कुलुस्सियां 4:3 - बिलासपुरी नौआं नियम

³ कने इस सौगी अहांरे खातर बी प्राथना करा भई परमेशर अहांरे खातर वचन सुणने रा येढ़ा अवसर देई दो, भई अहें मसीह रे तिस भेदा रा बखान करी सक्को तिसरिया वजह ने जे हऊँ कैदा चा,

कुलुस्सियां 4:3 Referans Kwoze

प्रेरितां 14:27

तित्थी पुज्जी ने तिन्हें कलीसिया रे लोकां जो कट्ठा कित्या कने दस्या भई परमेशरे तिन्हां सौगी हुईने कितणे बड्डे-बड्डे काम्म कित्ते, कने परमेशरे अन्यजाति लोकां जो कियां यीशु मसीह पर विश्वास करने रे लायक बणाया।

कुलुस्सियां 1:26

परमेशरे इस भेता जो तिन्हां सारयां लोकां ते सै जे पैहले थे छुपाई ने रखीरा था, पर हुण परमेशरे अपणे पवित्र लोकां पर परगट कित्या।

2 कुरिन्थियों 2:12

ताहली जे हऊँ त्रोआस नगरा च मसीह रिया खुशखबरिया रा प्रचार करने आया, तां तित्थी प्रभुये मिन्जो प्रचार करने रा मौका दित्या था।

2 तिमुथियुस 2:9

तिसरे खातर जे हऊँ अपराधिये साई दुख सैया राँ, येत्थी तक भई हऊँ जंजीरा च जकड़ी रा। पर कोई बी माहणु लोकां जो परमेशरा रे वचना रा प्रचार करने ते रोकी नीं सकदा।

फिलिप्पियां 1:7

मेरे खातर ये ठीक आ भई हऊँ तुहांरे बारे च ये सोच्चूँ, काँह्भई हऊँ तुहांजो बौहत प्रेम कराँ। काँह्भई चाहे हऊँ कैदा चा, चाहे खुशखबरिया रिया सच्चाई री फाजत करया राँ, चाहे खुशखबरिया जो प्रमाणित करया राँ, तिसच तुहें सारे मेरे सौगी परमेशरा रे अनुग्रह च हिस्सेदार ए।

इफिसियां 4:1

इस खातर हऊँ सै जे प्रभुये री सेवा रे खातर कैदी आ, तुहां लोकां ने विनती कराँ भई तुहौं परमेशरे तियां जे जीणे खातर सद्दीरा तिस तरिके ने जीआ।

1 कुरिन्थियों 16:9

काँह्भई येत्थी प्रभावशाली कम्मा रे खातर मिन्जो सही मौका मिलीरा, पर मेरा बिरोध करने औल़े बौहत लोक ये।

1 कुरिन्थियों 4:1

तां माहणु अहौं मसीह रे सेवक कने परमेशरा रे भेतां रे भण्डारी समझो।

1 थिस्सलुनीकियां 5:25

साथी विश्ववासियो, अहां खातर प्राथना करो।

मत्ती 13:11

तिने जबाब दित्या, तुहांजो परमेशरा रे राज्जा री छुपी रियां गल्लां जो समझणे री अक्कल दित्तिरी, पर तिन्हांजो नीं।

फिलेमोन 1:22

होर इक गल्ल येई: मेरे रैहणे खातर अपणे घरें जगह त्यार कर, काँह्भई मिन्जो आशा इ भई परमेशरा तुहांरियां प्राथनां रा जबाब देणा कने तुहांले फेरी भीं औणे खातर इजाज़त देंगा।

फिलिप्पियां 1:19

काँह्भई हऊँ जाणाँ भई तुहांरियां प्राथनां रे जरिये कने तिसा पवित्र आत्मा रिया सहायता ते तिसजो जे यीशु मसीह भेज्या मेरा छुटकारा हूणा।

2 तिमुथियुस 1:16

उनेसिफुरुस रे परिवारा पर प्रभु दया करो, काँह्भई तिने बौहत बार मिन्जो सुख दित्तिरा, कने सै मेरे जेल्ला च रैहणे ते शर्माया निआं।

इफिसियां 3:1

इस खातर हऊँ पौलुस तुहांरे खातर प्राथना कराँ, कने तुहां अन्यजातियां रे खातर मसीह यीशुये री सेवा करने रिया वजह ते कैदी बणया।

रोमियो 16:25

हुण सारी महिमा परमेशरा री ओ, सै जे तुहांजो विश्वासा च मजबूत करी सक्कां, तियां जे खुशखबरी बोलां इ। यीशु मसीह रे बारे री ये खुशखबरी अन्यजातियां रे लोकां रे खातर तिसरी योजना परगट कित्तिरी सै जे युगां-युगां ते छुपीरी थी।

इफिसियां 3:3

भई सै भेत जे परमेशरे दर्शणा रे जरिये माह पर परगट कित्या, तिस्सो हऊँ तुहांजो थोड़ियां गल्लां च लिखी चुक्कीरा।

इफिसियां 3:4

कने जे तुहें तिस्सो पढ़गे तां जाणी सक्कां ये भई हऊँ मसीह रा सै भेत किति तक समझां।

इफिसियां 3:9

भई हऊँ सारयां लोकां पर ये परगट करी सक्कूँ भई कियां परमेशरे अपणिया छुपी रिया योजना जो पूरा कित्या, सै जे युगां ते परमेशरा च छिपिरा था तिने जे सब किछ बणाईरा।

कुलुस्सियां 4:18

मेरा यनि पौलुसा रा अपणे हत्था रा लिखिरा नमस्कार। याद रखयां हऊँ जेल्ला चा, परमेशरा रा अनुग्रह तुहांजो सौगी रौओ। आमीन।

2 तिमुथियुस 4:2

भई तू परमेशरा रे वचना रा प्रचार कर हालात चाये ठीक हो या नीं हो वचन प्रचार करने खातर त्यार रै। तिज्जो लोकां जो ये दसणा जरूरी आ भई तिन्हें क्या गल़ती कित्तिरी कने तू तिन्हांरे पापां रे खातर तिन्हौं डान्ट। पर तिज्जो लोकां जो हौंसला बी देणा चाहिन्दा तियां जे तू धीरजा ने तिन्हांजो शिक्षा देआं।