इफिसियां 1:6 - बिलासपुरी नौआं नियम

⁶ ताकि अहें तिसरे महान अनुग्रह रे खातर तिसरी प्रशंसा करिये। तिने ये अनुग्रह अहौं अपणे प्यारे पुत्रा च मुफ्ता च दित्तिरा।

इफिसियां 1:6 Referans Kwoze

कुलुस्सियां 1:13

काँह्भई सैई अहांजो शैतान्ना रिया सामर्था ते छुड़ाईने अपणे प्यारे पुत्रा रे राज्जा च ली आया,

इफिसियां 1:12

ताकि अहें यहूदी तिन्हेंजे पैहले ते मसीह च भरोसा कित्या ताकि अहां लोकां रिया वजह ने परमेशरा रिया महिमा री स्तुति हो।

फिलिप्पियां 4:19

कने मसीह यीशुये सै जे कित्या तिसरिया वजह ते मेरे परमेशर तुहांजो अपणे बौहत धना ने सै किछ जे तुहांरी जरूरत इ तिसजो परमेशरा देणा।

मत्ती 3:17

कने स्वर्गा ते इक अवाज़ आई: “ये मेरा प्यारा पुत्र आ, तिसते जे हऊँ बौहत खुश आ।”

1 पतरस 2:9

पर तुहें चुणीरे लोक ये कने याजक ये सै जे राजे साई परमेशरा री सेवा कराँ ये, पवित्र प्रजा कने परमेशरा रे लोक ये। तिने तुहांजो अन्धकारा चते अपणी अदभुत ज्योतिया च सद्दीरा ताकि तुहें तिसरे अदभुत कम्मां रा प्रचार करी सक्को।

फिलिप्पियां 1:11

तियां जे इक पेड़ फल़ देआं तियां इ तुहें यीशु मसीह रिया सामर्था रे जरिये भलयां कम्मां जो करगे, इसच बधदे रौआ तिसते जे परमेशरा री महिमा कने स्तुति हुन्दी रौ।

इफिसियां 1:14

ये पवित्र आत्मा इक ब्यान्ने साई आ सै जे जमाणत देआं भई परमेशर अपणे लोकां रे खातर वायदा कित्ती रियां चीजां जो अहौं देन्गा। ये तिस वगत हूणा ताहली जे परमेशर अपणयां लोकां यनि अहौं पूरे तरिके ने छुटकारा देन्गा। इस रिया बजह ने लोक परमेशरा रिया महिमा री स्तुति करो।

1 पतरस 4:11

तिस्सो जे प्रचार करने रा बरदान मिलीरा तिसजो परमेशरा रा सन्देश प्रचार करना चाहिन्दा। जे तुहांजो दुज्यां री सेवा करने रा बरदान मिलीरा, तां परमेशरा ते पाई रिया सारिया शक्तिया ने ये करा। ताकि सारियां गल्लां च यीशु मसीह रे जरिये परमेशरा री महिमा हो। सारी महिमा कने सामर्थ जुगां-जुगां तक तिसरी इ हाई। आमीन।

2 कुरिन्थियों 5:21

परमेशरे मसीह जो अहांरे पापां रे खातर पाप बल़ि बणाया तिने जे कदीं पाप नीं कित्या, ताकि अहें तिसरे जरिये परमेशरा रे सामणे धर्मी समझे जायें।

2 कुरिन्थियों 4:15

ये सारा किछ तुहांरे खातर इ कित्या गईरा, ताकि परमेशर कितना अनुग्रहकारी आ जादा ते जादा लोक जाणगे, कने बौहत सारे लोक परमेशरा री प्रशंसा कने आदर करगे।

1 पतरस 2:5

तुहें बी जीवित पत्थराँ साई आओ कने आत्मिक घर बनाणे च अप्पूँजो इस्तेमाल करा, तित्थी जे तुहां आत्मिक बलिदान चढ़ाणे खातर पवित्र याजकां साई सेवा करनी, सै जे यीशु मसीह रे जरिये परमेशरा रिया नज़राँ च ग्रहण करने लायक हो।

इफिसियां 1:18

हऊँ परमेशरा ने ये बी प्राथना कराँ भई सै तुहौं सच्चाईया जो समझणे च तुहांरी मदद करगा, भई तुहें तिसा आस्सा जो जाणी लो तिसरे खातर जे तिने तुहांजो सद्दीरा; कने तुहें इसा गल्ला जो जाणो भई सै आशीषां जे परमेशर अपणयां लोकां जो देणे रा वायदा कराँ सै कितणियां महान इ।

रोमियो 8:1

इस खातर हुण सै जे मसीह यीशु पर विश्वास कराँ ए, तिन्हां पर सजा रा कोई हुक्म निआं।

यूहन्ना 10:17

पिता इस खातर माहने प्यार कराँ भई हऊँ अपणी जान देआं भई तिस्सो भीं बापस लेई सक्कूं।

यूहन्ना 3:35

या पिता परमेशर अपणे पुत्रा जो प्यार करां, कने तिने सारा किछ तिसरे अधिकारा च दित्तिरा।

लूका 2:14

स्वर्गा च परमेशरा री बडयाई ओ कने धरतिया पर तिन्हां माहणुआं ते जे परमेशर खुश आ तिन्हां पर सुख-शान्ति ओ।

मत्ती 17:5

सै हल्तियें गल्ल करयां इ कराँ था भई इक चमकदे हुये बद्दल़े सै ढक्कीले, कने बद्दल़ा चते अकाशवाणी हुई : भई “ये मेरा प्यारा पुत्र आ, तिसते जे हऊँ बड़ा खुश आ: इसरी सुणा।”

फिलिप्पियां 3:9

कने हऊँ तिस सौगी पूरी तरह ते इक हुई सक्कूं; कने ये इस खातर नींआ भई मैं व्यवस्था रा पालन कित्या तां परमेशर मेरे धर्मी हुणे री घोषणा कराँ, पर ये मसीह च विश्वास करने रिया वजह ते आ, कने सिर्फ मेरे मसीह च विश्वास करने रिया वजह नेई परमेशरे ये घोषणा कित्ती भई हऊँ धर्मी आ।

इफिसियां 2:7

तिने मसीह यीशुये रे जरिये इस तरिके ने अपणी दया अहां पर दिखाई ताकि औणे औल़े वगता च संसारा रे लोकां देखणा भई तिसरा अनुग्रह कितना महान आ। ये अनुग्रह सब्बीं ते महान आ।

मत्ती 20:9

फेरी सै मजदूर जे पांज्ज बजे ते इक घण्टा पैहले कम्मा पर लगाईरे थे, तां तिन्हांजो इक-इक दिनार मिल्या।