कुलुस्सियां 2:1 - बिलासपुरी नौआं नियम

¹ हऊँ चाँह भई तुहें ये जाणी लो भई हऊँ तुहांरे खातर कने तिन्हां सारयां विश्वासियां रे खातर सै जे लौदीकिया नगरा चे कने तिन्हां सब्बीं विश्वासियां खातर सै जे आमतौर पर मांहने कदीं नीं मिले, हऊँ तुहांरी मदद करने रे खातर जो किछ करी सक्कां सै सब किछ करी रां,

कुलुस्सियां 2:1 Referans Kwoze

कुलुस्सियां 1:29

इसरे खातर हऊँ मसीह री शक्तिया रे मुतावक सै जे माह च सामर्था ने काम्म कराँ इ, तन-मन लाईने मेहणत करी कराँ।

फिलिप्पियां 1:30

कने तुहांजो तियां इ संघर्ष करने पौणा तियां जे तुहें पैहले मिन्जो करदे देख्या, कने हुण तुहें सुणां ये भई हऊँ हुण बी संघर्ष करी रां।

प्रकाशितवाक्य 1:11

“जो किछ तू देक्खां तिसजो कताबा च लिखीने सत्तां नगराँ रियां कलीसियां ले भेजी दे, यनिके इफिसुस, स्मुरना, पिरगमुन, थुआतीरा, सरदीस, फिलदिलफिया, कने लौदीकिया जो।”

कुलुस्सियां 1:24

मिन्जो इसा गल्ला री खुशी भई हुण हऊँ तुहांरे खातर दुख सैई सकूँ, कने तियां जे मसीह दुख सैया, तियां इ हऊँ बी खुशिया ने तिन्हां सारयां दुखां जो कलीसिया रे फायदे रे खातर अपणे शरीरा च सैयां सै जे जरूरी ये, ताकि कलीसिया री मदद करी सकूँ सै जे मसीह रे शरीरा साई आ।

प्रेरितां 20:38

सै जादा जे इसा गल्ला ते दुखी थे भई सै जे तिने बोल्ली री थी भई तुहां मिन्जो फेरी नीं देखणा। तां तिन्हें तिस्सो जहाजा तक पहुँचाया।

1 पतरस 1:8

हलाँकि तुहें कदी यीशु मसीह जो नीं देख्या फेरी बी तुहें तिसने प्यार कराँ ये; कने हुण तुहें तिस्सो नीं देखदे, फेरी बी तुहें तिस पर विश्वास कराँ ये कने येढ़े आनन्दित कने मगन हुआं ये सै जे बखान करने ते बाहर कने महिमा ने भरीरा,

कुलुस्सियां 2:5

हलाँकि हऊँ तुहांते दूर आ, पर तियां जे भई हऊँ तुहांरे सौगी इ हया, काँह्भई हऊँ तुहांरे बारे च सोचदा रैयां, कने हऊँ खुश आ भई तुहांजो तियां जे जीणा चाहिन्दा था तुहें तियां इ जीया कराँ ये कने मसीह च तुहांरा विश्वास मजबूत आ।

गलातियां 4:19

मेरे प्यारे बच्चो, तियां जे इक औरत बच्चा जणने रे वगत पीड़ा जो अनुभव कराँ इ, तियां इ हऊँ भीं तुहांरे खातर इक बार पीड़ सैईराँ। मांह तिसा पीड़ा च तदुआं तक रैहणा तदुआं तक जे तुहें पूरे तरिके ने मसीह साई नीं बणी जान्दे।

प्रेरितां 20:25

हुण हऊँ जाणाँ भई तुहें सब तिन्हां च जे हऊँ परमेशरा रे राज्जा रा प्रचार कित्या, मिन्जो फेरी नीं देखणा।

लूका 22:44

यीशु बड़ा बेचैन हुईने प्राथना करने लगया। तिसरिया आत्मा रा दर्द इतणा बधीग्या भई तिसरा परसीन्ना खून्ना रे टेपयां साई धरतिया पर टपकणे लगया।

इब्रानियों 5:7

ताहली जे यीशु इस संसारा च था तां तिसरे जीवन काला च ऊच्चिया अवाज़ा च पुकारदे हुये कने रोन्दे हुये आँसुआं ने परमेशरा रे सामणे प्राथना कने विनती कित्ती सै जे तिस्सो मौती ते बचाई सक्कां था; काँह्भई सै नम्र कने परमेशरा रे प्रति समर्पित था इस खातर परमेशरे तिसरी प्राथना सुणीने तिसजो जबाब दित्या।

1 थिस्सलुनीकियां 2:2

पर तुहें खुद जाणाँ ये भई अहें पैहले फिलिप्पी शहरा च दुख भोगणे कने उपद्रव सैहणे ते बाद बी अहांरे परमेशरे येढ़ि हिम्मत दित्ति, भई अहें परमेशरा री खुशखबरी बड़े बरोधा रे उपरान्त बी तुहांजो सुणाई सक्को।