कुलुस्सियां 3:22 - बिलासपुरी नौआं नियम

²² सेबको, अपणे-अपणे संसारिक स्वामियां री सारी गल्लां रा पालन करा, सिर्फ लोकां जो खुश करने रे खातर तिस इ बगत नीं ताहली जे सै देक्खी रायें, बल्कि सच्चे मना ने तिसरी मन्ना, काँह्भई तुहें प्रभुरा आदर कराँ ये।

कुलुस्सियां 3:22 Referans Kwoze

गलातियां 1:10

साफ तौर पर, हऊँ लोकां जो खुश करने री कोशिश नीं करदा, पर परमेशरा जो खुश करना चाँह। हकीकत च हऊँ लोकां जो खुश नीं करना चाहन्दा, जे हऊँ हुण तक लोकां जोई खुश करदा रैहन्दा, तां हऊँ मसीह रा सेवक नीं हुन्दा।

1 थिस्सलुनीकियां 2:4

पर तियां जे परमेशरे अहांजो लायक समझीने खुशखबरी सौंपी, इस खातर अहें माहणुआं जो नीं, पर अहांरे मना जो परखणे औल़े परमेशरा जो खुश करने रे खातर उपदेश देआंये।

कुलुस्सियां 3:20

बालको, सारियां गल्लां च अपणे माता-पिता री आज्ञा रा पालन करा, काँह्भई प्रभु इसते खुश हुआं।

लूका 6:46

“तां जे तुहें मेरा बोल इ नीं मनदे, तां काँह मिन्जो; ‘हे प्रभु, हे प्रभु,’ बोल्लां ये?

फिलेमोन 1:16

पर हुण ते सै सिर्फ तेरा दास इ नीं हूणा वल्कि दास्सा ते बी बधी नेआ, काँह्भई हुण सै मसीह च प्यारा साथी विश्वासी आ। हऊँ तिस्सो बौहत प्यार कराँ, पर तिज्जो तिसने होर बी जादा प्यार करना चाहिन्दा, काँह्भई सै तेरा दास आ कने प्रभुये च तेरा साथी विश्वासी बी आ।

2 कुरिन्थियों 7:1

मेरे प्यारे मित्रो, काँह्भई परमेशरे अहांने ये वायदे कित्तिरे, इस खातर औआ सै जे किछ अहांरे शरीरा कने आत्मा जो अपवित्र कराँ तिसजो धोई देईये, कने परमेशरा रा आदर करदे हुये पूरे तरिके ने पवित्र जीवन जीओ।

प्रेरितां 2:46

पैहलके दिनां च सारे विश्वासी लोक हर रोज़ इक मन हुईने मन्दरा च कट्ठे हुआं थे, कने घरा-घरा रोटी तोड़दे हुये खुशिया ने कने साफ मना ने रोटी खां थे,

लूका 7:8

हऊँ बी किसी रे अधीन काम्म कराँ; कने सिपाई मेरे हुक्मा रा पालन कराँ ये, कने ताहली जे इक्की जो बोलां, ‘जा,’ तां सै ‘जां,’ कने दुज्जे जो औणे जो बोलां भई ‘औ,’ तां सै औआं; कने अपणे किसी दास्सा जो भई ‘ये कर,’ तां सै तिस्सो कराँ।”

मत्ती 8:9

हऊँ ये जाणाँ काँह्भई हऊँ बी किसी रे अधीन काम्म कराँ; कने मेरे अधीन सिपाई मेरे हुक्मा रा पालन कराँ ये, कने ताहली जे इक्की जो बोलां, ‘जा,’ तां सै ‘जां,’ कने दुज्जे जो बोलां भई ‘औ’ तां सै औआं; कने अपणे किसी दास्सा ने बोलूं भई ये कर, तां सै तिस्सो कराँ।”

मत्ती 6:22

“तुहांरियां आक्खीं तुहांरे शरीरा खातर दिऊए साई आं: काँह्भई ये तुहांजो हर चीज़ देखणे च काविल बणां इयां, (जे ये स्वास्थ ईं कने देक्खी सक्कां इयां) जे तू चिज़ां जो तियां देक्खी सक्कां तियां जे परमेशर देक्खां, तां तुहांरे सारे शरीरा बी ठीक ढंगा ने काम्म करना।