इफिसियां 1:15 - बिलासपुरी नौआं नियम

¹⁵ इसा वजह ने, हऊँ बी तिस विश्वासा जो सै जे तुहां लोकां च प्रभु यीशुये पर आ कने सारे पवित्र लोकां रे प्रति तुहांरे प्यारा री खबर सुणीने,

इफिसियां 1:15 Referans Kwoze

फिलेमोन 1:5

काँह्भई हऊँ प्रभु यीशुये च तेरा विश्वास कने परमेशरा रे लोकां ते तेरे प्यारा रे बारे च सुणां।

इब्रानियों 6:10

काँह्भई परमेशर अन्याई निआं भई तुहांरे काम्म, कने तिस प्यारा जो भुल्ली जाओ, सै जे तुहें तिसरे लोकां री मदद करने रे जरिये तिसरे खातर दस्या। कने परमेशर याद करगा भई तुहें हुण बी लोकां री मदद करया राँये।

2 थिस्सलुनीकियां 1:3

अहांरे साथी विश्वासियो, तुहांरे खातर अहांजो लगातार परमेशरा रा धन्यवाद करना चाहिन्दा, कने ये ठीक बी आ, काँह्भई मसीह च तुहांरा विश्वास बौहत बधदा जाया राँ, कने तुहांरा प्यार इक्की दूये रे प्रति बधदा जाया राँ।

1 यूहन्ना 4:21

कने मसीह ते अहांजो ये हुक्म मिलया भई सै जे कोई परमेशरा ने प्यार रक्खां, सै अपणे साथी विश्वासिये ने बी प्यार रक्खां।

1 यूहन्ना 3:17

पर जिस किसी ले संसारिक धन-दौलत हो कने सै अपणे साथी विश्वासिये जो जरूरत मन्द देखीने तिस पर तरस नीं खाओ, तां तिसच परमेशरा रा प्यार कियां बणीने रैई सक्कां?

1 पतरस 1:22

हुण तुहें सच्चाईया जो मनदे हुये अप्पूँजो परमेशरा रे जरिये पवित्र करील्या, ताकि तुहांरा प्यार साथी विश्वासियां रे प्रति सच्चा हो। कने लगातार इक्की दुज्जे जो दिला ते प्यार करा,

1 तिमुथियुस 1:14

कने अहांरे प्रभुये रा अनुग्रह तिस विश्वास कने प्यारा सौगी सै जे मसीह यीशु चा, बौहत जादा माह पर हुया।

1 तिमुथियुस 1:5

तिज्जो ये हुक्म देणे रा मेरा मकसद येआ भई तू इक्की दूये जो साफ दिला ते कने शुद्ध अन्तरात्मा ने कने बिणा कपटा औल़े विश्वासा ते प्रेम करगा।

1 थिस्सलुनीकियां 4:9

पर अहौं तुहांजो इक दूये विश्वासी भाईयां ने प्रेम करने रे महत्व रे बारे च लिखणे री जरूरत नीं, काँह्भई परमेशरे खुद इक दूये ने प्रेम करने रे खातर तुहांजो सखाईरा।

1 थिस्सलुनीकियां 1:3

कने ताहली जे अहें अपणे परमेशर कने पिता ने प्राथना कराँ ये तां अहें सदा तुहांरे तिन्हां कम्मां जो आद कराँ ये तिन्हांजो जे तुहें विश्वासा रिया वजह ने कराँ ये। कने तुहें साथी विश्वासियां री मदद करने खातर लगना ने काम्म कराँ ये काँह्भई तुहें तिन्हांने प्रेम कराँ ये, कने तुहें दुख सैया यें काँह्भई अहांरे प्रभु यीशु मसीह रे वापस औणे री आशा रखां ये, इन्हां सारियां गल्लां जो अहें हमेशा याद कराँ ये।

गलातियां 5:6

जे तुहें मसीह यीशुये रे चेले हो, तां चाये तुहें खतना या बगैर खतने औल़े हो इसरा कोई फर्क नीं पौन्दा, पर मसीह पर विश्वास करना इ मायना रखां सै जे परमेशर कने दुज्यां लोकां रे परति प्यारा रे जरिये दिखां।

प्रेरितां 20:21

पर यहूदी कने यूनानी लोकां रे सामणे गवाही देन्दा रैया भई परमेशरा खौ मन फिरावा कने अहांरे प्रभु यीशु मसीह पर विश्वास करना चाहिन्दा।

रोमियो 1:8

सब्बीं ते पैहले हऊँ तुहां सबनीं रे खातर यीशु मसीह रे जरिये अपणे परमेशरा रा धन्यवाद कराँ, काँह्भई मसीह पर तुहांरे विश्वासा री चर्चा सारे संसारा रे लोकां च हुया राईं।

इफिसियां 1:1

हऊँ, पौलुस परमेशरा रिया इच्छा रे जरिये यीशु मसीह रा प्रेरित आ। हऊँ ये चिट्ठी इफिसुस नगरा च रैहणे औल़े पवित्र लोकां कने यीशु मसीह रे सच्चे विश्वासियां जो लिखिराँ।

इफिसियां 3:18

ताकि तुहांजो सारयां पवित्र लोकां रे सौगी ये समझणे री शक्ति मिली जाओ भई मसीह रे प्यारा री लम्वाई, कने चौड़ाई, कने उंचाई, कने गहराई कितणी।