कुलुस्सियां 4:11 - बिलासपुरी नौआं नियम

¹¹ युसतुस रे नौआं ते जाणयां जाणे औल़े यीशुये रा बी तुहांजो नमस्कार हो। यहूदी विश्वासियां चते परमेशरा रे राज्जा खातर मेरे सौगी काम्म करने औल़े सिर्फ ये तिन्न माहणु ये कने इन्हा रिया वजह ने मिन्जो बौहत जादा तसल्ली मिली।

कुलुस्सियां 4:11 Referans Kwoze

प्रेरितां 11:2

इस खातर तां जे पतरस यरूशलेम च आया, तां खतना कित्तिरे लोक तिसने बहस-बाजी करने लगे,

फिलेमोन 1:1

हऊँ पौलुस, ये चिट्ठी लिखिराँ, कने हुण हऊँ जेल्ला चा, काँह्भई हऊँ मसीह यीशुये रे बारे च प्रचार कराँ। हऊँ कने अहांरे साथी विश्वासी तिमुथियुस अहांरे प्यारे मित्र कने अहां सौगी काम्म करने औल़े फिलेमोन तिज्जो नमस्कार।

तीतुस 1:10

हऊँ इस खातर ये बोलां काँह्भई बौहत सारे लोक तिस समूहा चते सै जे ये दवाव पांये भई सारे मसीह लोकां रा खतना हूणा जरूरी आ, ये लोक अधिकारियां रा आदर नीं करदे, कने अपणी बकवास गल्लां ते दुज्यां लोकां जो धोखा देआंये।

कुलुस्सियां 4:7

अहांरा प्यारा विश्वासी, तुखिकुस सै जे इक बफादार सेवक आ, कने सै जे अहां सौगी प्रभुये री सेवा कराँ, मेरी सारी गल्लां तुहांजो दस्सी देन्गा।

2 कुरिन्थियों 6:1

परमेशरा सौगी काम्म करने रे नाते अहें तुहां लोकां ने बिनती कराँ ये भई परमेशरा रा सै अनुग्रह जे तुहांजो मिलीरा, तिस्सो बेकार नीं जाणे देआ।

रोमियो 4:12

अब्राहम खतना औल़यां रा बी आत्मिक पिता, पर तिन्हारा बी आ जे सै परमेशरा पर विश्वास करीने अहांरे पूर्वज अब्राहमा साई जीवन बितायें, तियां जे सै खतने ते पैहले जीया था।

प्रेरितां 10:45

कने जितने यहूदी विश्वासी पतरसा ने सौगी आईरे थे, सै सब हैरान हुये भई अन्यजातियां परा बी पवित्र आत्मा रा दान मिलया राँ।

फिलेमोन 1:24

कने मरकुस, अरिस्तर्खुस, देमास कने लूका सै जे मेरे सौगी प्रभुये रा काम्म कराँ ये, इन्हां सब्बीं रा तिज्जो नमस्कार।

1 थिस्सलुनीकियां 3:7

इस खातर हे भाईयो, अहांरी सारी पीड़ां कने दुखां च तुहांरे बारे च सुणीने भई तुहें विश्वासा च मजबूत ये अहांजो बड़ा हौंसला मिलया था।

1 थिस्सलुनीकियां 3:2

कने अहें तिमुथियुस जो, सै जे मसीह रिया खुशखबरिया च अहांरा भाई आ कने परमेशरा रा सेवक आ, इस खातर तिस्सो तुहांले भेज्या भई सै तुहांजो मजबूत करने कने विश्वासा रे बारे च समझाई सक्को।

फिलिप्पियां 4:3

मेरे सच्चे साथी सन्तुखे तेरेने बी मेरी विनती भई इन्हां जनानां री मदद करयां, ये क्लेमेंस कने मेरे दुज्जे साथियां समेत खुशखबरी फैलाणे च मेरे सौगी जुटी रियां रैईयां, तिन्हांरे नौं जे जीवना रिया कताबा च लिखिरे।

इफिसियां 2:11

इस खातर याद करा, भई तुहें लोक सै जे जन्मा ते अन्यजाति ये तिन्हौं यहूदी लोक नफरत करीने बगैर खतने औल़े बोलां ये, पर खतना माहणुआं रे जरिये शरीरा च कित्या जां।

रोमियो 16:3

प्रिस्का कने अक्विला जो मेरी नमस्ते। सै यीशु मसीह च मेरे सहकर्मी ये।