इफिसियां 4:28 - बिलासपुरी नौआं नियम

²⁸ सै जे चोरी करदा आया, सै इसते बाद चोरी नीं करो, बल्कि तिस्सो काम्म करना चाहिन्दा, खुद अपणे हत्थां ने मेहणत करा, ताकि तिसले तिस्सो जे जरूरत इ, तिस सौगी बंडणे जो किछ हुई सक्को।

इफिसियां 4:28 Referans Kwoze

1 तिमुथियुस 6:18

तिन्हांजो भले काम्म करने खातर हुक्म दे कने सै बौहत भले काम्म करो, कने उदारता पूर्वक दान देईने दुज्यां री मद्‌द करने जो त्यार रौ।

गलातियां 6:10

इस खातर तियां जे कोई मौका मिलो, अहांजो सारयां ने भलाई करनी चाहिन्दी, खास कर अपणे विश्वासी भाईयां सौगी।

यूहन्ना 12:6

तिने सै गल्ल इस खातर नीं बोल्ली थी भई तिस्सो गरीबां री चिंता थी पर इस खातर बोल्ली थी भई सै चोर था, कने तिसले तिन्हांरी पैसयां री थैली रेआं थी कने तिसच सै जो किछ पां थे, सै कड्डी लेआं था।

लूका 19:8

जक्कई रोटी खान्दे वगत खड़ा हुईने प्रभु यीशुये ने बोलणे लगया; प्रभु जी, देक्खा हऊँ अपणिया धन-दौलता रा अधा हिस्सा गरीबां च बंडी देआं, कने जिस किसी रा जे मैं धोखा करीने लैईरा तिन्हांजो मांह चार गुणा वापस करीने देणा।

2 कुरिन्थियों 8:12

काँह्भई जे किसी च दान देणे री इच्छा हाई, तां सै जे किछ तिसले हाया, तिसरे मुतावक तिसरा दान ग्रहण हूणा, उसरे मुतावक नीं सै जे तिसले निआं।

2 कुरिन्थियों 8:2

ताहली जे बौहत संकटा ते तिन्हांरा इम्तेहान हुया था तां बी सै बौहत खुश हुये कने हलाँकि ये बौहत गरीब थे फेरी भीं तिन्हें उदारता ने दुज्जे विश्वासियां री मदद करने जो पैसा दित्या।

रोमियो 12:13

परमेशरा रे लोकां री जरूरतां च मदद करा; मैहमान्नां रे आदर सत्कारा खातर हर वगत त्यार रौआ।

यूहन्ना 13:29

कईयें सोचया भई पैसयां री थैली सै जे यहूदा लेई इस खातर यीशुये तिस्सो बोल्या भई त्योहारा खातर समान खरीदी ले, या भई गरीबां जो किछ दई दे।

लूका 3:8

जे तू तिसा सजा ते बचणा चांह तां अपणिया जिन्दगिया च ये साबित कर भई तैं अपणयां पापां ते मन फिराया कने परमेशरा खौ मुड़ीरा। कने अपणे-अपणे मना च ये नीं सोच्चा भई अब्राहम अहांरा पूर्वज आ; ताकि परमेशरा अहांजो सजा नीं देणी, पर हऊँ तुहांजो बोलां भई ‘परमेशर अब्राहमा रे खातर इन्हां पत्थराँ ते बी बच्चा पैदा करी सक्कां!’

1 कुरिन्थियों 4:12

कने अहें अपणे हात्थां ने अप्पूँ मेहणत कराँ ये। ताहली जे लोक अहांजो गाल़ी दें, तां अहें तिन्हांजो आशीष देआंये; ताहली जे लोक अहांजो सतायें, तां अहें सही लैं।

तीतुस 3:8

सै गल्लां जे मैं लिखी रियां सै सच्चियां इ, कने हऊँ चांह भई तू इन्हां गल्लां रे बारे च मजबूतिया ने बोल्लो, ताकि तिन्हें जे परमेशरा पर विश्वासा कित्या, सै भले कम्मां च लगी रैहणे खातर ध्यान देओ। ये गल्लां भली कने सब्बीं रे फायदे रियां इ।

तीतुस 3:14

अहांरे लोक बी जरूरतां जो पूरा करने खातर भलयां कम्मां च लगी रैहणा सिखो, ताकि सै बेकार जिन्दगी नीं जींगे।