इफिसियां 4:29 - बिलासपुरी नौआं नियम

²⁹ तुहांरे मुँआं ते कोई बुरी गल्ल नीं निकल़णी चाहिन्दी, पर जरूरता रे मुतावक सैई निकल़ो सै जे दुज्यां रिया तरक्किया खातर मददगार हो, ताकि तिसते जे सुणने औल़े रा भला हो।

इफिसियां 4:29 Referans Kwoze

कुलुस्सियां 4:6

तुहांरी बोल्ली सदा मिठी रौ कने तिसते जे समझदारिया री पछयाण लगो कने तुहें जाणी सक्को भई किसी माहणुये जो कियां जबाब देणा चाहिन्दा।

1 थिस्सलुनीकियां 5:11

इस वजह ते इक्की दूये जो हौंसला देओ कने इक्की दूये जो परमेशरा पर विश्वास करने रे खातर मदद करो, तेढ़ा जे तुहें कराँ बी ये।”

मत्ती 5:16

तियां इ तुहांरी जिन्दगी उजाले साई माहणुआं रे सामणे चमको भई सै तुहांरे खरयां कम्मां जो देखीने तुहांरे पिता री बडयाई करो, सै जे स्वर्गा चा।”

1 पतरस 2:12

अविश्वासी लोकां रे बिच तुहांरा चाल-चल़ण ठीक हो, इस खातर भई तिन्हां गल्लां च जे सै तुहांजो बुरा समझीने बदनाम कराँ ये, सै तुहांरे भले कम्मां जो देखीने परमेशरा रे औणे रे दिन परमेशरा री महिमा करो।

लूका 4:22

कने सारयां लोकें यीशुये री सराहना कित्ती, कने तिसरे मुँआं ते निकल़णे औल़े अनुग्रह रे वचन सुणीने सै सब हैरान हुईगे; कने गलाणे लगे, “क्या ये यूसुफा रा पुत्र निआं?”

1 पतरस 3:1

अरे पत्नियो, तुहें बी अपणे-अपणे पतियां रे अधीन रौआ, इस खातर भई जे तिन्हां चते कोई परमेशरा रे वचना पर विश्वास नीं करदा हो,

इफिसियां 4:16

अहें सारे जितने मसीह पर विश्वास कराँ ये, तिसरे जिस्मा रे अंगाँ साई ये। तियां जे इक्की माहणुये रा जिस्म सारे जोड़ा रे जरिये जुड़ीरा कने ताहली जे जिस्मा रे सारे अंग ठीक-ढ़ंगा ने काम्म कराँ ये, तां शरीर बधां कने मजबूत हुआं; इस तरिके ने ताहली जे अहें सारे मसीह रे दित्तिरे कम्मा जो कराँ ए अहां मजबूत कने परिपक्व हुणे कने इक्की दूये जो जादा प्यार करना।

इफिसियां 4:12

ताकि सै परमेशरा रे लोकां जो तिसरी सेवा करने रे खातर त्यार करी सक्को तिसते जे मसीह रा शरीर यनि कलीसिया होर बी मजबूत हुईजो।

2 पतरस 2:18

ये तिन्हांजो सै जे भटकीरेयां लोकां चाते बचीने निकल़णे री शुरुआत इ करीराँ थे, अपणी बेकारा री घमण्डी गल्लां ते तिन्हां लोकां जो शारीरिक इच्छां च फसाई लें।

1 कुरिन्थियों 14:19

पर कलीसिया च होरीं भाषा च दस हज़ार गल्लां बोलणे ते मिन्जो ये होर बी जादा अच्छा लगां, भई दुज्जेयां जो सखाणे खातर बुद्धिया ते पांज्ज इ गल्लां बोलूं।

रोमियो 14:19

इस खातर अहें तिन्हां गल्लां जो करने री सदा कोशिश करदे रौ तिन्हांते जे लोक मिली जुली ने रई सक्को कने इक दुज्जे रे विश्वासा जो मजबूत करने च मदद करी सक्को।

रोमियो 15:2

अहां चते हर इक अपणे साथी विश्वासियां रे खातर सैई करना चाहिन्दा सै जे ठीक आ, सै जे तिस्सो खुश करगा कने तिसरे विश्वासा जो मजबूत करगा।

यूहन्ना 1:37

ताहली जे तिन्हे दुईं चेलयां तिस्सो येढ़ा गलान्दे हुये सुणया तां सै यीशुये रे पिच्छे चली पे।