इफिसियां 4:26 - बिलासपुरी नौआं नियम

²⁶ तुहें गुस्सा त कराँ, पर गुस्से च आईने पाप नीं करना, दिन घरने ते पैहले तुहांरा गुस्सा खत्म हुईजो।

इफिसियां 4:26 Referans Kwoze

याकूब 1:19

“मसीह च मेरे प्यारे साथी विश्वासियो, ये गल्ल तुहें जाणी लो, हर इक माहणु परमेशरा रे सच्चे बचना जो सुणने च दिलचस्पी दसणे औल़ा कने बोलणे च कने गुस्सा करने च धीमा हो।

मत्ती 5:22

पर हऊँ तुहांजो बोलां, भई सै माहणु जे अपणे भाईये पर गुस्सा कराँ, तिसरा परमेशरा न्याय करना, कने सै जे कोई अपणे भाईये जो निकम्मा समझीने तिसरी बेज्जति करगा तिस्सो बड्डिया सभा च परमेशरा बौहत भयानक सजा देणी; कने जे कोई अपणे भाईये जो ‘अरे मूर्ख!’ करीने बोल्लो सै नरका रिया अग्गी च सजा रा हकदार हूणा।

मरकुस 3:5

यीशुये तिन्हांरे अड़ियल स्वाभावा ते उदास हुईने बड़े गुस्से ने तिन्हांरी तरफ देख्या, कने तिस माहणुये जो गलाया, “अपणा हात्थ मेरी तरफ कर।” तियां जे तिने हात्थ अग्गे कित्या, सै ठीक हुईग्या।

मरकुस 10:14

ताहली जे यीशु देक्खां भई सै गुस्सा हुईगे यीशुये चेलयां जो गलाया, “बालकां जो मेरले औणे देआ तिन्हौं नां नीं करा, काँह्भई सै जे कोई बच्चयां साई भरोसा रक्खां ये तिन्हां पर इ परमेशरा राज करने रे खातर त्यार हूणा।

याकूब 1:20

इस खातर भई जो किछ परमेशरा रिया नज़राँ च ठीक आ सै सब तुहांरे गुस्से च नीं कित्या जाई सकदा।