रा मतलब ये था भई जे साथी विश्वासी कहलाणे औल़ा कोई, व्यभिचारी, लोभी, मूर्तीपूजक, निंध्या करने औल़ा, पियक्कड़, या धोखेबाज हो, तां येढ़े माहणुये सौगी रोटी तक बी नीं खायां।

प्रेरितां 11:24

सै इक भला माहणु था, कने पवित्र आत्मा कने विश्वासा ते भरीरा था; कने होर बौहत सारे लोक प्रभुये च आईगे।

1 थिस्सलुनीकियां 5:7

काँह्भई सै जे सौआयें सै राति जोई सौआयें, कने सै जे मतवाले हुआं ये सै राति जोई मतवाले हुआं ये।

लूका 12:45

पर जे सै दास सोचणे लगो, भई ‘मेरा मालक त औणे च बौहत देर करी रां,’ कने सै दुज्यां दास-दासियां जो मारना-कुटणा शुरु करी दो कने धाम्मां करया दा ओ, कने शराब पी ने टुन रहणे लगो,

लूका 11:13

जे तुहें बुरे हुईने अपणयां बच्चयां जो खरियां चिज़ां देणा जाणाँ ये, तां स्वर्गीय पिता अपणे मंगणे औल़यां जो पवित्र आत्मा काँह नीं देंगा।”

1 कुरिन्थियों 6:10

नां चोर, नां लालची, नां पियक्कड़, नां गाल़ी देणे औल़े, नां अन्धेर करने औल़े परमेशरा रे राज्जा रे वारस हुणे।

तीतुस 1:6

इक अगवा निर्दोष कने इक्की पत्निया रा पति हूणा चाहिन्दा, तिन्हांरे बच्चे जे विश्वासी हुणे चाहिन्दे, कने तिन्हांजो अच्छा बर्ताव करना चाहिन्दा ताकि कोई तिन्हां पर इल्जाम नीं लाई सक्को भई सै बेकाबू कने हुक्म नीं मनणे औल़ा।

लूका 21:34

“इस खातर अपणे बारे च सावधान हुई जावा! किति येढ़ा नीं हो भई मौज मस्ती, नशा कने इस संसारा रे फिक्रां ते तुहांरा मन व्यस्त हुईजो, कने माहणुये रे पुत्रा रा दिन अचानक तुहां पर इयां आईजो ताहली जे तुहौं तिसरी आशा नीं हो, तियां जे फन्दा इकदम पशुये जो फसाई लेआं।

1 कुरिन्थियों 11:21

काँह्भई खाणे रे बगत इक दुज्जे ते पैहले अपणा खाणा खाई लेआं, तां कोई भूखा रैआं कने कोई मतवाला हुई जां।

मत्ती 23:25

“अरे कपटी शास्त्रियो कने फरीसियो, तुहांरी सजा बौहत भयानक हूणी! काँह्भई तुहें लालची कने स्वार्थी ये, पर तुहें अप्पूँजो पवित्र होणे रा ढोंग रचां ये। इस खातर तुहें तिन्हां कौलियां कने थाल़ियां साई ये सै जे बाहरा ते साफ ये पर अन्दरा ते गन्दे।

मत्ती 24:49

कने सै अपणे साथी दास्सा ने मार कुट करने लगो कने शराबियां सौगी खाणा-पीणा शुरु करी दो।

यूहन्ना 2:10

“हर कोई पैहले बधिया दाखरस परोसां कने ताहली जे मेहमान पी ने तृप्त हुई जांये तिसते बाद सै दाखरस जे परोसया जां सै इतणा बधिया नीं हुन्दा; पर तैं बधिया दाखरस हुण तक संभाली ने रखीरा।”