इफिसियां 4:6 - बिलासपुरी नौआं नियम

⁶ परमेशर इक्को इ हा कने सै सबनीं रा पिता, सैई सब्बीं रे ऊपर आ, सब्बीं च सैई काम्म कराँ, कने सब्बीं च सैई समाईरा।

इफिसियां 4:6 Referans Kwoze

रोमियो 11:36

काँह्भई सब किछ परमेशरा तेई औंआं। तिने सब किछ बणाईरा कने सब किछ तिसरा इ हाया। तिसजो सदा आदर मिलदा रौ। आमीन।

1 कुरिन्थियों 8:6

तां बी अहांरे खातर इक इ परमेशर आ, यनि सै पिता सै जे सारियां चीजां रा सृष्टीकर्ता कने तिसरे खातर जे अहें जींये; कने इक इ प्रभु आ, यनि यीशु मसीह तिसरे जरिये सब्बीं चिज़ां री सृष्टि हुई कने तिसरे जरिये जे अहें जीयें।

यूहन्ना 20:17

यीशुये तिसाजो गलाया, मेरयां पैराँ ने लिपटी ने मिन्जो मत रोक, काँह्भई हऊँ अजें तक पिता ले नीं गईरा, तू मेरे भाईयां लौ जा, कने तिन्हांजो दस हऊँ अपणे परम पिता कने तुहांरे परम पिता, अपणे परमेशर कने तुहांरे परमेशरा ले जाया रां।

1 यूहन्ना 3:24

कने सै जे तिसरयां हुक्मां रा पालन कराँ, सै परमेशरा ने संगती रखां, कने परमेशर तिसच बास हुआं। कने इसते इ यनि तिस पवित्र आत्मा ते सै जे तिने अहांजो दित्या, अहें जाणाँ ये, भई परमेशर अहांरे अन्दर बास कराँ।

मत्ती 6:9

“तुहें इस तरिके ने प्राथना करया करा : “ ‘हे अहांरे पिता, तू स्वर्गा च बिराजमान आ; लोक तेरा आदर करो काँह्भई तू पवित्र परमेशर आ।

2 कुरिन्थियों 6:16

परमेशरा रे मन्दरा रा मूर्तियां ने क्या नाता? काँह्भई अहें खुद तिस जीवित परमेशरा रे मन्दर ये; तियां जे परमेशरे पवित्रशास्त्रा च बोल्या, “माह तिन्हां लोकां च बसणा कने तिन्हां सौगी हमेशा रैहणा; कने हऊँ तिन्हांरा परमेशर हूणा कने सै मेरे लोक हुणे।”

1 कुरिन्थियों 12:6

कने प्रभावा औल़े काम्म कईयां किस्मा रे, पर परमेशर इक इ हाया, सै जे सब्बीं च हर किस्मा रा प्रभाव पैदा कराँ।

इफिसियां 6:23

परमेशर अहांरे पिता कने अहांरे प्रभु यीशु मसीह तुहां विश्वासियां जो शान्ति देओ कने तुहें इक्की दूये ने प्यार करो कने मसीह पर लगातार विश्वास करदे रौओ।

इफिसियां 3:17

ताकि विश्वासा रे जरिये मसीह तुहांरे दिलां च वास करी सक्को। हऊँ प्राथना कराँ भई परमेशरा रे परति कने इक्की दूये रे परति तुहांरा प्यार तुहांजो मजबूत करो कने तिसच बणाई रखो,

इफिसियां 2:22

तिसच जे तुहें बी पवित्र आत्मा रे जरिये परमेशरा रे रैहणे री जगह हुणे खातर सौगी बणाए जायें।

यूहन्ना 17:26

मैं तिन्हांजो दस्या भई तू कुण आ, कने मांह लगातार दसदे रैहणा, ताकि जिस तरिके ने तैं मेरने प्यार कित्या, तियां इ सै दुज्यां जो प्यार करी सक्को, कने हऊँ बी तिन्हांच बणीरा रऊँ।”

यूहन्ना 14:23

यीशुये तिस्सो जबाब दित्या, “तिसजे मेरने प्यार करना, तिस मेरी शिक्षां जो मनणा; कने तिसने जे मेरा पिता प्यार करगा, कने अहां तिसले औणा कने तिसने सौगी रैया करना।

मत्ती 6:13

कने अहांजो परीक्षा च नीं पा, पर शैतान्ना ते बचा; [काँह्भई राज कने सामर्थ कने महिमा सदा खातर तेरे इ हाये। आमीन।]’ ”

इफिसियां 1:21

तिसा जगह सारे राजयां पर, अधिकाराँ पर, सामर्थां पर, प्रभुता, कने हरेक नौंवां रे ऊपर, सै जे न सिर्फ इस लोका च, पर औणे औल़े लोका च बी तिसरा इ नौं सब्बीं ते ऊपर मन्नया जाणा।