इफिसियां 1:5 - बिलासपुरी नौआं नियम

⁵ काँह्भई परमेशरे अहांने प्यार कित्या इसा बजह ने तिने अहांजो यीशु मसीह रे जरिये अपणा पुत्र हुणे रा दर्जा देईने नियुक्त कित्या, येई तिसरी इच्छा कने तिसरी खुशी थी।

इफिसियां 1:5 Referans Kwoze

इफिसियां 1:11

ये सारियां गल्लां परमेशरा रिया योजना कने फैसले रे मुतावक हुई, कने परमेशरे मसीह च अहौं अपणे लोक हुणे रे खातर अपणिया इच्छा रे मुतावक चुणया, सै जे परमेशरे पैहले तेई तैह करीने रखीरा था।

1 यूहन्ना 3:1

बचार करीने देक्खा, भई परमेशर पिता अहांने केढ़ा प्यार कित्या, भई अहें परमेशरा रे बच्चे बणी सक्को, कने सै सच्चमुच अहें हाये बी ये, इसा वजह ने संसारा रे लोक अहांजो नीं जाणदे, काँह्भई तिन्हें परमेशर पिता जो बी नीं जाणया।

यूहन्ना 1:12

पर जितणयां जे तिस्सो ग्रहण कित्या, तिने तिन्हांजो परमेशरा री सन्तान हुणे रा अधिकार दित्या, यनिके तिन्हांजो सै जे तिस पर विश्वास रखां ये।

रोमियो 8:23

न सिर्फ ये सृष्टि बल्कि अहें बी तिन्हां च जे हुणे औल़ी महिमा रे पैहले ते स्वाद चखणे रे रुपा च पवित्र आत्मा रा निवास आ, खुद अन्दरा ते बिलखां ये; पर हुण परमेशर अहांजो सच्चे बच्चयां साई गोद लेणे रा इन्तजार कराँ, ये तां हूणा ताहली जे तिस अहांरे शरीराँ रा छुटकारा करी देणा।

गलातियां 3:26

यीशु मसीह पर विश्वास करने रे जरिये तुहें सारे परमेशरा री सन्तान ये।

2 कुरिन्थियों 6:18

कने हऊँ तुहांरा पिता हूणा, कने तुहें मेरे बेटे कने बेटियां हुणे। ये सर्वशक्तिमान परमेशरा रा वचन आ।”

प्रकाशितवाक्य 21:7

सै जे जय पाओ सैई तिन्हां चिज़ां रा बारस हूणा; कने मांह तिसरे परमेशर हूणा, कने सै मेरा पुत्र हूणा।

इफिसियां 1:9

परमेशरे अपणिया इच्छा रा भेत भली योजना रे मुतावक अहां पर परगट कित्या, सै जे तिने मसीह च तैह कित्या था।

यूहन्ना 11:52

कने नां सिर्फ तिन्हांरे खातर, पर इस खातर बी भई तिस परमेशरा रे होरीं बच्चयां खातर बी मरना, सै जे धरतिया पर बिखरीरे ताकि सै इक हुईजो।

2 थिस्सलुनीकियां 1:11

इस खातर अहें सदा तुहां खातर प्राथना कराँ ये भई अहांरा परमेशरा तुहांजो अपणिया बुलाहटा रे लायक बणाई दो, कने सै तुहांरे भले काम्म करने री हरेक इच्छा कने तुहांरे विश्वासा रे जरिये कित्तिरे हरेक कम्मां जो अपणिया सामर्था सौगी पूरा करो,

लूका 10:21

तिस इ घड़ी सै पवित्र आत्मा रिया खुशिया च भरी ने बोलणे लगे, “पिता जी, स्वर्ग कने धरतिया रे मालक हऊँ तेरा धन्यवाद कराँ भई तुहें इन्हां लोकां ते ये असलीयत छुपाई ने रखी, सै जे अपणे आप जो चलाक कने बुद्धिमान समझां ये, कने सै जे बच्चयां साई ये तिन्हां पर ये गल्लां परगट कराँ ये। हाँ, पिता, काँह्भई तैं देख्या भई ये ठीक आ।”

1 कुरिन्थियों 1:21

काँह्भई तंजे परमेशरा रे ज्ञाना रे मुतावक संसारे ज्ञाना ते परमेशरा जो नीं जाणया, तां परमेशरा जो ये खरा लगया भई इस प्रचारा रिया मूर्खता रे जरिये विश्वास करने औल़यां जो छुटकारा देओ।

यूहन्ना 20:17

यीशुये तिसाजो गलाया, मेरयां पैराँ ने लिपटी ने मिन्जो मत रोक, काँह्भई हऊँ अजें तक पिता ले नीं गईरा, तू मेरे भाईयां लौ जा, कने तिन्हांजो दस हऊँ अपणे परम पिता कने तुहांरे परम पिता, अपणे परमेशर कने तुहांरे परमेशरा ले जाया रां।

मत्ती 11:26

हाँ, हे पिता, ये इस खातर हुया काँह्भई तिज्जो येई ठीक लगया।

लूका 11:32

फेरी न्याय रे दिन, नीनवे रे लोकां बी इसा पीढ़ियां रे लोकां रे खलाफ उट्ठणा कने तिन्हाजो दोषी बनाणा, काँह्भई योना रे प्रचारा जो सुणीने तिन्हे पाप करना छड्डीते थे। हुण येत्थी येढ़ा कोई हाया, सै जे योना ते बी जादा सामर्थी आ, फेरी भीं ये पीढ़ी तिसरी गल्लां सुणने जो नां कराँ इ।

फिलिप्पियां 2:13

काँह्भई परमेशर इ तुहां च काम्म करया राँ कने सैई तुहौं परमेशरा जो खुश करने री इच्छा कने शक्ति देईराँ।

1 कुरिन्थियों 1:1

हऊँ, पौलुस तुहांजो नमस्कार बोलां, सै जे परमेशरा रिया इच्छा ते यीशु मसीह रा प्रेरित हुणे खातर चुणया गईरा। कने अहांरा साथी विश्वासी सोस्थिनेस बी तुहांजो नमस्कार बोलां।

मत्ती 1:25

कने तदुआं तका जे तिसे मुण्डु नीं जणया, तदुआं तका सै मरियमा ले नीं गया: कने यूसुफे तिस मुण्डुये रा नौं यीशु रखया।

लूका 12:32

“इस खातर भेडां साई भोल़े-भाल़े, मेरे छोट्टे झुण्डा! मता घबरान्दे, काँह्भई तुहांजो स्वार्गा रा राज देणे च पिता परमेशरा जो बड़ा नन्द औआं।

प्रेरितां 13:48

ये सुणी ने अन्यजातियां खुशी हुये, कने परमेशरा रे वचना री बडयाई करने लगे कने जितने अनन्त जीवना खातर ठहराईरे थे, तिन्हें विश्वास कित्या।

कुलुस्सियां 1:19

काँह्भई पिता परमेशरा री खुशी इस ची भई परमेशरा रा सारा स्वाभाव मसीह च वास कराँ।

इब्रानियों 2:4

परमेशरे बी चिन्ह कने अदभुत काम्म कने कई किस्मा रे सामर्था रे कम्मां रे जरिये कने अपणिया इच्छा रे मुतावक लोकां जो पवित्र आत्मा रे जरिये बरदान देईने ये साबित कित्या।