प्रेरितां 6:7 - बिलासपुरी नौआं नियम

⁷ परमेशरा रा वचन फैलदा गया कने यरूशलेम च चेलयां री गिणती बौहत बधदी गई; कने बौहत सारे यहूदी याजकें यीशु मसीह पर विश्वास कित्या।

प्रेरितां 6:7 Referans Kwoze

प्रेरितां 19:20

इयां प्रभुये रा वचन जोरा-सोराँ ते फैलदा कने परबल हुन्दा गया।

प्रेरितां 12:24

पर परमेशरा रा वचन बधदा कने फैलदा गया कने विश्वासियां री संख्या बधदी गई।

कुलुस्सियां 1:6

बौहत सारी जगहां पर लोक मसीह रिया खुशखबरिया पर विश्वास करी राँये, कने बौहत लोक विश्वासी बणिगे कने इस तरिके ने व्यवहार कराँ ये सै जे परमेशरा जो खुश कराँ। जिस दिना ते तुहें तिसजो सुणया कने सच्चाईया जो समझया भई परमेशर खुशिया ने तिन्हांरे पापां जो माफ कराँ सै जे मसीह पर विश्वास कराँ ये, तियां जे तुहांरे सुणने रे पैहले दिना तेई तुहांरा जीवन बदलिग्या।

इब्रानियों 5:9

ताहली जे तिने बो सब कित्या सै जे तिस्सो करना चाहिन्दा था, तां सै तिन्हां सारयां रे खातर सदा काल रे छुटकारे री वजह बणया सै जे तिसरे हुक्मां जो मन्नां ये।

रोमियो 16:26

पर परमेशरा रे हुक्मा ते भविष्यवक्तयां रे लेखां रे जरिये हुण अहांजो कने अन्यजातियां जो प्रचार करीने दस्सीत्या, ताकि सारी जातियां विश्वास करी सक्को कने तिसरी आज्ञा मन्नी सक्को।

रोमियो 1:5

मसीह रे जरिये अहांजो अनुग्रह कने प्रेरित हुणे रा गौरब मिलया ताकि तिसरे नौआं रिया वजह ने सारी जातियां रे लोक विश्वास करीने तिसरे हुक्मा जो मन्नो,

प्रेरितां 14:22

कने हरेक नगरा रे चेलयां रे मना जो मजबूत करदे रहे कने ये उपदेश देआं थे भई विश्वासा च बणीरे रौआ; कने ये बोलां थे, “अहांजो मते दुख सहीने परमेशरा रे राज्जा च जाणे मिलणा।”

इब्रानियों 11:8

विश्वासा रे जरिये इ ताहली जे परमेशरे अब्राहम जो येढ़िया जगह पर जाणे रे खातर सद्दया था, सै जगह जे बाद बिच वारिस रे रुपा च तिसजो मिलणी थी, हलाँकि सै ये जाणदा तक नीं था भई सै कित्ती जाया राँ, फेरी भीं तिने परमेशरा रा हुक्म मन्नया कने सै चली गया।

2 तिमुथियुस 2:9

तिसरे खातर जे हऊँ अपराधिये साई दुख सैया राँ, येत्थी तक भई हऊँ जंजीरा च जकड़ी रा। पर कोई बी माहणु लोकां जो परमेशरा रे वचना रा प्रचार करने ते रोकी नीं सकदा।

2 थिस्सलुनीकियां 1:8

कने सै जे परमेशरा जो नीं पछयाणदे कने अहांरे प्रभु यीशुये रे खुशखबरिया जो ग्रहण नीं करदे तिन्हाजो तिस सजा देणी।

प्रेरितां 21:20

तिन्हें ये सुणीने परमेशरा री महिमा कित्ती, फेरी तिसने गलाया, “भाई तू जाणाँ भई यहूदी लोकां चते कई हजारें विश्वास कित्या; कने सब मूसा रिया व्यवस्था जो मनणे खातर जोशा ने भरीरे।

प्रेरितां 13:8

पर इलीमास टोणा, काँह्भई तिसरे नौआं रा येई मतलब आ, तिन्हांरा बरोध करीने हाकिमा जो यीशु मसीह पर विश्वास करने ते रोकणा चाया।

यूहन्ना 12:42

तां बी अधिकारियां चते बौहतीं तिस पर विश्वास कित्या, पर सै फरीसियां रिया वजह ते यीशुये जो सब्बीं रे सामणे इस खातर नीं ग्रहण करां थे, भई सै किति यहूदी सभा घर चते तिन्हाजो कड्डी नीं देओ;

लूका 2:34

फेरी शमौने तिन्हाजो आशीष दित्ति, कने तिने तिसरी माता मरियमा ने गलाया, “ये न्याणा परमेशरा री चुणीरी नशाणी इ। इस्राएल रे बौहत लोकां तिसरा इन्कार करना, कने सैई गल्ल कईयां रे उजड़ने री वजह बणनी, पर तिस बौहत लोकां रे खातर आशीषा री वजह बणना।

मत्ती 19:30

पर बौहत सारे सै जे अप्पूँजो खास समझां ये, हुण सै खास नीं रैहणे; कने सै जे खास नीं समझे जायें, सै औणे औल़े बगता च बौहत खास हुई जाणे।

प्रेरितां 2:47

कने परमेशरा री स्तुति कराँ थे, कने सब लोक तिन्हांते खुश थे : कने सै जे छुटकारा पां थे, तिन्हांजो प्रभु हर रोज़ तिन्हां च मलाई देआं था।

प्रेरितां 6:1

तिन्हां दिना च तां जे चेले गिणतिया च बौहत बधणे लगे, तां यूनानी भाषा बोलणे औल़े यहूदी चेलयां इब्रानी भाषा बोलणे औल़यां यहूदी चेलयां पर कुड़कुड़ाने लगे, भई हर रोज किया सेवा च अहां रियां विधवां री देख-भाल नीं हुंदी।

गलातियां 1:23

पर सै लोकां जो गलान्दे सुणां थे, “सै माहणु सै जे पैहले अहांजो सतां था, हुण सैई तिस विश्वासा रा प्रचार करी कराँ, तिस्सो जे तिने पैहले खत्म करने री कोशिश कित्ती थी।”

गलातियां 6:10

इस खातर तियां जे कोई मौका मिलो, अहांजो सारयां ने भलाई करनी चाहिन्दी, खास कर अपणे विश्वासी भाईयां सौगी।

यहूदा 1:3

मेरे प्यारे मित्रो, हलाँकि हऊँ तिस छुटकारे रे बारे च तुहौं लिखणे री हर कोशिश करीराँ था, तिसच जे अहें सब शामिल ये, पर हुण मैं तुहांजो ये लिखणा कने विनती करना जरूरी समझया ताकि तुहें तिस विश्वासा रिया हिफाज़ता खातर पूरी कोशिश करगे सै जे इक इ बार हमेशा रे खातर परमेशरा रे लोकां जो सौंपया गया था।

यहूदा 1:20

पर मेरे प्यारे मित्रो, तुहांजो पवित्र विश्वासा च बधणे खातर इक्की दूये री मदद करदे रैहणा चाहिन्दा कने पवित्र आत्मा रिया अगुवाईया रे जरिये तुहांजो प्राथना करनी चाहिन्दी।