कुलुस्सियां 1:21 - बिलासपुरी नौआं नियम

²¹ पैहले तुहें परमेशरा ते लग थे कने तुहां रिये सोच्चे तुहांजो परमेशरा रा दुश्मण बणाया था, काँह्भई तुहें लगातार बुरा काम्म करदे रै।

कुलुस्सियां 1:21 Referans Kwoze

इफिसियां 2:12

याद करा तिस बगत तुहें लोक मसीह ते लग थे, तुहें इस्राएल रिया बरादरिया ते बाहर थे, कने तिसरे वायदे रिया वाचां रे हिस्सेदार नीं थे कने इस संसार च बगैर आशा ते कने बगैर परमेशरा ते थे।

इफिसियां 4:18

सै परमेशरा रे बारे रियां गल्लां जो साफ तौर पर समझी नीं सकदे कने सै परमेशरा ते मिलणे औल़िया जिन्दगिया ते दूर ये, काँह्भई सै परमेशरा जो जाणदे नींये कने तिन्हांरे मन कठोर ये।

इफिसियां 2:19

इस खातर हुण तुहें अन्यजाति लोक अंजाण कने पराये नींए, पर पवित्र लोकां सौगी स्वदेशी कने परमेशरा रे परिवारा रे हुईगरे।

रोमियो 1:30

सै कहाणियां मढ़दे रैं, सै निंध्या करने औल़े, कने परमेशरा ते नफरत करने औल़े, दुज्जेयां री बेज्जति करने औल़े, घमण्डी, डींग मारने औल़े, बुरा करने खातर नई-नई स्कीमां बनाणे औल़े कने माता-पिता रा हुक्म नीं मनणे औल़े,

याकूब 4:4

विश्वासघाती लोको, क्या तुहांजो ये पता नींआ भई संसारा री दोस्ती तुहांजो परमेशरा रा दुश्मण बणां ईं? हऊँ भीं बोलां भई जे तुहांरा मकसद इस संसारा रा मजा लुटणा इ हाया, तां तुहें परमेशरा रे दोस्त नीं हुई सकदे।

इफिसियां 2:15

व्यवस्था रे बौहत नियम थे, पर मसीहे अपणिया मौती रे जरिये सारे यहूदी नियमां जो मटाया, तिसते जे यहूदी कने अन्यजातियां जो मसीह अप्पूँ सौगी मेल कराईने इक नया समूह बणाए। इस तरिके ने तिने तिन्हांरे बिच मेल-मलाप कित्या।