इफिसियां 4:32 - बिलासपुरी नौआं नियम

³² अप्पूँ चियें इक्की दुज्जे रे प्रति दयालु कने करुणावान बणा कने अप्पूँ चियें इक्की दूये रे अपराधां जो तियां इ माफ करा तियां जे मसीह रे जरिये तुहांजो परमेशरे बी माफ कित्या।

इफिसियां 4:32 Referans Kwoze

मरकुस 11:25

कने ताहली जे कदीं तुहें खड़ीने प्राथना कराँ ये तां जे तुहांरे मना च किसी रिया तरफा ते कोई वरोध हो, तां तिस्सो माफ करा : इस खातर भई तुहांरा स्वर्गीय पिता बी तुहांरे पाप माफ करे।

2 कुरिन्थियों 2:10

पर जे तुहें किसी जो माफ कराँ ये, तां तिस्सो हऊँ बी माफ कराँ। जे हकीकत च मिन्जो किछ माफ करने री जरूरत इ-तां ताहली जे हऊँ माफ कराँ, तां सै तुहांरी भलाईया रिया वजह ने मसीह रे सामणे माफ कित्तिरा।

इफिसियां 5:1

तुहें लोक परमेशरा रे प्यारे बच्चे इस खातर तिसरा अनुशरण कराँ।

लूका 6:35

बल्कि अपणयां दुश्मणां ने प्यार रखा, कने तिन्हांरी भलाई करा, कने वापस लेणे री आशा न रखीने उधार देआ; कने तुहां खातर बड्डा ईनाम हूणा; कने तुहें परमप्रधान रे बच्चयां हूणा, काँह्भई सै तिन्हां पर बी सै जे धन्यवाद नीं करदे, कने बुरयां पर बी मेहरवानी कराँ ये।

लूका 6:37

“दुज्यां पर इल्जाम नीं लगावा, नैत परमेशरा बी तुहां पर इल्जाम लगाणा। किसी री निंध्या नीं करा नैत परमेशरा तुहांरी बी निंध्या करनी। दुज्यां जो माफ करा, तां तुहांजो बी परमेशरा माफ करना।

1 कुरिन्थियों 13:4

प्यार धीरज आ, कने दयालु आ; प्यार डाह नीं करदा; प्यार अपणी बडयाई नीं करदा, कने घमण्ड नीं करदा,

लूका 17:4

जे दिना च सै सात्त बार तेरे खलाफ पाप करो कने सात्त बार इ आईने तेरते माफी मंग्गो, तां तिस्सो माफ करी दे।”

मत्ती 6:12

कने जियां जे किन्हिये अहांरे बरोधा च पाप कित्या तिन्हांजो अहें माफ कराँ ये, तियां इ तू बी अहांरे पापां जो माफ कर।

1 यूहन्ना 2:12

प्यारे बच्चो, हऊँ तुहांजो इस खातर लिखिराँ, काँह्भई यीशु मसीह रिया बजह ने तुहांरे पाप माफ हुईरे।

रोमियो 12:10

भाईचारे रे प्यारा ने इक्की दुज्जे रे प्रति समर्पित रौआ, कने दुज्यां जो अप्पूँ ते बधीने आदर देआ।

1 यूहन्ना 1:9

जे अहें अपणे पापां जो मन्नी लैं, तां परमेशर अहांरे सारयां पापां जो माफ करने कने गलतियां जो साफ करने च बफादार कने धर्मी आ।

2 कुरिन्थियों 2:7

इस खातर इसते बधिया येआ भई तिसजो माफ करा कने हौंसला देआ ताकि येढ़ा माहणु निराश हुईने पूरी तरह विश्वासा जो छडी नीं देओ।

याकूब 5:11

तिन्हां लोकां जो अहें काफी आदर दें, सै जे धीरजा ने दुख सैहन्दे रैं। तसल्लिया ने सैहणे औल़यां च अय्यूब इक आदर्श आ; तिसरे अनुभवा ने अहें सिक्खां ये भई परमेशरा रिया योजना रा अन्त कियां भलाईया च हुआं, इस खातर भई प्रभु कितना दयालु कने करुणा ने भरीरा।

2 कुरिन्थियों 6:6

पवित्रता ते, ज्ञाना ते, धीरजा ते, दयालुता ते, पवित्र आत्मा ते, सच्चे प्यारा ने,

लूका 11:4

कने अहांरे पापां जो माफ कर, काँह्भई अहें बी अपणे हर इक अपराधिये जो माफ कराँ ये, कने अहांजो परीक्षा ते बचा’।”

लूका 1:78

ये अहांरे परमेशरा री दया री वजह ते हुणा, तियां जे सूरज अहांजो रौशनी देणे रे खातर चमकां, तियां इ मसीह बी अहांले स्वर्गा ते औणा,

2 पतरस 1:7

नांई तुहांजो इस तरिके ने जीणा चाहिन्दा सै जे परमेशरा जो खुश कराँ, बल्कि अपणे परिवारा रे सदस्या साई बी साथी विश्वासियां ने प्रेम करना चाहिन्दा, नांई तुहांजो अपणे परिवारा रे सदस्या साई इक्की दूये जो प्रेम करना चाहिन्दा, बल्कि तुहांजो सारयां लोकां जो प्रेम करना चाहिन्दा।

प्रेरितां 28:2

कने तित्थी रे रैहणे औल़यां अहां पर महान दया करीने अहांजो ग्रहण कित्या; काँह्भई बरखा बरसणे ते ठण्ड हुया राँ थी, इस खातर तिन्हें आग्ग बाल़ीने अहां सब्बीं जो सकाया।