कुलुस्सियां 3:25 - बिलासपुरी नौआं नियम

²⁵ काँह्भई सै जे बुरा कर्म करदा रैयां, तिसजो परमेशरा सजा देणी, काँह्भई परमेशर न्याय करदे वगत किसी रा पक्षपाता नीं करदा।

कुलुस्सियां 3:25 Referans Kwoze

प्रेरितां 10:34

तां पतरसे गलाया हुण हऊँ पक्का जाणी गया भई परमेशर किसी ने भेद-भाव नीं करदा,

रोमियो 2:11

काँह्भई परमेशर सबनीं लोकां जो इक्को जेआ देक्खां।

2 कुरिन्थियों 5:10

अहें सारयां धरतिया पर रैईने सै जे किछ भला या बुरा काम्म कित्या, तिसरा फल़ पाणे रे खातर मसीह रे न्याय आसणा रे सामणे जरूर हाजर हुणे पौणा।

1 थिस्सलुनीकियां 4:6

भई इसा गल्ला च कोई अपणे विश्वासी भाईये रे बरोधा च पाप नीं करो, कने नां तिसरा गल़त फायदा लौ, काँह्भई प्रभु यीशुये तिन्हां सारयां जो सजा देणी सै जे इस तरिके रे काम्म कराँ ये; तियां जे भई अहें तुहां लोकां जो साफ शब्दां च समझाई चुक्कीरे।

1 पतरस 1:17

जे तुहें परमेशरा जो पिता बोल्लीने प्राथना कराँ ये सै जे बिणा तरफदारिया ते कित्तिरे हर इक्की रे कम्मां जो देखीने इन्साफ कराँ, तां इस संसारा च इक परदेसिये साई जींदे हुये तिसरा आदर करदे हुये अपणा जीवन बितावा।

इफिसियां 6:9

इस तरिके ने अरे मालको, अपणेयां सेबकां ने अच्छा बर्ताव करा। तिन्हौं धमकी मत देआ, काँह्भई ये तुहें जाणाँ ये भई तिन्हांरा कने तुहांरा दुईं रा मालक स्वर्गा चा कने सै किसी ने भेदभाव नीं करदा।

इब्रानियों 2:2

काँह्भई सै जे सन्देश परमेशरे स्वर्गदूतां रे जरिये बोल्या था, सै सच्चा साबित हुया कने हरेक अपराध कने हुक्मां जो नीं मनणे औल़े जो सजा मिली,

कुलुस्सियां 4:1

मालको, तुहें अपणे-अपणे दास्सां ने न्याय कने ठीक-ठीक बर्ताव करा, याद रखा स्वर्गा च तुहांरा बी कोई मालक आ।

लूका 20:21

तिन्हे जासूसें गलाया, “गुरू जी, अहें जाणाँ ये भई तू ठीक बोलां कने सखां बी आ, कने न त किसी ने कोई भेदभाव रक्खां, पर तुहें सच्चाईया ने परमेशरा रा रस्ता दस्सां ये।

यहूदा 1:16

ये लोक लगातार कुड़कुड़ां ये कने शिकायत कराँ ये; सै अपणियां बुरियां इच्छां रे मुतावक चलां ये कने सै अपणे बारे च घमण्ड कराँ ये कने अपणे फायदे रे खातर लोकां री चापलुसी कराँ ये।

फिलेमोन 1:18

जे तिने तेरा कोई बी नुक्शान कित्तिरा, या तिस पर तेरा कोई कर्ज आ; तां तिस्सो मेरे नौआं ते लिखी ले।

मत्ती 16:27

माहणुये रा पुत्र स्वर्गदूतां सौगी अपणे पिता रिया महिमा च औणे औल़ा, तिसजे हर किसी जो तिसरे कर्मां रे मुतावक ईनाम देणा।

इफिसियां 6:8

काँह्भई तुहें जाणाँ ये भई हरेक माहणु चाहे सै दास हो या अजाद, जो बी भलाई करगा, तिसरा ईनाम तिस्सो प्रभुये देणा।

2 थिस्सलुनीकियां 1:6

काँह्भई परमेशर सदा धार्मिकता ने न्याय करां, तिस तिन्हां लोकां पर दुख ल्यौणा तिन्हेंजे तुहांजो दुख दित्तिरा।