इफिसियां 4:30 - बिलासपुरी नौआं नियम

³⁰ परमेशरा रे पवित्र आत्मा जो दुखी मत करा काँह्भई परमेशरे अपणे पवित्र आत्मा ने तुहां पर मोहर लगाईरी भई इक दिन परमेशर तुहांजो पूरे तरिके ने छुड़वांगा।

इफिसियां 4:30 Referans Kwoze

1 थिस्सलुनीकियां 5:19

पवित्र आत्मा रे कम्मा जो नीं रोका।

प्रेरितां 7:51

“तुहें जिद्दी लोक ये सै जे परमेशरा रे हुक्म नीं मनदे कने तिसरियां गल्लां बी नीं सुणदे, तुहें सदा पवित्र आत्मा रा बरोध कराँ ये। तेढ़ा जे तुहांरे पूर्वज कराँ थे, तेढ़ा इ तुहें बी कराँ ये।

रोमियो 8:23

न सिर्फ ये सृष्टि बल्कि अहें बी तिन्हां च जे हुणे औल़ी महिमा रे पैहले ते स्वाद चखणे रे रुपा च पवित्र आत्मा रा निवास आ, खुद अन्दरा ते बिलखां ये; पर हुण परमेशर अहांजो सच्चे बच्चयां साई गोद लेणे रा इन्तजार कराँ, ये तां हूणा ताहली जे तिस अहांरे शरीराँ रा छुटकारा करी देणा।

रोमियो 8:11

कने जे परमेशरा रा आत्मा तिने जे यीशु मसीह जो मूईरेयां चते जिऊंदा कित्या, तुहांरे अन्दर वास कराँ। तां सै परमेशर तिने जे यीशु मसीह जो मूईरयां चते जिऊंदा कित्या था, तुहांरे नाशवान शरीरा जो अपणी आत्मा ते सै जे तुहांरे अन्दर बसीरा, जिऊंदा करना।

मरकुस 3:5

यीशुये तिन्हांरे अड़ियल स्वाभावा ते उदास हुईने बड़े गुस्से ने तिन्हांरी तरफ देख्या, कने तिस माहणुये जो गलाया, “अपणा हात्थ मेरी तरफ कर।” तियां जे तिने हात्थ अग्गे कित्या, सै ठीक हुईग्या।

इब्रानियों 3:10

इस वजह ते हऊँ तिन्हां लोकां ते गुस्से था, कने गलाया, इन्हांरे मन सदा भटकदे रैं, कने इन्हें मेरे हुक्मा रा पालन करने ते इन्कार कित्या।

1 कुरिन्थियों 1:30

पर तिसरिया वजह ने तुहें मसीह यीशुये चे सै जे परमेशरा रिया तरफा ते अहांरे खातर ज्ञान, यनि धार्मिकता कने पवित्रता, कने छुटकारा बणीग्या।

इब्रानियों 3:17

कने परमेशर चाल़ियां साल्लां तकौ किन्हां लोकां ने गुस्से रैया? तिन्हां लोकां ने तिन्हें जे पाप कित्या, कने सै जे सुनसान जगह च मरीगे।

1 कुरिन्थियों 15:54

कने ताहली जे ये नाशवान अविनाश जो धारण करी लेन्गा, कने ये मरणहार अमरता जो धारण करी लेन्गा, फेरी सै वचन सै जे पवित्रशास्त्रा च लिखिरा, पूरा हुई जाणा, “विजय मौती जो निंगल़ी ल्या।

लूका 21:28

ताहली जे ये गल्लां हुणे लग गियां, तां आत्म विश्वासा ने खड़े हुईने ऊपर खा देख्यां, काँह्भई तुहांजो तुरन्त बचाया जाणा।”

यूहन्ना 3:33

पर तिने माहणुये जे तिसरे सन्देशा पर विश्वास कित्या, सै इस पर सैहमत हुईग्या भई परमेशर सच्चा।

इब्रानियों 10:29

तां सोच्चा भई इक्की माहणुये जो कितणी भयानक सजा मिलणी, सै जे परमेशरा रे पुत्रा ने नफरत कराँ, कने परमेशरा रिया वाचा रा लहू तिसरे जरिये जे सै पवित्र बणाया गया तिस्सो अपवित्र मन्नां, कने सै तिस आत्मा री बेज्जति कराँ तिसते जे तिने अनुग्रह पाईरा।