कुलुस्सियां 2:2 - बिलासपुरी नौआं नियम

² ताकि तिन्हांरे मनां जो तसल्ली मिलो कने सै अप्पूँ चियें प्यारा ने इक हुईने रौ, कने हऊँ चाँह भई तिन्हां लोकां रा पूरा भरोसा ओ, काँह्भई सै परमेशरा रिया योजनां रा भेत पूरे तरिके ने समझी सक्को, सै जे खुद मसीह आ।

कुलुस्सियां 2:2 Referans Kwoze

कुलुस्सियां 1:27

परमेशरे अपणयां लोकां जो ये परगट करने रा फैसला कित्या भई तिसरी योजना होरीं जातियां रे लोकां खातर सही माईने च कितणी अदभुत इ, कने मसीह तुहां च वास कराँ ताकि तुहें भरोसे सौगी स्वर्गा च परमेशरा री महिमा च भागीदार हुई सक्को।

कुलुस्सियां 4:8

हऊँ तिस्सो तुहांले इस खातर भेज्जी राँ, भई तुहांजो तिसते अहांरे सारे हालचाला रा पता चली जाओ, ताकि सै तुहांरे विश्वासा च तुहांजो मजबूत करी सक्को।

इफिसियां 6:22

इसी वजह ने मैं तिस्सो तुहांले भेज्या राँ, भई तुहें अहांरी हालत जाणो कने सै तुहांजो हौंसला देई सक्को।

कुलुस्सियां 3:14

इन्हां गल्लां ते बधीने प्यार इ सब्बीं ते खास आ, सै जे सब्बीं जो पूरे तरिके ने जोड़ां।

रोमियो 16:25

हुण सारी महिमा परमेशरा री ओ, सै जे तुहांजो विश्वासा च मजबूत करी सक्कां, तियां जे खुशखबरी बोलां इ। यीशु मसीह रे बारे री ये खुशखबरी अन्यजातियां रे लोकां रे खातर तिसरी योजना परगट कित्तिरी सै जे युगां-युगां ते छुपीरी थी।

फिलिप्पियां 3:8

होर बी जादा, हऊँ समझां भई तिस सब्बीं किजि री कोई कीमत नीं काँह्भई ताहली जे हऊँ इसरी तुलना जादा कीमता ने कराँ सै जे यीशु मसीह जो मेरा प्रभु बोलीने जाणना। तिसरिया वजह ने हऊँ सब किछ त्यागी चुक्कीरा कने हऊँ तिन्हांजो कूड़ा समझां ताकि हऊँ मसीह रा हुई सक्कूँ।

फिलिप्पियां 2:1

जे मसीह च तुहांरा कोई उत्साह हया, कने जे तिसरे प्यारा ते कोई सुख आ, जे पवित्र आत्मा सौगी तुहांरी संगती हई, कने जे मसीह तुहांरे प्रति कोई करुणा कने दया दस्सी,

2 पतरस 1:3

परमेशरा री अलौकिक सामर्थे अहांजो सब किछ दित्या, धार्मिक जीवन जीणे री तिसरी जे अहांजो जरूरत इ। ये हुई सक्कां, काँह्भई अहें परमेशरा जो जाणाँ ये, सैई हाया तिने जे अहांजो अपणी महिमा कने अच्छे गुणां च शामिल हुणे खातर सद्दीरा।

रोमियो 15:13

सारियां आशां रा देणे औल़ा परमेशर तुहांजो बड़े आनन्द कने शान्तिया ने भरी दो, तियां जे भई तिसच तुहांरा विश्वास आ, ताकि पवित्र आत्मा रिया सामर्था ते तुहें आशा ने भरी जाओ।

यूहन्ना 10:30

हऊँ कने मेरा पिता इक ये।”

यूहन्ना 6:69

कने अहें तूह पर विश्वास कित्या कने ये जाणीगे भई परमेशरा रा पवित्र पुत्र तूई हाया।”

इब्रानियों 10:22

इस खातर औआ, अहें सच्चे दिला ने कने पूरे विश्वासा ने, अन्तरात्मा रे दोषा जो दूर करदे हुये, शुद्ध दिला ने कने अपणे शरीरा जो शुद्ध पाणिये ने धोकर परमेशरा रे सामणे जाईये।

1 तिमुथियुस 3:16

इसच शक निआं भई अहांरे विश्वासा च महान भेत आ : मसीह सै जे माहणु बणीने आया, पवित्र आत्मे दिखाया भई सै सच्चमुच परमेशरा रा पुत्र था, स्वर्गदूतें तिसजो देख्या, सारी जातियां रे लोकां च तिसरे बारे रा प्रचार हुया, संसारा रे लोकें तिस पर विश्वास कित्या, कने परमेशर तिस्सो स्वर्गा च लेईग्या।

इब्रानियों 6:11

अहांरी ये बौहत इच्छा इ भई तुहें तदुआं तक जे जिऊंदा ये अच्छा व्यवहार करदे रौआ, ये पक्का करने रे खातर भई तुहांरी आशा सच्च हूणी।

कुलुस्सियां 1:9

इस खातर जिस दिना ते अहें तुहांरे बारे च ये सुणया, अहें तुहांरे खातर लगातार प्राथना कराँ ये कने परमेशरा ने ये विनती कराँ ये भई परमेशरा रा आत्मा तुहांजो ज्ञान कने समझ देओ ताकि तुहें तिसरिया इच्छा जो पूरे तरिके ने समझी सक्को।

गलातियां 3:28

हुण नां कोई यहूदी रैया कने नां यूनानी, नां कोई दास रैया, नां अजाद, नां मर्द नां जनाना, काँह्भई मसीह यीशुये च तुहें सारे इक ये।

1 कुरिन्थियों 2:12

पर अहें संसारा रा आत्मा नीं पाया, पर सै आत्मा पाया सै जे परमेशरा रिया तरफा तेआ ताकि अहें तिन्हां गल्लां जो जाणिये सै जे परमेशरे अहांजो मुख्ता त दित्तिरे।

यूहन्ना 17:3

कने अनन्त जीवन येआ, भई लोक तिस इकलौते सच्चे परमेशरा जो पैहचाणो, कने सै मिन्जो यनि यीशु मसीह जो बी पैहचाणो, तिस्सो जे तिने भेज्जीरा।

यूहन्ना 16:15

जो किछ पिता रा सै मेरा इ हया; इस खातर मैं बोल्या, भई पवित्र आत्मे सैई दसणा सै जे मैं सुणया।

यूहन्ना 10:38

पर जे हऊँ कराँ, तां चाये माह पर विश्वास करा या नां करा, पर तिन्हां गल्लां पर त विश्वास करा ताकि तुहें जाणी सक्को कने समझी सक्को भई पिता माह चा कने हऊँ पिता चा।”

यूहन्ना 5:23

इस खातर भई सारे लोक तियां जे पिता परमेशरा रा आदर कराँ ये तियां इ पुत्रा रा आदर बी करो। सै माहणु जे पुत्रा रा आदर नीं करदा, सै तिस पिता परमेशरा रा आदर बी नीं करदा तिने जे मिन्जो भेज्जिरा।

यूहन्ना 5:17

इस पर यीशुये तिन्हाजो गलाया, “मेरा पिता परमेशर कदीं काम्म बन्द नीं करदा, इस खातर हऊँ बी लगातार काम्म कराँ।”

मत्ती 11:27

“मेरे पिता सारा किछ मिन्जो सौंपीरा; कने हकीकत च पिता ते इलावा कोई बी पुत्रा जो नीं जाणदा; कने कोई बी पुत्रा रे इलावा पिता जो नीं जाणदा; तिसरे खातर जे पुत्रे पिता जो प्रगट करना चाहया।

मत्ती 11:25

तिस इ वगत यीशुये गलाया, “पिता, तू स्वर्गा कने धरतिया रा मालक आ, हऊँ तेरा धन्यवाद कराँ भई तैं इन्हां गल्लां जो ज्ञानियां कने समझदार लोकां ते छुपाई ने रखीरा, कने आम लोकां पर प्रगट कित्या।

1 यूहन्ना 5:7

कने सै जे गवाही देआं, सै पवित्र आत्मा; काँह्भई पवित्र आत्मा सच्च बोलां।

1 यूहन्ना 3:19

ताहली जे अहें दुज्यां ने प्रेम कराँ ये तां अहां जाणना भई अहें सच्चाईया री सन्तान ये; कने तिसा गल्ला खातर जे अहांरा मन अहांजो दोष देंगा, तिस बारे च अहें परमेशरा रे सामणे अपणे दिलां जो हौंसला देई सकगे;

2 पतरस 3:18

बल्कि अहांरे प्रभु कने छुटकारा करने औल़े यीशु मसीह रे अनुग्रह कने ज्ञाना च तुहें अग्गे बधदे जावा। तिसरी महिमा हुण बी कने हमेशा हुन्दी रौ।

2 पतरस 1:10

इस खातर मेरे साथी विश्वासियो, परमेशरे तुहांजो चुणीरा कने तुहांजो सद्दीरा इसजो दसणे री होर बी जादा कोशिश करा, काँह्भई जे तुहें ये गल्लां कराँ ये, तां तुहां कदीं अपणा विश्वास नीं छडणा।

1 थिस्सलुनीकियां 5:14

साथी विश्वासियो, अहें तुहांजो विनती कराँ ये भई सै जे विश्वासी आलसी ये तिन्हाजो सावधान करा, कायराँ जो हौंसला देआ, सै जे कमजोर ये तिन्हांरी मदद करा, कने सारयां खा सहनशीलता दस्सा।

1 थिस्सलुनीकियां 3:2

कने अहें तिमुथियुस जो, सै जे मसीह रिया खुशखबरिया च अहांरा भाई आ कने परमेशरा रा सेवक आ, इस खातर तिस्सो तुहांले भेज्या भई सै तुहांजो मजबूत करने कने विश्वासा रे बारे च समझाई सक्को।

1 थिस्सलुनीकियां 1:5

काँह्भई ताहली जे अहें यीशु मसीह री खुशखबरी तुहांजो दस्सी तां तुहांले सिर्फ शब्दां ची नीं पुज्जी, बल्कि पवित्र आत्मे बी सामर्था ने काम्म कित्या; कने तुहें बौहत गैहराईया ने विश्वास कित्या। ये तुहें जाणाँ ये भई ताहली जे अहें तुहां सौगी थे, तां तुहांरी मदद करने खातर अहें किस तरिके रा व्यवहार कित्या।

प्रेरितां 4:32

विश्वास करने औल़यां री मण्डली इक चित कने इक्की मना री थी, येत्थी तका भई कोई बी अपणी धन सम्पतिया जो अपणा नीं बोलदा था, पर सब किछ सांझा था।

मत्ती 13:11

तिने जबाब दित्या, तुहांजो परमेशरा रे राज्जा री छुपी रियां गल्लां जो समझणे री अक्कल दित्तिरी, पर तिन्हांजो नीं।

लूका 1:1

आदरणीय थियूफिलुस जी! मतयां लोकें तिन्हां गल्लां रा ब्योरा लिखणे री कोशिश किति सै जे अहांरे बिच हुईयां।

रोमियो 2:4

क्या तुहें परमेशरा रिया महान किरपा जो, कने सहनशक्तिया कने धैर्य जो घटिया जाणाँ ये? क्या तुहें ये नीं समझदे भई परमेशरा री किरपा तुहांरी मन फिराव करने च अगुवाई कराँ इ?

1 कुरिन्थियों 14:31

काँह्भई तुहें सब इक-इक करीने भविष्यवाणी करी सक्कां ये, ताकि सब सिक्खी सक्को कने सब्बीं जो प्रोत्साहन मिली सक्को।

इफिसियां 1:7

अहौं तिसच परमेशरा रे बौहत अनुग्रह रे मुतावक मसीह रे खून्ना रे जरिये छुटकारा, यनिके अहांरे पापां री माफी मिलीरी, परमेशरा रा अनुग्रह बौहत इ महान आ सै जे तिने अहांजो बौहत-जादा करीने दित्या।

इफिसियां 3:3

भई सै भेत जे परमेशरे दर्शणा रे जरिये माह पर परगट कित्या, तिस्सो हऊँ तुहांजो थोड़ियां गल्लां च लिखी चुक्कीरा।

इफिसियां 3:16

हऊँ प्राथना कराँ भई सै अपणी बेथाह महिमा रे मुतावक अपणिया पवित्र आत्मा रे जरिये तुहांरिया अन्तरात्मा जो सामर्था ने भरीने मजबूत करो।

कुलुस्सियां 1:26

परमेशरे इस भेता जो तिन्हां सारयां लोकां ते सै जे पैहले थे छुपाई ने रखीरा था, पर हुण परमेशरे अपणे पवित्र लोकां पर परगट कित्या।

कुलुस्सियां 4:3

कने इस सौगी अहांरे खातर बी प्राथना करा भई परमेशर अहांरे खातर वचन सुणने रा येढ़ा अवसर देई दो, भई अहें मसीह रे तिस भेदा रा बखान करी सक्को तिसरिया वजह ने जे हऊँ कैदा चा,