प्रेरितां 9:23 - बिलासपुरी नौआं नियम

²³ ताहली जे शाऊला जो दमिश्क नगरा च रैहन्दे हुये बौहत दिन बितिगे, तां यहूदियें मिलीने तिस्सो मारने री शाजिश रची।

प्रेरितां 9:23 Referans Kwoze

प्रेरितां 14:19

पर किछ यहूदियें अन्ताकिया कने इकुनियुम नगरा ते आईने लोकां जो अप्पूँ खा करील्या, कने पौलुसा पर पत्थर मारे, कने तिस्सो मरीरा समझीने नगरा ते बाहर घसीटी ने लईगे।

प्रेरितां 13:50

पर यहूदी अगुवेयां भगत कने कुलीन जनानां जो कने नगरा रे ताकतवर लोकां जो भड़काया, कने पौलुसा कने बरनबासा रे बरोधा च उपद्रव कराई ने तिन्हांजो अपणिया सीमा ते कड्डित्या।

2 कुरिन्थियों 11:26

मेरी कई यात्राँ रे दौरान मैं खतरनाक नदियां, खूँखार डाकुआं, खुद अपणयां लोकां, अन्यजातियां, नगराँ, गाँवां, समुद्राँ कने झूट्ठे विश्वासी भाईयां रे जख्मां रा सामना कित्या।

प्रेरितां 14:2

पर विश्वास नीं करने औल़यां यहूदियें अन्यजातियां रे मन विश्वासी भाईयां रे बरोधा च भड़काये कने वरोध पैदा करित्या।

प्रेरितां 9:16

कने माह तिस्सो दसणा भई मेरे बारे च लोकां जो गलाणे खातर तिस्सो केढ़े-केढ़े दुख सैहणे पौणे।”

प्रेरितां 9:22

पर शाऊल होर बी जादा सामर्था ने प्रचार करदा गया कने दमिश्क नगरा च रैहणे औल़े यहूदियां जो ये प्रमाणित करदे हुये भई येई मसीह आ, तिन्हांजो हराणे लगया।

प्रेरितां 15:26

ये येढ़े माहणु ये तिन्हें जे अपणे प्राण अहांरे प्रभु यीशु मसीह रे खातर मुश्कला च पाईरे।”

प्रेरितां 20:3

तां जे तिन्न महीने रैईने सै तित्थी ते जहाजा पर सीरिया प्रदेशा खा जाणे जो त्यार था, तां यहूदी अगुवेयां तिसजो मारने री योजना बणाई, इस खातर तिन्हें ये फैसला कित्या भई मकिदुनिया हुईने वापस हुई जाओ।

प्रेरितां 23:12

ताहली जे दिन हुआ तां यहूदियां रे किछ लोकें चाल खेल्ही कने कसम खाद्दि भई तदुआं तका जे पौलुसा जो मारी नीं देंगे, जे अहें खांगे या पींगे तां अहां पर लाणत इ।