इफिसियां 4:12 - बिलासपुरी नौआं नियम

¹² ताकि सै परमेशरा रे लोकां जो तिसरी सेवा करने रे खातर त्यार करी सक्को तिसते जे मसीह रा शरीर यनि कलीसिया होर बी मजबूत हुईजो।

इफिसियां 4:12 Referans Kwoze

इफिसियां 4:16

अहें सारे जितने मसीह पर विश्वास कराँ ये, तिसरे जिस्मा रे अंगाँ साई ये। तियां जे इक्की माहणुये रा जिस्म सारे जोड़ा रे जरिये जुड़ीरा कने ताहली जे जिस्मा रे सारे अंग ठीक-ढ़ंगा ने काम्म कराँ ये, तां शरीर बधां कने मजबूत हुआं; इस तरिके ने ताहली जे अहें सारे मसीह रे दित्तिरे कम्मा जो कराँ ए अहां मजबूत कने परिपक्व हुणे कने इक्की दूये जो जादा प्यार करना।

1 कुरिन्थियों 12:27

इयां इ तुहें सब मिलीने मसीह री देह ये, कने लग-लग तिसरे अंग ये;

रोमियो 15:14

मेरे साथी विश्वासियो, मिन्जो खुद तुहांरे ऊपर भरोसा भई तुहें भलाईयां कने परमेशरा रे ज्ञाना च पूरे भरीरे, कने इक्की दूये जो सखाई सक्कां ये।

1 कुरिन्थियों 14:26

अरे साथी विश्वासियो क्या करना चहिन्दा? ताहली जे तुहें कट्ठे हुआं ये, तां हरेक रे दिला च भजन, उपदेश, होरीं भाषां, प्रकाशन या होरीं भाषा रा मतलब दसणा रैया। सब किछ कलीसिया री आत्मिक तरक्किया खातर हूणा चहिन्दा।

रोमियो 14:19

इस खातर अहें तिन्हां गल्लां जो करने री सदा कोशिश करदे रौ तिन्हांते जे लोक मिली जुली ने रई सक्को कने इक दुज्जे रे विश्वासा जो मजबूत करने च मदद करी सक्को।

1 तिमुथियुस 1:12

हऊँ अहांरे प्रभु यीशु मसीह रा धन्यवाद कराँ, तिने जे मिन्जो सामर्थ दित्तिरी, भई तिने मिन्जो बफादार समझीने अपणिया सेवा खातर नियुक्त कित्या।

1 कुरिन्थियों 14:12

इस खातर तुहें बी ताहली जे आत्मिक वरदान्नां रिया धुन्ना च हो, तां येढ़ि कोशिश करा भई तुहांरे वरदान्नां रिया तरक्किया ते कलीसिया री तरक्की हो।

इब्रानियों 13:17

अपणे अगुवेयां रा हुक्म मन्नो कने तिन्हांरे अधीन रौ, काँह्भई ये तिन्हांरा फर्ज आ भई सै तुहांरे प्राणां री पहरेदारी करो, काँह्भई तिन्हांजो तुहांरे बारे च परमेशरा जो हिसाब देणे पौणा। जे तुहें तिन्हांरा हुक्म मनगे तां तिन्हां अपणा काम्म खुशिया ने करना, जे तुहें नीं मनगे तां तिन्हां दुखा ने करना, तां तुहांजो कोई फायदा नीं हूणा।

इब्रानियों 6:1

इस खातर औआ मसीह रियां शिक्षां री शुरु रियां गल्लां जो दोहराईये नीं पर विश्वासा च परिपक्व हुन्दे जाईये। अहांजो भीं ते पैहलकिया शिक्षा रे बारे च यनिके मौती रिया तरफा जो लेई जाणे औल़े कम्मां ते मन फिरावा, कने परमेशरा पर विश्वास करना,

2 कुरिन्थियों 6:3

अहांरा स्वाभाव किसी बी तरिके ने किसी रे खातर अड़चन नीं बणदा, ताकि अहांरी सेवकाईया पर कोई दोष नीं लाओ।

2 कुरिन्थियों 5:18

कने फेरी ये सारियां गल्लां तिस परमेशरा रिया तरफा ते हुआ इयां, तिने जे अहें मसीह रे जरिये अप्पूँ च मलाईल्या कने लोकां जो परमेशरा ने मेल-मलापा रा काम्म अहांजो सौंपीत्या।

लूका 22:32

पर शमौन, प्राथना च मैं तेरे खातर बिनती किति भई तेरा विश्वास टुटी नीं जाओ, इस खातर ताहली जे तू अपणे पापां ते मन फिराई ने मेरले वापस आई जाओ, ताहली अपणे भाईयां जो बी विश्वासा च मजबूत करयां।”

2 तिमुथियुस 4:5

पर तिज्जो हर हालता च अप्पूँजो काबुये च रखणा चाहिन्दा, दुख सै कने खुशखबरिया रा प्रचार कर कने अपणी जिम्मेवारिया जो पूरा कर सै जे प्रभुये तिज्जो दित्तिरी।

कुलुस्सियां 4:17

कने अरखिप्पुस ते गलायां भई सै इसा गल्ला रा ध्यान रखो भई प्रभु च सै जे सेवा तिस्सो दित्तिरी, सै तिसजो सावधानिया ने पूरी करी सक्को।

कुलुस्सियां 1:28

तिसरा प्रचार करीने अहें हर इक माहणुये जो मसीह जो ग्रहण करने रे बारे सावधान कराँ ये कने सारे ज्ञाना ते हरेक माहणुये जो सखां ये, भई अहें हरेक माहणुये जो मसीह च सिद्ध करीने परमेशरा रे सामणे हाजर करिये।

कुलुस्सियां 1:24

मिन्जो इसा गल्ला री खुशी भई हुण हऊँ तुहांरे खातर दुख सैई सकूँ, कने तियां जे मसीह दुख सैया, तियां इ हऊँ बी खुशिया ने तिन्हां सारयां दुखां जो कलीसिया रे फायदे रे खातर अपणे शरीरा च सैयां सै जे जरूरी ये, ताकि कलीसिया री मदद करी सकूँ सै जे मसीह रे शरीरा साई आ।

इफिसियां 1:23

कलीसिया मसीह री देह इ, कने कलीसिया मसीह रे जरिये ही परिपूर्ण इ, सै जे सारियां जगहां च सब किछ अपणिया मौजूदगिया च पूरा कराँ।

2 कुरिन्थियों 12:19

हुण तुहें क्या सोच्ची रायें भई इक्की लम्मे बगता ते अहें तुहांरे सामणे अपणा बचाव करी रायें? पर अहें त परमेशरा रे सामणे मसीह रे चेले रे रुपा च बोल्ली राँये। मेरे प्यारे मित्रो, अहें सै जे किछ बोल्ली राँये, तुहौं विश्वासा च मजबूत करने खातर इ बोल्ली राँये।

2 कुरिन्थियों 7:1

मेरे प्यारे मित्रो, काँह्भई परमेशरे अहांने ये वायदे कित्तिरे, इस खातर औआ सै जे किछ अहांरे शरीरा कने आत्मा जो अपवित्र कराँ तिसजो धोई देईये, कने परमेशरा रा आदर करदे हुये पूरे तरिके ने पवित्र जीवन जीओ।

2 कुरिन्थियों 4:1

काँह्भई परमेशरा रिया दया ते तिसरे वचना रा प्रचार करने री सेवा अहांजो मिली, इस खातर अहें निराश नीं हुन्दे।

2 कुरिन्थियों 3:8

तां फेरी पवित्र आत्मा री वाचा होर बी जादा तेजोमय काँह नीं हुँणी?

1 कुरिन्थियों 14:14

इस खातर जे हऊँ होरी भाषा च प्राथना करूँ, तां मेरी आत्मा प्राथना कराँ इ, पर मेरी बुद्धि काम्म नीं करदी।

रोमियो 15:29

कने हऊँ जाणाँ भई ताहली जे मांह तुहांले औणा, तां मसीह रियां पूरियां आशीषा तुहांजो बंडणियाँ।

रोमियो 15:2

अहां चते हर इक अपणे साथी विश्वासियां रे खातर सैई करना चाहिन्दा सै जे ठीक आ, सै जे तिस्सो खुश करगा कने तिसरे विश्वासा जो मजबूत करगा।

रोमियो 12:7

जे किसी जो दुज्यां री सेवा करने रा बरदान मिलीरा, तां सै सेवा करो; जे कोई सखाणे औल़ा हो, तां सै सखाणे च लगीरा रौ;

प्रेरितां 20:28

इस खातर अपणी कने पूरे झुण्डा री रखवाली कराँ तिसच जे पवित्र आत्मा ते अगुवे बणाईरा, भई तुहें परमेशरा री कलीसिया री रखवाली करो, तिस्सो जे तिने अपणे खून्ना ते मुल्ले लईरा।

प्रेरितां 20:24

पर हऊँ अपणे प्राणां जो बी किछ नीं समझदा भई तिस्सो प्यारा जाणुं, पर येढ़ा भई हऊँ अपणी दौड़ा जो कने तिसा सेवा जो पूरी करूँ, सै जे परमेशरा रे अनुग्रह ते खुशखबरिया री गवाही देणे खातर प्रभु यीशुये ते पाईरी।

प्रेरितां 11:23

सै तित्थी पुज्जी ने कने परमेशरा रा अनुग्रह देखीने खुश हुआ, कने सबनीं जो ये उपदेश दित्या भई तन-मन लाईने प्रभुये ने चिपकी रे रौआ।

प्रेरितां 9:31

इयां सारे यहूदिया, गलील, कने सामरिया प्रदेशा री कलीसिया जो चैन मिलीग्या कने तिन्हांरी तरक्की हुईगी; कने सै प्रभु यीशुये रे डरा कने पवित्र आत्मा रे शान्तिया च चलदी कने बधदी गई।

प्रेरितां 1:25

भई सै इस सेवकाईया कने प्रेरिताईया रा औहदा लओ, तिस्सो जे यहूदा मरने ते बाद छड्डिने तित्थी जो गया तित्थी जो जे जाणे रे लायक था।”

प्रेरितां 1:17

काँह्भई सै त अहां च गिणया गया, कने इस सेवा रे कम्मां च साथी बणया।

2 तिमुथियुस 4:11

सिर्फ लूका इ मेरेले आ। ताहली जे तू औआं मरकुस जो बी अप्पूँ सौगी ल्यायां, काँह्भई सै मेरिया सेवकाईया च मेरी मदद करी सक्कां।

इफिसियां 4:29

तुहांरे मुँआं ते कोई बुरी गल्ल नीं निकल़णी चाहिन्दी, पर जरूरता रे मुतावक सैई निकल़ो सै जे दुज्यां रिया तरक्किया खातर मददगार हो, ताकि तिसते जे सुणने औल़े रा भला हो।

इफिसियां 4:4

जिस्म इक आ कने पवित्र आत्मा बी इक आ, इयां इ ताहली जे तुहांजो बी सद्दया गया तां इक इ आस्सा च हिस्सेदार हुणे रे खातर सद्दया गया।

2 कुरिन्थियों 13:9

ताहली जे अहें कमजोर ये कने तुहें बलबन्त ये, तां अहें खुश ये, कने अहें इसरे खातर इ प्राथना कराँ ये, ताकि तुहांरा स्वाभाव बदलदा जाओ।

1 कुरिन्थियों 12:7

पर सब्बीं जो फायदा दिलाणे खातर हरेक माहणुये जो आत्मा रा प्रकाश दित्या जां।

रोमियो 12:5

तियां इ हलाँकि अहें बौहत सारे, पर मसीह च अहें इक जिस्मा रे रुपा च हुई जायें, इस तरिके ने अहें सारे मसीह विश्वासी इक दुज्जे सौगी जिस्मा रे अंगा साई जुड़ी जायें।

2 कुरिन्थियों 13:11

हुण आखिर च मेरे साथी विश्वासियो, हऊँ तुहांते बिदा लेआं। अपणा व्यवहार ठीक रखा; तियां इ करदे रौआ तियां जे मैं करने जो गलाया; इक्को जेआ सोच्चा; शान्तिया ने रौआ; कने परमेशर सै जे शान्ति कने प्यार देआं तुहांजो सौगी रैहणा।