इफिसियां 1:23 - बिलासपुरी नौआं नियम

²³ कलीसिया मसीह री देह इ, कने कलीसिया मसीह रे जरिये ही परिपूर्ण इ, सै जे सारियां जगहां च सब किछ अपणिया मौजूदगिया च पूरा कराँ।

इफिसियां 1:23 Referans Kwoze

यूहन्ना 1:16

तिसरिया दया री परिपूर्णता ते अहें सब्बीं आशीषां पर आशीष पाई।

इफिसियां 4:12

ताकि सै परमेशरा रे लोकां जो तिसरी सेवा करने रे खातर त्यार करी सक्को तिसते जे मसीह रा शरीर यनि कलीसिया होर बी मजबूत हुईजो।

इफिसियां 3:19

कने तुहें मसीह रे तिस प्यारा जो जाणी सक्को सै जे हरेक किस्मा रे ज्ञाना ते ऊपर आ, ताकि तुहांरा चाल-चलण परमेशरा रे चाल-चलना साई बणी सक्को।

इफिसियां 4:10

सै जे हेठ उतरी रा था, ये सैई हाया, सै जे ऊपर बी चढ़ीरा था इतणे ऊपर भई स्वर्गा च सब्बींते ऊच्चिया पदबिया पर, ताकि सै सारिया सृष्टिया जो अपणिया मौजूदगिया ने भरी दो।

1 कुरिन्थियों 15:28

कने ताहली जे सब किछ तिसरे अधीन हुई जाणा, तां पुत्रा बी खुद तिसरे अधीन हुई जाणा तिने जे सब किछ तिसरे अधीन करित्या; ताकि सब्बीं च परमेशर इ सब किछ ओ।

कुलुस्सियां 1:24

मिन्जो इसा गल्ला री खुशी भई हुण हऊँ तुहांरे खातर दुख सैई सकूँ, कने तियां जे मसीह दुख सैया, तियां इ हऊँ बी खुशिया ने तिन्हां सारयां दुखां जो कलीसिया रे फायदे रे खातर अपणे शरीरा च सैयां सै जे जरूरी ये, ताकि कलीसिया री मदद करी सकूँ सै जे मसीह रे शरीरा साई आ।

कुलुस्सियां 3:15

तुहांरे दिलां पर मसीह री शान्ति राज करो, काँह्भई तुहें सारे इक्की शरीरा रा हिस्सा ये; इस खातर इक्की दूये सौगी तुहें शाँतिया ने रैहणे रे खातर सद्दीरे। कने सदा परमेशरा रा धन्यवाद करदे रौआ।

कुलुस्सियां 3:11

तिसच नांत यूनानी रैया, नां यहूदी, नां खतना, नां खतने ते बगैर, नां विदेशी कने नां असभ्य, नां दास कने इक अजाद माहणुये च कोई फर्क आ: सिर्फ मसीह सब किछ आ कने सारे विश्वासियां च तिसरा इ वास आ।

इफिसियां 2:16

कने क्रूसा पर अपणी मौता रे जरिये बैर रा नाश करीने दुईं जो इक शरीर बणाईने परमेशरा ने मेल़ करवाया।

1 कुरिन्थियों 12:6

कने प्रभावा औल़े काम्म कईयां किस्मा रे, पर परमेशर इक इ हाया, सै जे सब्बीं च हर किस्मा रा प्रभाव पैदा कराँ।

रोमियो 13:5

इस खातर राजे रे प्रति तुहांरा समर्पण जरूरी आ, ये समर्पण सजा ते डरीने नीं हूणा चाहिन्दा, पर तुहांरिया आत्मा रिया गहराईया ने हूणा चाहिन्दा।

इफिसियां 4:4

जिस्म इक आ कने पवित्र आत्मा बी इक आ, इयां इ ताहली जे तुहांजो बी सद्दया गया तां इक इ आस्सा च हिस्सेदार हुणे रे खातर सद्दया गया।

इफिसियां 3:10

तिसरा मकसद था भई सै हुण कलीसिया रे जरिये परमेशरा रे कई तरह रे ज्ञाना जो तिन्हां प्रधानां कने अधिकारियां जो परगट करे सै जे स्वर्गा रिया जगहां चे।

इफिसियां 4:13

ये तदुआं तक हुन्दा रैहणा तदुआं तक जे अहें अहांरे विश्वास कने परमेशरा रे पुत्रा रे ज्ञाना रे जरिये इक नीं हुईजो। फेरी अहां तियां परिपक्व हूणा तियां जे मसीह आ, कने अहां पूरे तरिके ने तिस साई हूणा।