कुलुस्सियां 3:23 - बिलासपुरी नौआं नियम

²³ सै जे किछ तुहें कराँ ये, अपणे सारे मना ने करा, ये समझीने नीं भई तुहें तिस्सो लोकां रे खातर बल्कि प्रभुरे खातर करी रायें।

कुलुस्सियां 3:23 Referans Kwoze

कुलुस्सियां 3:17

वचना च या कम्मां च जो किछ बी करो सब प्रभु यीशुये रे नौआं ते करा, कने तिसरे इ जरिये हर बगत पिता परमेशरा जो धन्यवाद देन्दे रौआ।

रोमियो 14:8

जे अहें जिऊंदा ये, तां प्रभुये खातर जिऊंदा ये; कने जे मराँ ए, तां बी प्रभुरे खातर मराँ ए; इस खातर चाए जिऊए या मरें पर अहें हाये त प्रभुरे इ।

1 पतरस 2:15

काँह्भई परमेशरा री इच्छा येई ताकि तुहें भले काम्म करने ते बेअक्कल लोकां री अज्ञानता रियां गल्लां जो बन्द करी देआ सै जे तुहांरे खिलाफ कराँ ये।

1 पतरस 2:13

प्रभुये जो आदर देणे रे खातर तुहांजो इस संसारा रे सारे अधिकारियां जो मनणा चाहिन्दा : राजे जो बी सै जे सब्बींते बड्डा अधिकारी आ,

1 पतरस 1:22

हुण तुहें सच्चाईया जो मनदे हुये अप्पूँजो परमेशरा रे जरिये पवित्र करील्या, ताकि तुहांरा प्यार साथी विश्वासियां रे प्रति सच्चा हो। कने लगातार इक्की दुज्जे जो दिला ते प्यार करा,

रोमियो 14:6

सै जे किसी खास दिना जो मन्नां सै तिस्सो प्रभुये जो आदर देणे खातर इ मन्नां। कने सै जे सब किछ खां, सै बी प्रभुये जो आदर देणे खातर इ खां, काँह्भई सै तिस खाणे रे खातर प्रभुये रा धन्यवाद कराँ। कने सै जे नीं खान्दा, सै बी येढ़ा इस खातर कराँ, काँह्भई सै बी प्रभुये जोई आदर देणा चाँह, काँह्भई सै बी परमेशरा जोई धन्यवाद देआं।

मत्ती 6:16

“ताहली जे तुहें उपवास करो, तां तुहांरे मुँह कपटियां साई उदास नीं हुणे चाहिन्दे, काँह्भई सै अपणा मुँह बणाईने रखां ये, ताकि सै लोकां जो जतलाई सक्को भई अहें उपवास करी रायें। हऊँ तुहांजो सच्च बोलां भई सै अपणा ईनाम पाई बैट्ठे।

इफिसियां 5:22

अरे पत्नियो, अपणे-अपणे पतियां रे प्रति इयां समर्पित रौआ, तियां जे तुहें प्रभुये जो समर्पित हुआं इयां।