इफिसियां 3:20 - बिलासपुरी नौआं नियम

²⁰ अहांरी विनती कने सोच्चा ते बधीने परमेशर महान काम्म करने च सामर्थी आ, काँह्भई तिसरा सामर्थ अहांरे अन्दर काम्म करया राँ,

इफिसियां 3:20 Referans Kwoze

2 कुरिन्थियों 9:8

कने परमेशर तुहांजो जरूरता ते जादा देणे च सामर्थी आ, ताकि तुहांले दुज्यां जो देणे खातर जादा ते जादा हूणा।

रोमियो 4:21

तिस्सो पूरा विश्वास था भई परमेशरे सै वायदा जे तिसने कित्या था, तिस्सो पूरा करने च सै पूरी तरह सामर्थी आ।

यहूदा 1:24

परमेशर तुहांजो रुढ़णे ते बचाणे च सक्षम आ, सै तुहांजो निर्दोष कने आनन्द दायक बनाणे च सक्षम आ, ताहली जे सै तुहांजो अपणिया महिमा च तिसरे सामणे खड़ा हुणे खातर ल्यौआं। तिने अहांरे प्रभु यीशु मसीह रे जरिये अहांरा छुटकारा कित्तिरा। महिमा, गौरव, प्राक्रम कने अधिकार वगता रे शुरु ते तिसरा इ हाया कने हुण बी तिसरा इ हाया कने जुगां-जुगां तक तिसरा इ रैहणा। आमीन।

1 कुरिन्थियों 2:9

पर तियां जे पवित्रशास्त्रा च लिखिरा, “सै गल्लां जे किन्हिये नीं देखियां कने किन्हिये नीं सुणियां, कने सै जे अदभुत गल्लां किसी माहणुये नीं समझियां, तिन्हौं परमेशरे अपणे प्यार रखणे औल़यां रे खातर त्यार कित्तिरा।”

इफिसियां 1:19

कने हऊँ ये बी प्राथना कराँ भई तुहें समझी सक्को भई अहां विश्वासियां रे खातर परमेशरा री सामर्थ कितणी महान इ, येई महान सामर्थ

इब्रानियों 7:25

इस खातर सै जे यीशुये रे जरिये परमेशरा ले औयें, सै तिन्हांरा पूरी तरह छुटकारा करी सक्कां, काँह्भई यीशु तिन्हां खातर विनती करने जो हमेशा जीवित आ।

इफिसियां 3:7

परमेशरा रा अनुग्रह कने महान सामर्था रे जरिये मिन्जो खुशखबरिया रा प्रचार करने रे जरिये तिसरी सेवा करने रा मौका दित्या गया।

रोमियो 16:25

हुण सारी महिमा परमेशरा री ओ, सै जे तुहांजो विश्वासा च मजबूत करी सक्कां, तियां जे खुशखबरी बोलां इ। यीशु मसीह रे बारे री ये खुशखबरी अन्यजातियां रे लोकां रे खातर तिसरी योजना परगट कित्तिरी सै जे युगां-युगां ते छुपीरी थी।

कुलुस्सियां 1:29

इसरे खातर हऊँ मसीह री शक्तिया रे मुतावक सै जे माह च सामर्था ने काम्म कराँ इ, तन-मन लाईने मेहणत करी कराँ।

यूहन्ना 10:10

चोर सिर्फ भेड्डां री चोरी करने, कने तिन्हाजो मारने कने तबाह करने खातर औआं; हऊँ इस खातर आया भई सै पूरे तरिके ने जिऊंदा रौ।

याकूब 4:12

व्यवस्था रा देणे औल़ा कने तिसरा न्याय करने औल़ा त इक इ हाया सै जे परमेशर आ, तिस्सो इ बचाणे कने बर्बाद करने रा अधिकार आ। इस खातर तू कुण आ, सै जे अपणे पड़ेसिये पर दोष लगां?

1 तिमुथियुस 1:14

कने अहांरे प्रभुये रा अनुग्रह तिस विश्वास कने प्यारा सौगी सै जे मसीह यीशु चा, बौहत जादा माह पर हुया।

इब्रानियों 11:19

काँह्भई अब्राहम ये समझी चुक्कया था भई परमेशरा च मूईरयां जो जिऊंदा करने री सामर्थ इ; इक तरिके ने तिने इसहाक जो मूईरयां चते जिऊंदा पाया।

2 पतरस 1:11

कने परमेशरा तुहांजो दिला ते राज्जा च स्वागत करना, तित्थी जे यीशु मसीह सै जे अहांरा प्रभु कने अहांरा छुटकारा देणे औल़े सदा खातर राज्ज करना।

मत्ती 3:9

इसा गल़तफैहमिया च मत रौआ भई अब्राहम तुहांरा पिता; काँह्भई हऊँ तुहांजो बोलां भई इन्हां पत्थराँ ते परमेशर अब्राहमा रे खातर बच्चा पैदा करी सक्कां।